:) السلام عليكم البنات ..
كيف صبحتوا لاباس؟ اختي كوكو شكرا الحبيبة على اهتمامك بالموضوع لهلا يخطيك
فاتي انا معاك في حفظ القران الكريم ولكن انا مكندخلش بزاف وقت الخدمة دابا غير العطلة اللي زيغاتني..ولكن راها فكرة ممتازة ربي يقوي ايماننا اجمعين
اختي هبهوبة انا مع ام منار في الحل اللي عطاتك ..فعلا ما تعطيهش فرصة يفقصك اختي ثم ديري فبالك باللي راه الله اللي كيعطي وياخد ماشي هو والى بغا الله تحبالي غادي تحبالي واخا يدير اللي ما يدار المهم الحبيبة خلي املك فالله كبير وطلبي الدرية الصالحة من الله وما تبقايش تجبدي معاه هاد الموضوع نهائيا وبقاي قوليلو الى قالك عشرة يتمناوه ..حسبي الله ونعم الوكيل راه غادي ياخد الله حقك منو بلا ما تفقصي راسك ونزيدك ديما قولي الخير فيما اختاره الله ..
انا طولت عليك سمحيلي ولكن والله الحبيبة راه ما كاينش شي واحد كيستاهل تمرضي اعصابك عليه..والله يفرج همك اختي ويبعد الشيطان عليكم وبقاي تديري سورة البقرة فدارك كل ثلاثة ايام ...تسمعيها انتي واياه راه كتبعد الشيطان وكتهدي النفوس

ام منار شكرا الحبيبة على الرابط ومبروك عواشرك

عصفورة على الشجرة الله يحفظك احبيبه انتي الوحيده اللي عبرتيني

والله انا محتاره وما عارفه شنو ندير غير خليوها على الله ودعيو معايا الله يفرج عليا وعلينا كاملين

أنشودة المطر لهلا يخطيك ولكن راك عارفة الغربة كون عندي لمن نشكي كون نرجع عندو مفشوشة بالحق الله را تايشوف

أم منار والله ايلا فكرة جهنمية انا بعدا را دفعت طلب للخدمة يا ربي يطلقوني دغيا و بديت فالرياضة ومع الفقسة رقاقيت طيحت8 كيلو وليت مكتكتة وقطعت السالف حتى للوذنين بقا عا تايدور فعينيه و البارح حلف حتى يحررها عليا قال لي صغاريتي بحال ايام لافاك ولكن ما كاينش اللي تايهلك الصحة ويشرف بحال حرب الاعصاب قلت لو الله يعطي كل واحد على قد نيتو