اللى حاجزين في قاعة السيف - الشرقية - ادخلو للاهمية

السلام عليكم
بنات انا نزلت موضوع من قبل عن استديو مرااااااااااااااااام واللى بيصير فيه
واليوم اقولكم ان في واحد بقاعة السيف دايم يرسل لمرااااااام العروسات والزباين
فاحذرووووووووووواااااااااااااااااااااااااااااااااااااااااااااااااااااااااااااااااا
http://forum.hawaaworld.com/showthread.php?t=544680

وشوفو احد الموظفات ايش قالت

السلام عليكم يا صبايا..

أولا حبيباتي أنا دخلت الموضوع بالصدفة لا أدور تصوير ولا غيره بس فضول..

بس بصراحة كلامكم عن الاستديوهات.. شجعني..أقول كلام ربي بيحاسبني عليه يوم القيامة..

أنا يا بنات كنت قبل ثلاث أسابيع بكتبلكم عن شي صار معي.. بس يشهد الله إني ما كنت عارفة كيف أصيغ الكلام.. وهل بيكون صدى كلامي عندكم جيد ولا بتفكرو إني بستهبل..

بس ربي بيحاسبني يوم القيامة اني سكتت وما قلت اللي أعرفه..

بالنسبة لستديو مرام اللي بالسويكت..

أنا إشتغلت معهم قبل شهر.. يعني مو الشهر اللي فات.. اللي قبله..كنت أسوي مونتاج الفديو بالكمبيوتر

واللي جت الإستديو في تلك الفترة أكيد شافتني.. لأنهم كانو يستعرضو فيني.. عشان يجيبو زباين.. بحكم خبرتي بالكمبيوتر ولأني حسيتهم ملهوفين إنه تطلع عنهم سمعة كويسة أنه في وحدة عندهم تشتغل بالمونتاج.. كانو كل زبونة تيجي تحجز يجيبوها يوروها شغلي وأنا جالسة ورا كمبيوتري في الغرفة اللي داخل عشان تطمئن الزبونة انو وحدة اللي تسوي مونتاج الفديو..

المهم..

في تلك الفترة.. كان عندهم بنتين سعوديات يصورو ويعملو فوتو شوب.. في وحدة منهم إسمها أسماء شاطرة ما شاء الله عليها.سواء بالتصوير أو الفوتو شوب.. وهي اللي تصور وتحمض.. لأنها تسوي بس دجيتال..والثانية تركت الشغل وأنا هناك لأنه جاتها وظيفة ثانية أفضل

.وصدقا هم ما يشتغلو غير بالديجيتال.. هذا حاليا.. أما قبل كذا أنا سمعت من الموظفة اللي تركت أنهم كانو يسوو النيجاتيف عند واااااااحد..

وللعلم المصرية في المحل هي زوجة صاحب الاستديو يعني هي المديرة العامة للاستديو..
وفي وحدة هي ماسكة الحجوزات والإدارة..

بصراحة كان تعاملهم معي ومع الزباين غاية في الذوق والاحترام.. وحسيتهم ملتزمات ووقت الصلاة يذكرونا بالصلاة وما شفت عليهم شي!!

أنا بعد ما شتغلت معهم بأسبوعين صار عندي ظرف خلاني أعتذر إني أكمل معهم.. وقلتلهم بس بخلص الشغل اللي بايدي لأني صرت ملتزمة مع ناس فيه.. وغير كذا لا تاخذو حجوزات على إسمي.. أقصد مونتاج..

وللعلم.. استمرو ياخذو حجوزات مونتاج وكنت لما تيجي زبونة وأقول قدامها بترك.. يقولولي.. لا تقولي بترك قولي رايحة اجازة وبرجع.. على ما نجيب وحدة بدالك..وأنا كنت أختصر وما أعطي إجابات أقول للزبونة كلمي صاحبة المحل..

وبآخر يومين اشتغلت فيهم كان عندي حفلة بشتغل فيها.. ومرض ولدي (عمره سنة)وكنت مزنزقة بالوقت واضطريت أجيبه معي وهو مريض بس عشان أكمل شغل الناس.. وداومت حتى أيام الجمعة..

جت البنت السعودية اللي تركت من عندهم وشافتني لسة بداوم وابني مريض قالتلي ليش ما تاخذين الشغل معك البيت؟؟
قلتلها لأ.. هم من يوم ما اشتغلت قالولي ممنوع شي يطلع برة الستديو وأنا بالنسبة لي هذي أمانة ما أخونها!!

قالتلي : بالحرف الواحد وربي يشهد..

الحين إنتي ممنوع تاخذين الشغل معك البيت.. وهم يودونه لرجال يسويه..!!
أنا انصدمت وما عرفت إيش أقول غير حسبي الله ونعم الوكيل..

وكملت اللي بإيدي وتأخرت يومها لبعد الدوام مع المصرية بس علشان ما آجي بيوم ثاني.. وأتسببلهم بمصيبة..لأني ما عدت أطيق أشوفهم..

هذا يا بنات اللي صار والله على ما أقول شهيد..

واللي مهي مصدقة تروح الاستديو وتسألهم عن البنت الفلسطينية اللي كانت تسوي مونتاج عندهم وتشوف ايش بيقولولها.. !!

حبيت أفيدكم وأحطكم بالصورة ..

اللهم قد بلغت.. اللهم فاشهد..