حنين2008 :

هبهوبة لباس عليك كدرتي مع الحمالة معندو لاش يطرلي مالها شركة الوالد :27: هحنا غير خدامين فيها انا براصي نصحت راجلي يشري Motorola حيت حسن :D

هبهوبة لباس عليك كدرتي مع الحمالة معندو لاش يطرلي مالها شركة الوالد :27: هحنا غير خدامين فيها...

جوهرة12 :

مساء الخير عليكم البنات كدايرين لاباس عليكم كدايرين مع شي شقا لي خلا لينا العيد لاباس عليكم لي كاينة فيكم ترد

مساء الخير عليكم البنات كدايرين لاباس عليكم كدايرين مع شي شقا لي خلا لينا العيد لاباس عليكم لي...

طيبات :

بسم الله ، هدى أول مشاركة لي و فرحت ملى لقيت اخواتاتى المغربيات مجمعات فى هاد القنت . المهم نحب نعرفكم بنفسي: أنا مغربية من كازابلانكا و عمرى 29 عام و متزوجة بكويتى و عايشة فى الكويت 7 سنين و الحمد لله عطاتنى الكويت و مرتاحة فيها و الله يعمرها دار. المهم ندخل فى الموضوع نيشان بغيتكم يا خواتاتى و خاصة اللى عايشين برا المغرب سواء فى الخليج أو أوروبا أو أمريكا أو أو بغيت نذكركم بشى حويجات و ان شاء الله نلقى قلوبكم حنينة لأن اللى قمتوا بهذه المساعادات غادية تفيدكم بالدنيا و الاخرة: * لاحظت بعدما قريت معظم الصفحات أننا قاعدين نهدرو ا غير فى الطياب و الخدمة و اشا كانديروا و نضحكوا و ما لقيت حتى شي ملاحظات من اى اخت فبغيت نبلغكم بهاد الوصيات و لأنى بغيت لكم الأجر فى الدنيا و الاخرة: ندخل فى الموضوع: كلامى هذا نوجهو لكل أخت مغربية الله أنعم عليها و دارت شي من برا زعمة فادت نفسها و فادت دارهم أنها تتفكر الناس المساكين و المحتاجين و هذوك الطلابة و المعاقين اللى كنلقاوهم فى الزناقى فى السواقة و القساريات و غير الله يخليكم اخواتاتى أن كل واحدة قبل ما تسافر المغرب تحط و احد المبلغ صغير بوحدو و تخصصه لهدوك المساكين و المحتاجين و اللى ما عندهم خدمة و تساعدهم و تفرق شوية شوية على كل مسكين حتى لو ما مدش ايدو لها تشوف و تتحقق انه محتاج و تعطيه و اللى شاطوا عليكم الملابس و ما بقيتوش بغيتهم ما تلوحوهمش حطوهم بشي فاليزا و فرقوها على الناس المحتاجين و الله راكم غادين تحسوا بواحد الفرحة ملى يشكركم هدوك المساكين من قلوبهم . و نذكركم بواحد الشى المهم المهم اللى غادى يفيدكم فى الدنيا أو الأخرة هو خاصكم تطلعوا الزكاة و العشار على هدوك المساكين اللى ما كتابش ليهم يخرجوا برا المغرب و يخدموا الزكاة مهمة و واجبة علينا كلنا يقول لك الا كان عندك قيمة مليون ريال مغربية يعنى 1000 دولار أمريكى و حال عليها الحول و ما صرفتيهاش راكى خاصك تطلعى عليها 2,5% الله الله فى هدوك المساكين و المحتاجين و راهم قواو بزاف للظروف اللى انتم عارفينها . * واحد الحاجة أخرى بغيت نقولها لكم ما تبقاوش تديو ا الكادوات للعائلة و الصحابات مرة واحدة فقط و غبوا لأن كاينين الناس المساكين اللى مالاقين ياكلو و محتاجين انا كنهدر معاكم من نيتى و الله أنى المرة الأخيرة ملى مشيت المغرب لقيت واحد المرة شارفة مسكينة و باركة فى واحد المحل تنقى الزرع وهذى هى الخدمة ديالها و ملى ناضت باركة تمشي متكيى على ظهرها و قلت لها علاش ما يخدموش ولادك قالت لى يا بنتى ولادى مازال باقين طامعين فى و شحال يعطينا مول الزراع ربعماية بسيمانة و الله بكيت و عطيتها المقسوم و قليل بزاف لكنها فرحت و عنقتنى و بزاف الحوايج عملت و عايلتى ما بقيت ندى ليهم الكادوات و التفاصل لأن يا اما يخزنوهم فى الماريو الا ا1ذا جا شي عرس و لا مناسبى يالا لبسوهم قلت هذى المرة نولي نتصدق و نطلع الزكاة و الحمد لله و الله ملى نرجع الكويت دغية ترجع لى الفلوس اللى تصدقت بها و بزيادة و منين و الله ما نعرف و هذه حقيقة مثلا ملى رجعت الأمير الشيخ جابر الله يرحمه وزع 200 دينار لأنى انا كذلك وليت كويتية لأن راجلى طلع لى الجنسية الكويتية. المهم من هاد الكلام كلو هو أنى بغيت لكم الخير و الأجر و تفكروا فى الأخرة شوية و ما يبقاش الهم ديالنا هو الدنيا أنا هاد شي تعلمت من واحد المرة مغربية كبيرة شوية متزوجة راجل كويتى لاباس عليه بزاف بزاف و الله قالت لى انا الله عطانى الفلوس و الفلوس ماشي كلها ديالى لأن المساكين لهم الحق فيها و هكا أنا مشى المغرب كل 6 شهور و نقلب على المحتاجين و نساعدهم و قالت لى أنا كافلة درارى صغار كيقروا نخلص لهم المدرسة و التلعيم لأنهم فقرا و قالت لى ان شاء الله راجلى غادى يعطينى شي مبلغ و باغية نفتح دار لرعاية اليتامى المهم . المهم الله يرضى عليكم لأن الواحد ما يعرفش راسو يبقى حى و لا ميت و متى آجله و كما الله نعم علينا خاصنا نرد الجميل و نساعد القراء بالزكاة و الصدقة و المغربة خوتنا أهم من ناس خرين الله يرضى عليكم و يخليكم و نتمنى ما نكون قويت عليكم الهدرة و الله لأن قلبى ياكلنى على هدوك اللى ماخدمينش و الله الدرارى الصغار اللى خرجوا من المدرسة و يبيعوا الغارو و الا هدوك المعاقين اللى يزحفو فى الشانطيات و الله الا اعطانا المال هو أمانة عندنا لازم نوفيها قدرها و ما نبقاوش ندفعوا البخ على اخوتنا و نبانو عليهم الا زرنا المغرب لازم نفكر كيفاش نساعد اخوانا المغاربة و الله يرضى عليكم و سمحوا لى الا ما عجبكمش كلامى و مادام ياختى عرموطة فتحتى هذا اللوبى نتمنى نقرا رايك و تساعدينى فى تبليغ هادى الرسالة و تحمسي خواتاتى بش يتشعوا حتى هما و الله يرضي عليكم و لا ذكرتوا وصيتى يدعيوا الله لى بالخير و يعطينى اللى بغيت و المسامحة ياشريفات و تبارك الله عليكم .

بسم الله ، هدى أول مشاركة لي و فرحت ملى لقيت اخواتاتى المغربيات مجمعات فى هاد القنت . المهم نحب...