ماشي الحال
مشكوره على الرد وانا صراحه لحد الان مافيه في بالي اي فكره معينه بس حابه الالون تكون اورنج واخضر وبيج والصينيه تكون خشب لكن لحد الان مالفيت المحلات واخذت افكار

انهار
يجنن السرير اللى عند مذركير الخوص
يعني يبيلك تقريباً كيلوين وربع عشانم تعبين الصبينه كلها ،، طيب ليه ماتشوفين جوي او البنا عندهم اشكال حلو عبيهم كلهم شكولاته مغلفه لكن غيري الالوان وخلى كل مربع فيه لون وحطيها الوان فاقعه واذا تحبين مثلاً تحطين شكولاته مغلفه بماركات بس انا ماحبيت شكلها ابد

هههههههههههههههههههههههههههههه ياحبي لك ياشمس الشموس
انا ماقلت 5000 الا بعد ماحسبتها وعصرت نفسي واستغنيت عن بعض الاشياء
الله يكفينا شر هالدنيا كل شي مولع نار
اللى بعد الاربعين ليه تشترين كل شي من اول وجديد اهم شي قمصان نوم تكشخين فيها ولانه جسمك بيكون مارجع لطبيعته مايحتاج تشترين لك شي كثير يعني طقم للطلعه يكفي والجزم انا مليانه جزم عندي اشياء شريته في اخر سفره وللحين مالبستها لاني حملت وصرت البس شباشب واطيه
وهديه ام زوجك خليها اذا كان عندك نيه سفر بعد النفاس اشتري لها من هناك افضل
يعني ماراح تحتاجين كثير بعد النفاس والفلوس اللى بتجيك كهديه للمولود بتفيدك
المشكله اللى وده بعد النفاس يشيل ضروس العقل اللى طلعت وخربت اسنانه وودي اسوي تبيض لاسناني الله يعين بس :(

واحرجتيني معك حق هو انا وصفت اصلاً شوفي حبيبتي تعرفين عثيم المروج هناك على نفس الشارع
بتحصلين بيت المذاق طبعاً اذا كان العثيم على يمينك بيجي بيت المذاق على يمينك اول الشارع قبل العثيم ،، والله تراني فاشله بالتوصيف

ربي يهون علي وعليكم ياارب

الله يقومك بالسلامه

ويقوم باقي الاخوات

اخت قشعه بخصوص (( يجي طقم المروش والفوطه والصندوق ومعها ترمومتر لقياس درجه حرارة المويه ماادري وين احصلهم فيه )) بتحصلينها في مذر كير

وبخصوص الصواني وشغلات التقديم اتوقع ان كل انثى بطبيعتها فنانه تقدرون تبتكرون

وكل ما كانت الحاجه بسيطه وهاديه كانت احسن واحلى

تسلمون بنات بشوف مذركير ان شاء الله احصل هالطقم عندهم

هلى دموعك ياعيوني
مشاء الله عليك مرتاحه ،، بس حبيبتي بالنسبه لى انا حابه اسوي الاشياء لانه اول مولود ولا اقاربنا مايتكلفون ابد في النفاس ،، لكن انا من طبعي اهم اشياء واغراضي تكون مرتبه بغض النظر عن السعر ،، مع اني افضل السعر المعقول على الغالي والله يعينا يارب