هانا فقت من النعاس صبح راسي قد السطل لالة عرموطة بغيتي تعرفي أشنو شريت امممم مشيت أول حاجة تغديت برا و دزت لنوصيبي خديت عكار و ماسك لوجهي و من تما مشيت خديت سوتيانات و كويليطات ديال الدانتيل فالابيض غير باش نفرح ملائكتي مايمشيش بالك بعيد و خديت كادر دالعود منقوش درت فيه تصويرة العرس و حطيتها فوق البوفي را غمالت فلالبوم و مشيت آلالة عليك جبت دورة عند مالين الاثاث و كومانديت واحد الكانابي داير على شكل زاوية من شحال هذا ونا تنحلم بيه اصلا الصالون لي عندي محرتك وما عمرو عجبني كان شاريه راجلي قبل ما نجي ومن الصولد من الفوق السقرام لاخور :D

عصفورة صباح الخير بصح الخدمة احن من جلسة الدار خصوصا للي ما مولفش بيها و لكن الوقت تاتفرض على الواحد شي حوايج فشكل

رازا علاش ما ديريش إعلان فلوماتان را تايجيب نتيجة خصوصا إلى كنت فكازا بزاف دالبنات تانعرفهم صدق ليهم

أم منار ما يكون باس تانا رامن السيمانة الاخيرة ديال رمضان ونا مريضة ياختي هاذ الجو مابغاش يتولف ليا وزيديك هذاك المصيبة ديال الشوفاج غير خليها عالله اوصافي

آجيو فيناهوما فلورغوز وفاتي فلور وام سارة ياكما مسافرين