كوكو انا را همي هم فالمرة الاولى ما حملت غير بالحزارة و حتى تدخلات امو وخوتو و رغم ذلك بقا علي تايطعني بالسم حتى طاح و بقيت من موراها عام وانا تانحاول معاه باش بغا ولكن طاح فالشهر الخامس ودابا را قريب عام وهو داير معايا العزل وهددتو بالطلاق قال لي سيري من دابا را عشرة تايتسناو اشارة مني شعوري ما قاداش نوصفو حاسة انني ضعت معاه وما عرفتش اشنو باغي بالضبط و دابا واش نقولها لمو ولا نسكت و حتى ايلا رجعت غادي نرجع خاسرة بجميع المقاييس سمحت فخدمتي و تبعتو لهاذ الجايحة وشريت معاه الدار والفراش وكلشي و خدامة عليه كيف العبد وهو داير كيف مولاي السلطان را سنين ديال الصبردوزت معاه الله يدير شي تاول وخلاص

لي سمع هذ الشي يقول شي مقطعة و انا بنت عائلة وقارية و باقة صغيرة وكنت بخدمتي بطوموبيلتي و ما خذاني حتى حفا صباطو مورايا

أش غادة نقو ليك أختي الله يصبرك ويفك كربتك
مسولتيهش علاش مبغيش الأولاد شوفي بهدوء نيتو فين غادة
الله معاك أ ختيييييييييي

الله ييسر امورك اختي هبهوبة بفضل ليلة القدر المباركة الله يهدي زوجك عليك و يسعد ايامكم بكتاكيت و بللي تمنى قلبك.

صباح الخير و الرباح يا وجوه الخير والرباح :27:
عرفتو ملي كندخل البيرو كنكول ما نفتحش اللوبي حتى نحيد خدمتي حيت الشيف كيحتاج الخدمة تكون عندو في الوقت و لكن الادمان عليكم و على جماعتكم الزوينة كيكول لي حلي قراي اشنو كاين او سيري
او ملي قريت كلت نجاوب خواتاتي او بقات فيا هبهوبة الحبيبة الله يفك عليها هاد الغمة يا ربي
هبهوبة: شوفي متخليش هاد المشكل يأثر عليك حيت حنايا العيالات كلشي كنرجعوه لقلوبنا اما الرجال الا كيكولو كلمة نتي تبقاي تخبطي ملي تسمعوها او هوما كان شيئا لم يقع , و الله اختي ايلا كنكوليك هاد الهدرة من باب تجربتي انا كنت كلشي كنعاودو لراجلي دايراه كلشي في حياتي منعاودش لمي ونعاود ليه حيت كنت كنكول خاص العلاقة الزوجية تكون صريحة كنت كنتخيل نبني علاقة زوجية مثالية ولكن داكشي ما كاينش في هاد الزمان ,ايوا اش نكوليك شي نهار يكوليا شي كلمة مكنعسش بالليل او نبقا نبكي نبكي او هو ناعس مع راسو او انا كنصبح عيني مبوقلين بالبكا او هو بحالا ما كال حتتى حاجا كيهضر معايا عادي :(
ولكن دابا مع التجربة توصلت لهاد الحل اللي كنتمنى انك حتى نتي تبعيه
اي مشكل عرفي بانه طال اولا قصار غادي يتحل باذن الله ,تعاملي مع راجلك بما يرضي الله او ما ضلميش ايلا كاليك كلمة ردي عليه لانه من حقك ايلا ملقيتي باش تردي ميكي ديري ودن ميكة كلمة دخلات من ودن او خرجات من ودن (او هادي احسن حل لقيتو انا مع جميع الناس ماشي غير راجلي ايلا بغيتي آ بنتي تعيشي ) او صلي او شكي امرك لله او حاشا ربي واش يرد عبد اشتكى ليه
و بالنسبة للأولاد ايلا ما كانش باغيهم ميكي على الموضوع او متبقاي تجبديه مع حت واحد او جبديه دائما مع الله سبحانه و تعالى لان الله ملي كيبتلينا بشي مشكلة كنمشيو نكولوها لجميع الناس و الله كيكول علاش بني آدم ما شكاش عليا انا الأولى و نجعل ليه مخرج انا نهار قريت هادشي بقيت كنبكي علاش منشكيوش الله سبحانه
نصيحة:قال عز و جل "وابتغ فيما آتاك الله الدار الآخرة و لا تنسى نصيبك من الدنيا و احسن كما احسن الله اليك" صدق الله
عيشي حياتك ما تنكديهاش على راسك او علا راجلك و ديري الواجبات ديالك كزوجة و كراعية مسؤولة على رعيتك و متفرطيش في عبادتك اللي هي الاساسية و طلبي الله صباح و عشية او ان شاء الله غادي يجي الفرج من عند لان اله كيحبنا بزاف او كيبغي يفرحنا ايلا كنا على طاعته محافظين او واحد النهار غادي تبقاي تكولي لينا راه الدراري مبرزطيني او مكنقدش ندخل نهضر معاكم :)
او مترجعيش لمغرب آ صاحبتي غير تناقشتو آ صاحبتي صافي ترجعي ايوا ايلا جات كل وحدة تناقش مع راجلها و تهز باليزتها تا واحد ما غادي يبقا مزوج :39:
خليك آ لالا في دارك او لوني لالا او مو لاتي و حافظي على بيتك او كوني سياسية مع راسك فهمتيني حلي المشاكل ديالك بحذر و تقنية بلا صداع و تفكريني
شوفي كون كنتي عند واليديك و تخاصمتي مع خوك او ختك او ماماك واش غادي تهزي باليزتك او تخرجي ؟ :30: ايوا خلي عقلك كبير راه الراجل كتعجبو المرة العاقلة اللي كتحل مشاكلها بلا صداع لا كيرا
وسمحي ليا بزاف ايلا فلطت فشو كلمة ,كنهضر معاك بحال كنهضر مع ختي
الله يبعد عليكم الشيطان وهو النفس الامارة بالسوء و يطفي عليكم الغضب و يرزقكم الذرية الصالحة يا ربي