لالة عرموطة، كتبت فقرة طويلة وراحت ، هاذ المنتدى به شي حاجة ... اش نقول ليك كيف وكيف الصغار وكيف الصحة .
انا كنسكن في الشارقة في شارع جمال عبد الناصر قرب البحيرة، وكندمر في دبي في طريق الشيخ زايد ، كنظل نسركل بالطاموبيلة حتى يدي صاروا محروقين بحال تاع الهنود ،لكن لبستهم صباعيات تاع القطن ، مرة كان عندي لقاء عملي ،وحتى حدى البوليس وانا ما عرفت فين ندير مؤخرة السيارة ، ودرتها في الاتجاه المخالف ... وبديت كنخضار ونزراق وما رضيتش لكن ساعدوني ، كيف قلت لو كنت في المغرب كونا مصيبة ...
الحبيبة ،رمضان ديال العام اللي فات توحشت السلو ، قمت يا لالا مولات الخير شريت كل حاجة ، المقلة الاولى تاع الطحين ، تحرقات صارت فاخر ،والثانيةوالثالثة نقولوا مقبولة ، المهم خلطت سلو وتكاسلت نديرو في سطيلة او اي حاجة ،بقاو في الطبسيل كل يوم يتنقل في العشية يدخل المطبخ يقرب الفطار يتحط على الطابلة وبالملعقة الكبيرة كناكل .... ساليتو في اسبوع ، سالى رمضان ولقيت وزني زاد سبعة كيلو ... بالنسبة للمسمن ،كنموت عليه لكن منين كنعجنهم كيجيو بحال الكاواتشو ، ما كندلكهمش مزيان ،واختك فتيحة كتبقى تلوك في القشرة الخارجية فقط ، المهم الحمد لله
البحر كنصطاد في الممزر وكنجيبو حويتات لكن ماشي بحال تاعنا ، حوت العكاري والجوطية :الفرخ والميرلة وبوزروغ الله الله
المهم حتى العشية وندخل نهجم عليك الزين ونتابعوا حديثنا
بسلامة خليت ليك الراحة

المؤدبة دائما كيف دايرة واش كاتعودي
فتيحة فرحتيني بهدرتك المغرب فيه الخير ونحمد لله لحكاش حني مغاربة حتي انا اتنموت على المغرب
قولي لي مالك ماكتكديش دلكي ضحكتيني انا ندلك ليك ههههههه
سلو ماطيحش عليك الكرش الصكعة وفي الحقيقة رمضان زين واخا فيه تمارة ولكن كيعجبني الجو ديالو وكنولفو
انا كنسكن في الدارالبيضاء متزوجة وعندي ولد عندو 14 شهرا لخانز ولامحايح عليا انا وباه الله يخليليكم وليداتكم يالله حتى لشوية

للا عرموطه واش غدي نلعبوا كاشكاش انا وياك هنايا ملي نكون على النت وتخرجي نتي هههههههههههههههههه حنا المغاربه سبحان الله ما نتفارقوا مع الحريره وخا نمشو المريخ حتى انا لابدى من الحريره واليوم لي نكونوا عند اهل زوجي ما عندي الا نصبر نشربوا ديك الشربه وخا ما كتعجبني بزاف ولا اذا كنا معروضين لابده ما ندير الحريره ومعاها شي حاجه خرى بحال المسمنات ولا البريوات..........الله ايعونا يارب

ألوووووووووووووووووووووووووووو

مسا الخير والخمير الا لا شيتوس .. الا لا شيتوس عنقيني بيديك بجووج :) والاهيلا فكرتيني فبداز , انا فاش قلتي لي بداز , بقيت كنفكر أشناهوا ياربي مولاي هاد بداز ,كانت مي لا لا كتقولها لينا , عاد تفكرت , حنا كنسميوه الرفيسه العميه ههههههه
والاهيلا توحشت طياب ماما , كنت الا طيبو العدس ماناكلوش ليهم , بابا مسكين كيعايا مايحزر فيا باش ناكل .. ايوا دابا ملي كنمشي كنطيح عميه فالطبسيل ديال العدس ..حتى الكوكوط كنلحس امها :)الجووووع