اه نسيت ماقولتش ليك ولدك راه باقي صغير الى ماقدش على الحليب والتومة غلي هي كاس ديال عصير البرتقال وبرديه شي شوية ما شي بزاف وعطيه ليه يشربو راه مزيان للزكام والكحة
اختي حنين انا اللي عارفة ان نبات المريمية عندنا في المغرب هي السالمية وبالتالي زيت ديال هاد النبات ايكون هو زيت السالمية واخا عمري ما سمعت بيه ان شاء الله البنات الاخرين يساعدوك الى عرفوه
الصفحة الأخيرة
كيف دايرين مع البرد حنا بعدا راه قتلنا والله ما تانقد نخرج من الدار
اختي منى ياربي يسمع منك فهاد النهار ايوا راكي صايمة زيدي دعي معايا اوراكي عارفة الدعوة ديال الصائم والدعوة للاخر بالغيب كيكونو مستاجبين
بعدا الله يتقبل منك و حتى انا راني صايمة والله يشافي ليك ولدك
شوفي الطريقة ديال التومة اللي عارفة انا هو تغلي كاس ديال الحليب في الليل وهرسي ضريس ديال التومة منين يغلى الحليب ديريه في كاس ولوحي فيه ديك التومة وغطي الكاس بشي حاجة حتى يبرد شوية وصفيه وعطيه ليه يشربو ومباشرة ينعس وغطيه مزيان باش ما يزيد يضربو البرد والله يشافيه