اللى تعانى من قشور وحرقه واحمرار بشرتها كريم عجيب وانا مجربته

صباح الخير على احلى بنات
انا كانت عندى مشكله انه وجهى اتقشر وكان عندي حرقه خفيفه وما عرفت شو اسوى رحت وخذت كريمات وايده من ماركات عالميه ومافى فايده وترطيب يومي لا كل ما اغسل وجهى لازم ارطب وجهى الى ان تعبت قشور قشور قشور :icon33:

الى ان قالت لى صديقتى الله يجزيها خير على دكتور شاطر ورخيص جداً عالج وجها وصديقتى اتعالجت عنده من بعد ما كانت تروح عند دكتوره ناديه ودكتور اليسار خوري وكلهم ما فيهم فايده خسارت فلوس على الفاضى وتصدقون يوم رحت عند هذا الدكتور عطانى كريم عجيب لا ورخيص بعشرين درهم :icon28:

بس الحمدالله راحت كل القشور فى وجهى لا والاحمرار بعد وصار وجهى مثل بشرت الطفل وهذا الكريم تقدرين تستعملينه بعد بعد ما تشيللين بالخيط عشان وجهك ما يحسس واهم شى انه ما فيه كورتزون

نسيت اقولكم اسم الكريم EUMOVATE CREAM و طريقه الاستعمال اتحطينه مرتين فى اليوم لمده اسبوع والله ما بتصدقون النتيجه كيف وجهكم بيصير حتى انا صرت اطلع بدون ما احط شى على وجهى يطلع وجهك ابيض وكانك حاطه بودره

وادعولى بنات الله يغفر ذنوبنا ويدخلنا جناته امين

بس امانه اللى تجربه اترد على واتقولى رايها
واخذت بعد من عنده كريم طبى للمناطق الغامقه فى الجسم بجربه وبرد عليكم