عبير نجد اشكرك من كل قلبي على الاجابه والله يوفقك ويسعدك بالدنيا والاخره بس ممكن سؤال ؟؟ واعذريني على الازعاج بس بأثث كل شي جديد وابي خبرتكم وما تقصرون كم تاخذ الغساله وقت بالتنظيف (كم ساعه)؟؟وما فهمت عليك صناعتهم تسمح بغسلهم بالغساله يعني كيف؟؟يعني لو طقم سفره من الغالي في عزيمه هل استطيع اغسلهم فيها والا تخربهم والملاعق كذلك؟؟وقلتي من قبل لازم ضغط الماء وحرارة الماء تكون قويه ما فهمت هالنقطه؟؟ والصراحه الغساله ابيها بالفترات اللي تكون ما عندي شغاله فهل تحسين انها مريحه جدا وتغني عنها؟؟والله يجزاك كل خير واكرر اسفي على الازعاج...........تحياتي لك

اهلين
ام رينو
لا تشكريني لا شكر على واجب :27:
بالنسبه لسؤالك عن كم تاخذ وقت انا عندي في غسالتي 3 دورات تتفاوت مدتها يعني اقل دوره وهي الغسل الخفيف وهي اللي غالبا استعملها تاخذ تقريبا ساعه وزياده وكل ما كانت الدوره اقوى كان الوقت اطول

بالنسبه للصناعه الكاسات والمواعين عموما بعض الاحيان يكون مكتوب عليها من يوم ماتشترينها انها امنه للاستعمال في غساله الصحون وامنه للاستعمال في المايكرويف وغالبا الاواني الزجاج اللي تدخل المايكرويف وتتحمل حرارته تكون امنه في الغساله
يعني يعتمد على طقم السفره اللي عندك هل هو امن غسله في الغساله ولا لأ ...
وهالكلام يمشي كمان على الملاعق
على العموم غالبيه الاواني الان صناعتها تكون قويه وامنه وعشان كذا لما اشري اي شي للمطبخ لازم اتأكد انه مكتوب عليه امن للاستعمال في الغساله والمايكروييف Dish Washer Safe

اما بالنسبه لضعط الماء وحرارته هذه مهمه يعتمد عليها شغل الغساله مثل ماهو مكتوب في الكتالوج بمعنى انه لازم يكون دفع الماء قوي عشان الغساله تلحق تجمع ماء وتضغطه جواها عشان الغسل يكون انظف
لان بعض البيوت قوه الماء فيها ضعيفه بس هذا ينحل بتركيب دينمو ضغط
بالنسبه للحراره لازم تكون مشبوكه على سخان الماء الخاص بالمطبخ عشان هي تقوم الغسل باستخدام الماء الحار
وكل هالمعلومات بصراحه اخذتها من الكتالوج وممكن انت تروحين للمحلات وتطلبين منهم كتالوج ..

اما بالنسبه هل هي مريحه هي مريحه بكل معنى الكلمه وتريحك من هم المواعين
واي سؤال انا بالخدمه دعواتك
:24: :24: :24: