اهلا بمنى اشخبارك انا لاباس يسول فيك الخير
واش كاينه ولا مشغوله بالمراقبه

هاديك سبرينغ .... اجي لهنا ... ايوا بلتي نسلم عليك قبل مانتقلق عليك .. السلام أختي لاباس اشخبارك كيدايرين مالين الدار وكيداير ماعز عليك ايوا اش كتعاودي فين وصلتي مع الخدمه ... صافي سالينا التسلام



نتي بعدا غي قولي لي كيدايرا قضيتك , ملي ماكنكونش انا هنا النهار كامل ياختي ونتي مجبده هنايا , اكتب يا ماتكتب , والبرارد ديال اتاي تبارك الله براد مورا براد كتسكحيهم غي بوحدك تسكحي وتقولي ماسكحت واخليتي لي تاشي عضه ديال المسيمنات باش انلاهي اسنيناتي تا انا بحالي بحال الناس وزايداها زايداها من الفوق ضارباها بغبره تاع الله الله
غي شفتيني جيت ونتي تفرتحي اه حقا ماحقا عيطوا لي مالين الدار واخا عليك
اما ديك لا لا مولاتي الغزاله ديال روح ليمان والمؤدبه هادوم مانهضرش معاهم غي كيشوفوني جايه ووحده كتلوح للاخرى جلابتها وكاينوضو يتجاراو ماكنشوف غي غبرتهم
واخا عليكم ملي انشدكم نعلقكم بحال لي كايدرو فلا بيجي

فاتي فلوغ لاباس عليك يالزين اشخبارك , نتي يا لا لا غي عطيتيني هاداك مولاي الخير تاع المسنجر ديالك ومابقيتي كاع بنتي , اتمنيت شي نهار انشوفو خضر وتقووووولي واطلبي , دايما احمر هوايا وماهواشي فهادالعالم
يالله تنتي نعلقك فلا بيجي زعما
ولاكن واخا غي كنقول را مايطاوعنيش قلبي حيت راكم عزازات عليا بحال خواتاتي وعجباتني فيكم بزااف ديال الصفات مانقول غي تبارك الله عليك وخلا والله يخليكم ديما هاكا على فطرتكم لي خلقكم الله عليها
را الشر ماشي من فطرة الانسان , الانسان نفسو هوا لي كيختار يولي شرير
الله يحفضنا ويحفضكم من الشر

شوفو انا غنمشي اندير تنظيف البشره وغاندير معاه ماسك ام منار
انقول ليكم الطريقه

كناخد المعدنوس وانغسلو وانديرو يغلى مع لتر ديال الماء :) ايوا كيطبخ مزيان تاكتولي الغطايه كتشطح ومتقفقف فوق الكميله
كاناخد الما وكنحطو فواحد اللعيبه طاسه كبيره ديال الجاج وكنحط وجخهي على البخار ونحط فوطه باش انسد المنافد ديال الهوا ( انا عارفه هالطريقه كل شي كايعرفها ولاكن غي بغيت انحط ليكم كل شي )
ايوا من بعد كانجيب كلينكس ونبدا انقلب على لي بوان نواغ باش نحيدهم وكانحط السنفره انا كندير لابريري وكاين انواع بزاف كل وحده تحط لي بغات وكاينه الطبيعيه الا بغيتي ( السكر وزيت العود) ايوا ومن بعد كانحط ماسك ام منار :)

سولوتني اشناهوا ماسك ام منار ايوا سمعو : ازغيبات ديال الزعفران الحر مرقد فالما ورد لمدة ربع ايام + العكر الفاسي الحر + الطين الابيض
وانا غنشي دابا نخلط ونجلط ونطلي لوجهي ونجي نكلس اشويه هنا تاينشف مزيااان وانغسل وجهي ونحط الملطف وكريم الليل ونخبطها بنعسه
صافي
يالله انا امشيت

تالشويه ونعاود انجي صافي