البنات الحمد لله انكم كلكم بيخير , غي هاديك المؤدبه مالها ماباينش ليها الأتار ,والبنات زعما تبارك الله عليكم , كتبردو القلب وتحمرو الوجه .. عرفتي فين ماكندخل واخا غي نقرا الا ماقدرتش انشارك , كانقول بصح زعما راكم كتهبلو , الا فالطياب ولا فجمال ولا حداكه ولا تاويل الصلا عالنبي عليكم .. سبرينغ واللاهيلا مانتي بهينه وانا امك:D انا ملي كنت كنشوف مشاركاتك حتى قبل مانسجل بالمنتدى كنت حاسه راكي مغربيه راكي عارفه كنشم الريحه :) ومؤدبين تبارك الله زعما , الله يخليكم ديما هاكا وخلاص:33:

منى اشخبارك لاباس عليك , ايوا هانتي ياختي راكي عندك ومعاك .. البنات راها كتعرف كل شي تبارك الله يالله قصحوا معاها
انا فالاول قلتي هادي مسيكينه كتعرف غي جوج كليمات سهلت معاك وكنهضر معاك غي بالشويا بلاتي , ايوا ياختي ونتي تبداي تبوباي وتفلعصي علينا:D اجي بغيت نقول ليك بالنسبه للكلبه را فقتي من الكلبه ماشي معنى اخر ديال الكلبه الااا هادي راها كلبه وحطي تلاتة النقاط فوق الكاف باش تنطقيها :)
ضربة حظ لاباس عليك , الصراحه نتي لي صدمتيني , صدمتيني وبزاف , اخر وحده كنت كانتوقعها تكون مغربيه هيا نتي يا ضربة حظ , آخر وحده , خليتيني غي حاله فمي , لاني كنت كيحساب لي سعوديه .. واحد خيتي كانت كتقول لي يمه منكم يالمغربيات , فين مامشيتو كتخلطو مع المجتمع وكديرو بلاصتكم , تقول انتشرتو بلا قياس فين مانمشيوا نلقاوكم , ايوا شوفي ليك المره . ايوا بسم الله علينا كيما شافونا يخليونا وحنا كنحمقو بالزين ;)

ايوا يا فلوغ ويا فاتي فلوغ ومغربيه وكاع البنات لي فالمغرب راكم مبرعين ليا مع راساتكم المغرب كايكون زاهي فالليل سعدااااتكم
غي هيا واحد فتيحه مانعرف فين غبرات ,ولا دالعه بحال القاعيدا
شوفو البنات لي من الرباط قولو ليا منينا ابلاصه من الرباط , باش الا جيت نهجم عليكم حيت زعما تا انا من الرباط :)

وضربة حظ اجي عاودي لي زعما , انتي زعما كيدايرا قضيتك , كليتي التمر والحليب ديال الضيافه , شربتي هاد اتاي بورزه لي مطيباه أم منار وهادوك الرغيفات ايوا آجي جلشي وصخني بلاصتك وقري , راكي عارفه عرموطه ولونكيطات
فين ساكنه وشحال عندك من عام ومجوجه ولا .... وكل شي :)
حتى انا كنموت بالضحك على سميتو عليه , لي مايقشبل تازرواطا
طاطا طاطا بالصقلي زرواطه , هالحماق بدا:D

واحد السلام عليكم
بنات البلاد راكم منورين اللوبي تبارك الله علينا ربي يحظينا ها حنا جينا لا تكولو ما جينا هاهاه ...كملو من عندكم ;) ختكم راها زركة في الغنا
عرموطة باين عليك ضحوكية عرفتي قتلتيني بالضحك تبارك الله عليك , انا يا ختي في الرباط في حي اليوسفية او خدامة في مدينة العرفان مرحبا بيك آختي هجمي في اي وقت بغيتي :) انا راني عندي سلكسونة ديال الصحابات اجتماعية بلا قياس دارنا كنت كندوخهم بكثرة الصحابات كل وحدة او اشنو سميتها ولكن ما عندي ما ندير هادشي اللي عطى الله
البنات كيف صبحتو مع تبارك الله كثار خمسة او خميس في عينين اللي ما يصليش على النبي غادي نبقى نكول غير الرباعة ;)
شوفو انا راه واخا انفورماتيسيانا مكنعرفش كيفاش نصيفط ليكم شي فيشيي نوروني الله ينوركم