شيتوس
انا جيت للسعودية جوج مرات ،اعتمرت ،ومشيت ليها في الطامووبيلة ، زوينة لكن كبيرة ،تخرجي من الرياض ما كيبقى والوا غير الجبال والصحاري ... لكن زوينة وناسها عاملونا مزيان ...
اه ذكرتيني بالزميتة اللي بالعسل والزبدة وكيسان اتاي كيشطحوا في الصينية والشيبة ...
الله يحفظك هكذا نبغيك حافظي على القويعدات تاعنا ما كاين ما احسن منها

فلوغ روز،الصلاة ع النبي عليك وكان،مصوابة ومؤدبة وفايتها الكلام ... والله يااختي المسمنات تاعي بحال الكاوتشو ، ما كندلكش مزيان ...مرة توحشت الكيكة وقلت نعملها ، نسيت وانا نصب فوق الببيض الزبدة غليانة وصارت فضيحة ...شفت الصراحة ، الغربة زوينة وخايبة وخيوبتها انك كتحبي تعلقي بعاداتك وتقاليدك اللي كبرت عليها لكن سبحان الله ما كتجيش حلوة ومسرارة كيف بغيت...انا اعوذ بالله من قولة انا كنت حادكة وكنعمل الاعمال اليدوية - بكل تواضع كنت متفننة - والان في بيتي الا وقعت لي الصدفة ما نرجعها ولا نمسك حتى الابرة ،حتى الحداكة راحت ...كنت نموت على التسياق وكبان الماء والرغاوي ودابة والو مت ...
اه ذكرتيني ، منين كنمشي للمغرب يعجبني نسيق باب الدار بالشطابة والجفافة وندي الخبز للفران ...والله
الله يحفظك العزالة وينورك

مسا الخير عليكم كاملين .. الالا فلوغ ماتقلقيش عليا ..حيت انا را مقلوب ليا المخ ..عرفتي حيت انا مسكينه درت جوج عمليات فشهر واحد وكل خطره كيديرو لي بنج كااااامل تتجمد ليا المخ ..ماكتشوفينيش بحال المخلخله شويه وزاهق ليا الفريخ ..
فتيحه لاباس ..فكرتيني فتشطاب الزنقه ..انا كنسكن فجي سانك ,كنت كل صباح كتفيقني امي لالا باش نسيق الزنقه , بعد الخطرات كنسيقها وبعض الخطرات كنشطب ونرش الللااااااه , كون يسمعني راجلي ينحر , يقول لي نتي كنتي كتشطبي الزناقي ودابا كادفعي عليا البخ ههههه ايوا مال بوه بالو ..هما لي ماتبعككتيش عليهم ودرتي الشيكي وبا علال والله تيحرتو عليك :(

ماعرفت اش بغيت نقول وتنسى ليا كاع ..
اه بغيت نسلم على البنات كلهم , المؤدبه , وشيتوس وفلوووووووووغ ومس ماغوك (فين غبرتي يالزفريه ) ولابيل ,ونسمه , روح ليمان ونبيهه ..ايوا اجيوا غي نشوفوكم بعدا ... عرفتو انا باغه نشطح ونجردك يالله طلقو لينا البحيري , باغه نسمع على غدايدو .. ولا عرفتيوا اجيوا نغنيوا غير احنا يالله انا نبدا ليكم ونتوما شدوا ليا الطرح : أو مالو لو , أو مالو لو تما بكيت انا , شديت طبيله ابابا ,شديت طبيله اسيدي شديت طبيله شديت الكيسان , خويا ويالغادي سيدي ويا الغادييي ردني لبلادي :icon28:

بلادي يازين البلدان ياجنه على حد الشوف , يا أرض كبيره مضيافه وجمالها فايق الوصوف (را ماحافضاهش , غيكنلاقي ونقول )ناسها خوه وضرافه , شحال يا بلادي ولافه,, وكملو من راسكم.. :icon28:
مانعرف اشنو جاب التزغريت الهضرا , جمعي جمعي ضرقوشك , صمكتي البنات مساكن , جاو مساكن باش ينشطو ويلعبو غتسيفطيهم صمكين ماتحشميش :30: