اللى سافرت دبى قبل تدلنى

وعليكم السلام سفرة ممتعة بأذن الله
بالنسبة للأماكن
عندك دبي مول - الامارات مول - المقهى الثلجي بس انا ماانصح فيه
عندك الجي بي ار - حديقة الزهور جميله - وفيه سفينة بقرية البوم في خور دبي عشاء على البحر
اتلانتس اذا معك اطفال حلوه اذا مامعك ماتستاهل تروحين له
رحلات سفاري تنسقين مع الفندق اللي راح تسكنين فيه
السوق الصيني بس بعيد وسوق الكرامه اذا تبين ماركات مخفضه بيعجبك
واذا تروحين أبو ظبي يوم تزورين عالم فراري
وبالنسبة للمواصلات
الافضل تسكنين بفندق قريب منه مترو عشان تستخدمينه ارخص لك واوفر
او بالموزين بس غاليه مره يعني أفضل يا تأجرين سياره يا تستخدمين المترو
والميزانية على حسب صرفيتك
دعواتك

الله يبارك لك ويكرمك استفدت كتير من مشاركتك
جزاك الله خير

انا الي هلكني هناك وخسرني التكاسي جدا غاليه .. استأجرو سياره افضل والفندق خذي فندق الخوري حلو ورخيص

وعليكم السلام ورحمة الله وبركاته اختي


المواصلات افضلك المترو عن تأجير السيارة حاولي تسكنين بفندق قريب من المترو


وطبعا احسن تروحين لحالك من غير مكتب


الأماكن عندك
قرية التراث والغوص وبيت الشيخ زايد احلا شي بدبي بالنسبة لي
سوق بوهيل وسوق نايف وعكاظ ومرشد وسوق الذهب أسواق شعبية ورخيصة وحلوة


والمولات طبعا دبي مول ومول الإمارات وفيستيفال سيتي سنتر وابن بطوطة وعندك السوق الصيني بعد بس ما عجبني مشوار على الفاضي وأسعاره عادية


طبعا برج خليفة والنافورة الراقصة وسكي دبي والمقهى الثلجي كلها معالم حلوة


وفي بعد سوق مدينة جميرا وممكن تركبي قارب فيه وفيه الجي بي ار شاطى وممشى ومطاعم حلو للتماشي


رحلة سفاري وعشا بالصحراء حلو


لو عندك اطفال اللوست تشامبرز وأتلانتس ووايلد وادي
وفيه حدائق وقرية البوم وبيت ام خماس