اهلين بنات كيفكم
حبيت اقول لكم اني رحت امس لسواق المجد
اخذت قميص استقبال قطعه وحده لانه اخف من القطعتين (حر) اخذته بـ130 من محل اسمه كشخه
في البوابه 3 وعنده صراحه قمصان وبجامات حلوه ونعومه انعم من اللى عند واحة الجلابيه
واخذت مفرش للبيبي لونه بيج لانه عندي شنطه لونها بيج ماخذتها من ستي بلازا وراح يكون المفرش لاسخدام البيت وطلعاتي لاهلى اخذته من محل اسمه القبيلي وعنده صراحه اطقم حلوه وشكلها مو غاليه اللى تجي بدله وملف ومفرش تقديم وحصلت عندهم رضاعه قزاز تدنن صغنونه بس مافيه الا ازرق وانا ابي لون محايد
واخذت بعد جلابيه من محل ماادري وش اسمه لكن شكلها غريب شوي بنطلون وفوق قطعه وحزام من الوسط ،، يعني شكلها قريب من اللبس المغربي اخذتها بـ400
وبس هذا اللى اشتريت واخذتهم صراحه على طول لاني مالى خلق ادور وافرفر الاسواق
قشعه
•
:icon33: مرحبا يا بناات انا شريت من ستى بلازا مدس وشنطه مرررة حلوين والسعر معقول للطلعات الخفيفه امااا للتقديم حفت ررررررجولى وانا ادوووور على شى حلو وسعرة معقول:icon33:
الصفحة الأخيرة
رحت لستي بلازا وقت التخفيض بس اخذت من عندهم شنطه بيج حلوه مره وكبيره تصلح للطلعات اللى راح اطول فيها ،، لكن مامعها مفرش ،، ومفارش ستي بلازا احسها نفسها من زماااااااااااااااان ماجابو شي جديد وفي نطاق العائله مستهلكه عندنا بشكل كبير يعني مليت من اغلب الاشكال لانه اشوفها عند قرايبي عشان كذا ودي بشي جديد واسعاره حلوه