جاب لي الله كنهدر ونجاوب بوحدي وا عتقوني لا نحماق

هانا آ الزين ديالى
لتحضير دانون : 1/2 ل حليب بارد خلطي معاه 1 دانون + سكر على قياسك ثم كبيه في كؤوس ما تعمريش الكيسان غير النص او خودي 1/2 لتر حليب سخون (فايض) او كبيه في الكيسان اللي فيهم الخليط الاول وخليهم برا ما دخليهمش للتلاجة حتى يبردو
لتحضير سيبيانا : سردين منقي مزيان او les anchois حيدي ليهم حتى القشرة او ديريه في كوكوت + ورقة سيدنا موسى + ملح + ابزار + كامون +شوية الزعتر+كاس صغير الزيت بلدية +ملعق كبيرة مطيشة الحك ايلا بغيتيه بمطيشة ايلا ما بغيتيهاش بلاش +هريسة(على حساب واش كتبغي الحار) سدي عليه الكوكوت تصفر 10 دقايق او صافي بالصحة او الراحة
لتحضير الجبن: 1/2 لتر حليب فايض + سكر او ملح (على حساب واش بغيتي جبن مالح اولا حلو) + 1/2 لتر لبن خلطي كلشي غادي يتكعلل ديريه في درة ديال حياتي نقية او خلي يتسقطر ما تعصريه ما والو من الصباح حتى العشية كيتجمع (ملي ديريه في الدرة علقيه فشي بلاصة بحال الرزيمة او ديري تحتو شي بانيو فين يتسقطر

الله يا ربي سخفت

لتحضير كاشير : 4 بيضات + كاس صغير سميدة رقيقة + 2 كيري + 1/2 كاس صغير زيت خلطي معاه التحميرة باش تطلق مزيان +ملح + ابزار +1 كنور +هريسة والزيتون مقطع (على حساب الذوق انا عزيزة علي الهريسة في الطياب اللي ا عندهاش مع الحار ما ديرهاش)
ممكن تزيدي شي شوية ديال الكفتة باش يجي بنين او ديري كلشي في الميكسور او ديريه في قرعة او سديها مزيان انا عندي الحك ديال كاشير او ديري الحك في طنجرة عمري عليه الما مزيان او خلي ه يغلى شي ساعة الا ربع ملي يبان ليك تجمع حيديه او خليه حتي يبرد عاد حلي عليه

السلام عليكم يا الزيونات ... كي صبحتو؟ راني البارح خرجت بكري مقدرتش نكمل النهار..ولكن تبارك الله عليكم .. ملي دخلتونا كنقرا.... زعما كيما كالت fati_fleur تبارك الله علينا او ربي يحظينا ....
أم سارة الحبوبة ... كي دارية لاباس عليك الزين؟ ... وآش خبار اختك مع الصيام .... انا البارح هداك الصهد سالا معايا ومقدرتش نكمل النهار.. الله اسمح ليا ...
مغربية ...كي دايرة يا بنت بلادي ؟ اش خبار البليدة ؟؟ كاين شي شرقي ؟؟ توحشت شي دويرة فالصقالة اولا فالمرسى ... سلمي ليا على سعيد مول الكصكروط اللي فالقصبة ... ومكرهتش هاد الحلوة ديال la patate عند ادريس ....
وضربة حظ ... شكرا على المسطرة .. ولكن مبغاش ادخل لي السيت .. هاد الادارة فاين كاينة مانعين علينا شحال من سيت ... انا مباركة اللي خاليين اي هاد المنتدى
كوكو يا كوكو .... فين غبوراتك ؟؟؟
عصفورة طلعتي تاني لشجرتك ؟؟؟
البنات كلكم....صباحكم مبروك راني معاكم واحد السويعة ومن بعد غادا نطل على طبيبتي .. واقيلا غادا ندير شي سرتفيكا باش نرتاح ....

بالنسبة للرايب نفس الطريق اللي كتبات مغربية غير انا كنسخن الفران مزيان او كنطفيه او كنفرغ الخليط في كيسان كنديرو في طاوة او كندخلو للفران اللي سخون او طافي حتى كيتجمع مزيان او كنديرو في الثلاجة باش يبرد

على سلامتك ليمالمار مايكون عندك باس آ ختي الله يفك لوحايل يا ربي ,واش هادي حمالتك لولا ؟ او شحال من شهر دابا عندك؟ او فين ساكنة دابا الرباط اولا كازا؟