ها واحد السلام عليكم
روح ليمان اش خبارك يالزين شحال هادي ماتلاقيت بيك اهنايا ..
هبهوبه لاباس .. اش خبارك يالحبيبه .. أجي بعدا مالك اختي كليتيني بحوايجي .. ايوا صبري عليا غي تاناخد نفسي بعدا .. الا لا .. انا داك النهار سمعت البنات كيباركو ليك عالخدمه .. يحساب لي ماخداماش ويالله خدمتي .. وماعرفت لا فاش .. ايوا زعما ماشي قللت من خدمتك ولا قلت راكي كسوله ولا خدمتك مافيهاش الكريف ... زعما الي بغيت نقول تاهيا معدوره مع الخدمه , اسمحيلي الا أسأت التعبير .. رانا والله ماقصدت شي حاجه .. انا غي فالدار وماكانحكش راسي .. راني كنخطف الوقت غي بزز ..
ومالكي ياختي كتمعني عليا انا كاينه فالمنتدى ومابغيتش ندخل !! واخا عليك .. انا را كنخليه مكونكطي .. حيت كيحسبوه هنا للشهر .. كنقول مخلص مخلص اللهم انخلي بوه شاعل .. شفتي السم كيداير ..
ايوا لا لا ماتقلقيش عليا رانا ماقصدت والو .. واقيلا دوك الملائكه الي شريتي على وديتهم دوك التويشيات مابقاوش زاروك داك الشي علاش كاعيه :) وانا نعيييق :) يالله انا غنوض نوجد ليك واحد كاس داتاي مشحر باش تردي بيه دماغك
:)
بالسلامه عليكم
وهانا راجعه

سلام انا كيالعادة فالمنتدى عرموطة هادي اول مرة كادخلي وكانكون بغيت غير نعزيك فعڴوزتك البركة فراسك

آفين مشيتي واش بقيا آش تتعودي وكيف دايرين الدراري
أهلا بك حنين

اهلا حنين ... مرحبا بيك معانا آحبيبه .. لهلا يوريك باس .. الله يرحم موتانا وموتاكم .

روح ليمان لاباس ياختي يسول فيك الخير والرباح , الدراري راهم لاباس عليهم الحمد لله ..الله يعينا معا هاد الجو , كانشوفو الفصول ألاربعه فنهار واحد , فالصباح الموت ديال البرد الكزززززززز ايوا معا ديك العشره كيدفا الجو يولي غزال غي سيري تمشاي الكازو , ايوا غي كيجي الضهر كتولي الحراره خصك غي شي مايو واضربيها بجريه ماتوقفي تاتوقفي حدا لابلاج ههههههه ايوا ونفس الشي فالعشيه .. اش غانديروا نحمدو الله ونشكروه

عرموطة واخا فيك كترحبي غير بحنين وانا كاع ما رحبتي بيا واخا حتى انا جديدة ( جاتني الغيرة)
البركة في راسك اختي والله يرحم حماتك ويرحم جميع موتى المسلمين