والحبيبه springroses راقي فالقلب وما نسيناك الغزاله ديالنا تنساك الموت الحبيبه وتفكر عدوك ,للاعرموطه ولبس عليك الزين كيدايره مع الدراري الله ايخليهم ليك والفن الكحل انا جربت كثير ما عمرني تلاقيت مع شي كحل زوين ماك ما جربتو لاكن بنجربو دبا انا عندي افسالوران مابيهش كيقضي الغرض لاكن انا شي كحل لي يكون غامق مزيان وما يسيحش هذا ما كيسيحش لاكن اللون ديالو باين لي ما كحل مزيان وبالنسبه لبودي شوب جربت من عندهم حاجات لاكن خليتوا سكور اذا ما كان عندي ايف روشيه لاكن راجلي كيموت على ايفروشيه لان جبت معي كل النكهات وبالنسبه للعطور العربيه انا ما كيحملهم راجلي لاكن انا كيعجبوني خاصة اذا بغيت اروح للمغرب كيكونا مميزين وكولشي كيقول اش سميت عطرك ؟

وللاعرموطه مرحبابك عندي فاي وقت الزين وراجلي ماتخافي منوا هو ماشي من النوع الي بيقول شي حاجه على صحاباتي بالعكس ايحب الي كيجي عندي ويونسني والفن حالتك بحال حالتي لابتوب فالكوزينه والبيت النعاس واي بلاصه دايما جاره معايا الخيوط بحال مالين التليفونات وما بقى لي غير التواليت ندخلوا ليها كيموت علي راجلي بالضحك , والفن غير اجي ما تخافي راجلي ما كيلبس العقال الا فالاعياد ولا العرضات صافي ايوه نسيت انا الحبيبه عزيز علي الشادوا لا تخافي على صاحبتك راها فنانه فالمكياج انا ما عملرني صايبت فالصالون المكياج كنصايبوا مزيان بيدي , وبالنسبه لي اهل زوجي الحمد لله مزيانين معايا كنحمد الله وكنشكروا خوتات راجلي كلهم مزوجين ,بالنسبه لبودي شوب ما لقيتوا هنا فالسعوديه درت كل بلاصه مالقيتو اللقيمات لي قلتي اش كيسموهم هنايا بحال بحال حتى هنا نفس السميه صااافي غنمشي دبا حتى لشويه ونرجع اوكي والبنات لا تقولو نسيتكم راه ما نسيتكم كل وحده باسمها و كنسلم عليها اووووكي باي .
تنيل حبيبتي الله ايقوم اخوكي بالسلامه يارب والله يشفيه.

صباح الخير عليكم كاااااااااااملين بلا استثناء , اشخباركم , ياك لاباس , والاهيلا توحشتكم وتوحشت هضرتكم :)
ايوا اجي نعاود ليكم واحد التخربيقه قبل مانمشي نفطر ..
البارح أ لالا مشيت باش نقيد ولدي فالمدرسه الفرنسيه ,فالكويت كلها كاينه غي وحده , ايوا وهيا ادخل واحد خيتي مشعكه لك الا لا الشعر ودايرة لك النضاضر وداخله ودافعه السدر قاتليك , انا ماي شفتها قلت هااادي ماتكون غي مغربيه , غي حنا لي فينا قوة التسنطيح هههههههه ايوا كلسات حدايا , وبدات كتهضر فالتلفون , ويحساب ليها انا شي حوليه ههههه كتقول فالتلفون :دخلت بدا الشعب كيحنزز فيا ,وتوحشت مراكش وكنا محيحين ,ايوا خليتها تاكملات على خاطرها , وانا نقول ليها :ايوا ساليتي التحياح هههههههههههه عرفتي ماتت بالضحك .ماعرفاتني منين خرجت ليها

ايوا خليوني نمشي نفطر , راني زعما حداكيت اليوم مع راسي , صاوبت رغيفات وعندي واحد العسيله ,ايوا ودابا غنمشي نشحر واحد الكاس داتاي ..
اشنو ؟؟ نجيب ليكم معايا ؟؟ أوالله لا ضقتوووووووه ,نتوما مع راستكم باقين خامرين وانا نجيب الفطور ,يالله تقعدوا ..
شيتوس فقتي ولا تانتي باقه خامره , يالله يالسويه اليوما الغدا عليك :)

سبرينغ فين غي دالعه فين ..وفتيحه وكلكم ,والمؤدبه مانعرف فين شداتها..
فلوغ غوز , انا غنتسناك غدا باش نبركو شويه :)