وصبحكم الله بالخير
حبيت نساعد بعض في التجهيز لفترة النفاس انا بصراحه انسانه احب انه يكون شغلى مرتب وانيق وسعره معقول مااحب اضغط على نفسي وزوجي عشان اشتري شي غالي اهم شي عندي في الاول والاخير انه يكون ناعم وحلو ،، وبصراحه شفت مواضيع هنا لتجهيزات الولاده لكن بصراحه ماتناسبني ابد يعني مفرش لسرير ب3000 او طقم تقديم البيبي1500 ،، احس حرام تبذير بزياده
انا ميزانيتي محدوده وحابه اللى مثلى ماراح يصرفون بشكل خيالي يشاركون معي
وانا راح ابد معكم بشكل تصوري للاشياء اللى مخطط اجهزها لاني مابعد اشتريت ولا شي من هذي التجهيزات والله يعين ان شاء الله
اول شي اغراضي :
1-قميص استقبال للمستشفى واول الايام لزيارة الاقارب سعره مايتعدا 200( احتمال من رويال مول)
2- مفرش لسرير الستشفى نفس الشي مايتعدى 200 ( من ستى بلازا او المعرض الصيني )
3- جلابيه للاستقبال مو جلابيه ودي بشي مثل البنجابي ويكون حرير لانه الجو حار والسعر مايتعدي500 (احتمال من رويال مول )
4- 5 بجامات للبيت اسعاره رخيصه ( من سناء والهرم )
ثاني شي اغراض البيبي :
1- طقم تقديم بدله وشرابات ومدس وشنطه عشان استفيد منه بعد النفاس سعره تقريباً 600 ( من اوركسترا)
2- رضاعات وافضل انها تكون قزاز واحد صغير للمويه وواحد اكبر للحليب وياليت اللى شافت قزاز تقولي وين احصله انا لقيت في ستي بلازا بس حجمه كبير والوانهم بس سماوى ووردي انا ابي الوان ثانيه وابي طقم مثل الشكل هذا
3-اغراض الحمام ( مجموعة جونسون ) وفيه مجموعه ثانيه شفتها واعجبتني بس ماادري وين احصلها بالرياض وهذي صورتها
والصندوق اللى ممكن يحفظ فيه ادوات الحمام كلها مثل هذا
يجي طقم المروش والفوطه والصندوق ومعها ترمومتر لقياس درجه حرارة المويه ماادري وين احصلهم فيه :(
وابي مروش طريقة زي هذا وسعره معقول
4- ادوات التنظيف
ابي شي غير اللى عند ستي بلازا
5- مفارش للبيت تكون اسعارها رخيصه وين احصلها
6- سرير للبيبي ماابي العادي اللى مثل السبت ،، انتو وش بتحطون بيبياتكم اذا ولدتو فترة النفاس
انا عاجبني هذا السرير ودي بواحد مثله بس ماادري وين احصله
ثالث شي التقديم :
1- صينيه راح اعبيها شكولاته ( جوي + واحتمال اغيره لو قلتو لى على محلات ثانيه )
2- فازه قزاز راح اعبيها تمر ( من تمور الصالحيه )
3- صينية موالح نفس شكل صينية الشكولاته ( من لافندر او درة الصالحيه )
4- هدايا مولود (بيت المذاق )
5- سكر اشكال
بس هذا راح يكون تصليحي وحابه تكون الواني بيج واورنج واخضر يعني الوان فاقعه شوي
لكن ماادر كيف انسقهم ووش اضيف لهم الوان زياده ،، وماادري وش الدرج الحين في صياني التقديم اعتقد الفازات صارت قديمه ،، وحابه اعرف محلات يصلحون لى صياني التقديم باسعار رخيصه
يالله انتظر تفاعلكم معي بالموضوع