الله يحسن عوانك ياختي , اش من ولايه فين راكي ؟؟

شوفي انا غنمشي شويه , حيت الدراري خصهم يديروا , دودو :) واللاهيلا عجبني الحال ملي شفتك , الا رجعت ولقيتك باقا مازال نكملو حتيتنا :39:

لالة عرموطة علاش يشدو بيك الصواني،انت مولات الصواب والتاويل... انا هنا مع زوجي مع عندي اطفال سقطت مرتين ،كنعيش الخدمة والجيران وكنمشي للبحر نصيد كل خميس ... سبحان الله حتى هنا الامارات زوينة فيها الامن ماشي بحال يعقوب المنصور والعكاري وج 5 ... كنخرج في اي وقت وما كنخاف على بزطامي ولا على خواتمي ... حتى انا منين كنمشي للمغرب كنتوحش داري وكل حاجة ....سبحان الله المغرب ولاف ونحب الجيران ، ندخل من دار لدار ، ونشرب اتاي بحال القربة ... وهنا كنطيب ولكن ماشي بحال ماكلة المغرب .... الطعم والطراوة والماء وكل حاجة ... ومنين كنمشي للمغرب ايضا كندخل الحمام كنصير بحال شي حمقة ، نظل نصب الماء وندخل من صالة الى صالة ... هنا كنغسل حمام مغربي لكن كنغش ...المهم الحمد لله على كل حال كل واحد فين اعطاه الله - الخبزة - ؟.؟؟
عرموطة ، تهلاي لي في راسك وفي الوليدات وفي كل حاجة
ش

انا كاينة فىفلوريدا وشتي هاد المشكل كاين حتى في المغرب وهدوك مايهمكش بزاف المهم هما وليداتك وراجلك

اهلا بلالا نبيهه , مرحبا وألف مرحبا ,اتاي موجود عالشكال والنواع , تبارك الله عندنا البنات من كاع المغرب من الشمال ومن كازا , غير طلبي وتمناو كل شي يحضر ويجي بين يديك , مجيتك راها عزيزه علينا , وماكاين ماحسن من هاد الجمعيه وهاد الود لي طايجمع بينا وخا ماشايفينش بعضياتنا , تبارك الله علينا وربي يحضينا..ايوا اختي انا ماوجدت والو حيت ماعندي شكون لي ياكل , نبدا نعلف غي بوحدي كي الغوله ,ماجاتش :)سلو جبت معايا سطل العام لي فات راه باقي كيسمع فيك , كل خطره نخلط شويه وناكل .. عرفتي انا حتى الرغيف ماكنصوبهمش نشريهم مجمدين من السوبر ,نشوط ونحط حدايا , كل شي تبدل عليا .هنا نظام اكل مختلف بزاف علينا , فلا انا كتعجبني ماكلتهم واخا كنطيبها , واللهونعرض عليكم شي نهار الفطور على طريقتهم ونعرض عليكم واللاه تتموتو بالضحك ,مختلفين كليا , وانا وحده وهما عرام مانقدرش نفرض عليهم ماكلتنا وفطورنا.. لهلا يخطي ماكدونالد وبيتزا هت ولاكورا مت بالجوع شحال هادي