تاني حاجه فهاد السنه ولدت ولدي محمد الله يخليه ليا

هادو أهم حاجات فعلا غيرو فحياتي وضحكوني وبكاوني فنفس الوقت .. حيت مايخفاش عليكم اختكم عرموطه هبيله .. ملي كانفرح كنبكي ونضحك ودموعي نازله وانا كنكركر .. ايوا شفتو الهبال كيداير

خططي المستقبليه أول حاجه مانخلي تاحاجه تأثر على المود ديالي حيت الحياة قصيره وماتسواش .. وياربي ماندير تاشي حاجه قاصداها ولا ماقاصداهاش وتحسب عليا دنب عند رب العالمين صغيره ولا كبيره

ونلتزم هاد المره بالريجيم .. صافي آوه .. عيقت كاع انا .. كالسه علف ياماتعلف مانحشمش ؟؟ وغاندخل للنادي باش ندير الايروبيك وتولي عندي تانا لا طاي واعره .. غي بيا ولا بيهم هاد الكيلوات لي هازه على قلبي ونجري بيهم
أه وباغا نرد بالي باش هاد العام انشالله مانحملش .. حيت راني وليت دايرا بحال قنيه .. العام لي جا يلقاني يا حامله يا كنرضع .. مالي معا من كنتسابق ياختي .. تلاته الله يجعل فيهم البركه ونربيهم مزيان انشالله

عييت مانبرول وتقول شي وحده واش قالت نمشي نطل على ديك الزغبيا لا لا لا نتوما خصني نتشمر ليكم .. كوكو كطلي عليا ياكي .. ياك موصيك باباك ماتطليش من السطوحه .. ياختي رمي ليا عافاك جلابتي من الشرجم وجيبي ليا عافاك داك التيو الاحمر .. رانا حاطاه من مور البوطا .. انا غانمشي نشوف هاد خياتنا مالهم زعما كيدايرا قضيتهم واعييت مانحزر وماجابش الله .. صافي دابا انا غانمشي نجعوق عليهم ولي ليها يا اما ينتفوني يا اما انتف ليهم دوك الشعورات .. صافي انا دابا باغا نتناتف شكون لي تجي تنناتف معايا .. ولا دابا نجبد ليهم مقص الضفار لي قال الشلح .. تاحنا السوبيس ..

لا باس عليكم غبرة واش من غبرة غبرتو

للا عرموطة راك محيحة مع راسك

اوا اختي هاني غير مع الوقت او صافي

بيني وبينك عندي الزهر اللي دخلت قبل مل تبداي النتيف

يا اختي راه عندي غير 2 شعرات بغيتي نتتفيني وتخليني بلاش و ضحكي عليا الشمايت

اجي بعدا قولي ليا نتي فين غبرتي ؟

اوا هانا دابا خليتها عندك

بالنسبة لانجازات ما حققت والو من داكشي اللي نويت غير سدي داك الموضوع او صافي

يله البنات كنسلم عليكم كلكم واحدة بواحدة

اهلا لا لا غيتا .. شخبارك .. وانتي دابا زهقتي ليا .. ولاكن البنات الخرين رانا حالفه فيهم .. شوفي واخا هاكاك رانا قلبي ابيض .. زعما كل وحده نتفها على قد شعرها .. ولي عندها جوج زغيبات نعبز ليها ففخيداتها نقررص ليها فيهم .. زعما حاطه استراتيجيه لكل وحده وحاطه خطط وخطط بديله وخطط للطواريء ماتخافيش عليا رانا حادكه زعما .. واكيجاتك عاوتاني هادي آااا ياكي واعره هادي ديال خطط الطواريئ