قشعه :

اهلين متكلحه خساره والله مالقيتيه بس انا صورته لك ممكن اذا عندكم فرع ثاني تدورينه فيه صورته لك وهو مسكر ومفتوح وبالنسبه للبطانيات اللى تقولين عنها ماشفتها غريبه شكل بضاعتكم غير عن اللى عندنا والرضاعات لسى ماشريت ابي قزاز بس ابي شي غير بايجون ولو ماحصلت اخر شي بأخذ بايجون الحجم الصغير حق النفاس بس وانا مثلك شكلى راح اوقف عن التقضي الين الشهر الجاي لانه مابقى لى اغراض كثيره ،، باقى لى 1- طقم التقديم للبيبي وراح اخليه الى اخر شي يعني اذا دخلت التاسع،، 2- تصليح الصياني الشهر الجاي وتعبيئتها طبعاً راح تكون اذا دخلت التاسع 3-هدايا مولود وراح اصلحها ان شاء الله الشهر الجاي 4- اغراض الصيدليه ( رضاعات وحفاظات -طقم الاستحمام- حشوة الصدر والفوط الصحيه ) تقريباً هذا الاشياء اللى باقيه لى ذكروني اذا باقى لي شي ومريت قبل امس مذركير وحصلت عندهم البلاستيك حقت اغراض الحمام والمروش بس انهم بصراحه مره غالين ،، ولقيت عندهم ملابس حلوه مره ومقاساتهم بالوزن يعني عندهم 4،5 كيلو و6 كيلو بس احترت ماادري وش اخذ وش رايكم وش اخذ ؟؟ ومرتيت امس محل البينا محل شكولاته لذيذ مرررررررررره ويقول لى ممكن نغلف لك الالوان اللى تبين بس لازم اعلمهم قبل 15 والكيلو عندهم بـ160 وبـ180 بس لذيذ طبعاً اقصد التغليف العادي لكن التغليف المزين يجي الكليو بـ300

اهلين متكلحه خساره والله مالقيتيه بس انا صورته لك ممكن اذا عندكم فرع ثاني تدورينه فيه صورته لك...

قشعه :

اهلين بنات كيفكم معليش امس ماقدرت ارد عليكم متكحله برمشي بالنسبه للسرير فعلاً الحلو فيه انك تقدرين تشوفين البيبي وتقدرين بعد تسكرين عليه عشان مايطيح عليه شي ،، والسله اللى تحته بالعكس احسها مره حلوه ينحط فيها الحفاظات والمناديل والكريم والسله ماراح احتاجها لانه اغلب الوقت البيبي راح يكون بسريره يعني ماراح انقله والرضاعات مو اني مااحب بايجون بالعكس لكن شكلها عادي ودي برضاعات عليها رسمات بايجون يجي شكل الرضاعه ساده ،،ولو رضاعات قزاز اشكالها حلوه راح اخذ البايجون اكيد وبالنسبه للبدله اللى تجي بطقطق انا اخذت كم حبه تكفي للنفاس بعدين اذا طلعت من النفاس ان شاء الله اروح مذركير واخذ مقاس اكبر لاني ماادري وش بيكون حجم البيبي واى مقاس راح يناسبه حتى الجو ماادري وش بيكون يعني بيحتاج صيفي ولا شتوي هدايا مولود للحين والله مابعد رحت للمحل اشوف وش نازل جديد ،، تقريباً اللى في بالى انه تكون على شكل بيت فيه حديقه وهدايا المولد تكون بناطيل وبلوفرات صغيره معلقه على حبل غسيل وتكون داخل كل بنطلون او بلوفر حبة شكولاته وتكون ارضية الحديقه فيها مجسمات خيول صغيره مربوط فيها شكولا ،، هذا الشكل شايفته من زمان وعاجبني ماادري اذا بحصل اشكال جديده او راح اسوي هالشكل فنون الشرق والله ماحصلته حبيبتي لكن شريت واحد حليو بالنسبه لسعره شمس الشموس اهلين حبيبتي بالنسبه لصياني التقديم ماادري وش الدارج درت محلات الثلاثين كلها ماشفت شي جديد كلهم عارضين فازات معبيه شكولاته ،، لكن اتوقع النحاسي ماراح يناسب مع الفضي ابد احسن لك لو حصلتي صياني تقديم فضيه او خذي لك فازات قزاز وحطي لها ديكور بسيط افضل من النحاسي ،، ووشلون تبين شمعدان يكون للسكر او للشكولاته المكشوفه كيف يكون شكله الشمعدان ؟؟؟ وماادري احس مالها داعي الشكولاته الدايت والمكشوف اذا كانت كانت ولادتك بالصيف ماينفع لانه يذوب بسرعه وبيخرب شكله عليك ومحل لونيتر ماادري احس شكولاتتهم عادي الموالح صح حلوووووووووه مره حقتهم لكن الشكولاته جربي محل واو اللى بالثلاثين ومحل البينا اللى على طريق الملك فهد في اركيد سنتر بالنسبه للتعبئه اتوقع ان شاء الله اذا دخلت التاسع راح اودي صينية الشكولاته للمحل واقوله اني راح ادق عليه عشان يجهزها ،، لاني راح اقدمها في المستشفى لكن الموالح ماراح استعجل على تعبئتها لاني بقدمها في البيت وذكرتيني الله يذكرك الشهاده ناسية صيدلية الحبيب اكيد ان شاء الله بمرهم واشوف رضاعاتهم وبالنسبه للهوم النفاس ماجهزت شي توني بدري اذا دخلت التاسع اشتريتها وماابي اصلاً الا قشر قهوه ،،ودارسين ،، وماش ،،بس هذولى اول شي واللى اخر النفاس اللى هو قشر رمان ورشاد يمديني اجيبه اذا ولدت بالسلامه وماراح اتبع اي نظام ومن الحين انا باديه اجمع خلطات للجسم عساه يكون لي خلق احطها اذا ولدت

اهلين بنات كيفكم معليش امس ماقدرت ارد عليكم متكحله برمشي بالنسبه للسرير فعلاً الحلو فيه انك...