@@اللى شاطره بورق العنب رجاء تدخل فضلآ وليس امرآ $$$$$

أولا : يسعدني أن أكون أول من يرد عليك تفضلي الطريقة
جيبي قدر واملي القاعة بطاطس مقطع دوائر وبعدين طبقة ثانية طماط مقطع دوائر والغرض من هذا علشان مايحترق
ثم صفي ورع العنب بعد ماتلفينه
حشوة ورق العنب : رز مصري مسلوق+طماط+فلفل بارد+بهارات+ماجي أبيض+ملح+شوي سمن فارم
تحشين الورق وتلفينه وتصفينه بالقدر وتصبين عليه كأس مخلوط فيه
ماء+زيت زيتون+عصير ليمونة+مكعب ماجي
بعدين تسكبينه على الورق وتغطينه بقصدير بعدين تحطين غطاء القدر وتخلينه 1-1،5
ساعة لساعة ونص بعدين على نار هادية بعديت ترفعين الغطاء وتشوفين إذا نشف الماء تزودين عليه وهكذا إلى أن ينضج .
وبالعااااااااافية
دعوااااااااااتك لي بالذرية الصالحة .

اهلا اختـــي

انا اسوي ورق عنب رووووعه والكل بيطلبه مني :)

طريقتي .. الحشوو .. صرة بقدونس وصرة كزبره ونص صرة بصل اخضر وربع صره نعناع و2 طماطه كبار و2كأس رز مصري وابهرهم بملعقه وسط بملح ليمون وملح وفلفل اسود ونص كوب زيت زيتون .. هذي الكميه كلها لغرشة ورق عنب وحده بس لو بتسوي غرشتين الكميه دبل طبعا ..

تحطي كل المقادير على النار وتصبي عليهم قليل ماء لين يشرب الرز كل الماء ويوصل لمرحلة نصف النضج وبعدها تلفيه كالمعتاد ..

في القدر تصفي من تحته بطاطس وبصل وطماطم وتحطي ورق العنب وترصيه مضبوط ..

في طاسه تحطين ربع كوب زيت زيتون و1 ملعقة صلصل كبيره وربع كوب دبس رمان وحبة ماجي ونص ملعقه وسط كلا من فلفل اسود وملح وملح ليمون وماء طبعا تخلطيهم كلهم مضبوط وتذوبي الماجي بماء حار وتصبي الخلطه فوق ورق العنب و كمية الماء لين يوصل فوق ورق العنب شوي كأنك بتكبسي رز وتحطي فوقه صحن ثقيل وتغطيه ..

بعدين حطيه على النار لين يغلى ونزل النار على رقم 2 او 3 لمدة لا تقل عن ساعتين ..

وبعدها ذوقي وإدعي لي ربي يرزقني إلا ببالى :)

وبهناء والعافيه ..

إذا تبين ورق عنب على أصوله إتبعي القاعده هذي معه على طول: لاتحطين كزبره ولا قرفه وابتعدي عن
الماجي وكذالك السمنه أو الزبده وإكتفي ببصل وطماطم وبقدونس كثري منه ونعناع طبعا كلهم مفرومين وزيت زيتون وعصير ليمون ودبس رمان وشوي كركم وراح يطلع معك كأنه ورق عنب الريف اللبناني وهذي الطريقه أخذتها من مطعم يامال الشام وإعتمدتها عندي وكمان السر في الطريقه هذي إنك تحطين رز مصري ورز عادي يعني نصف المقدار مصري والنصف رز عادي .....

طريقة الجوهره ممتازه
بين طبقات ورق العنب انثري ثوم حب مقشر
وانصحك بورق عنب العلالي الفاخر اللي غرشته زرقه انقعيه بماي مغلي ربع ساعه وارفعيه على مصفاة الى ان يتصفى ويبرد
هالطريقه تعطيك ورق عنب ذايب
والرز ينقع 10 دقايق بماي بارد

والله يوفقك

مرحبا بالنسبة لي انا في الحشوة احط صرة بقدونس وصرة كزبرة وثلاث صرر شبت ( طعم الشبت يغلب )وبصل ورز وصلصل والبهارات احط بهاراتنا الخليجية ( كركم وبزار وسنوت وفلفل وملح وقرفة ) وطبعا شوية ماي وعصير ليمون
عقب لف المحشي اصف طبقة بطاطا فقط لا غير وحط الورق عنب وبين كل طبقة والثانية احط زيت زيتون واعصر لومية ( والله شهيتيني ) واغمره بالماي اللي اكون امذوبه فيه مكعبين ماجي (لثلاث غراش )وكوب كامل ليممممممممممممممون احبه حححححححححححححححححامض
وعلى المستوى المحلي انا وبلا فخر رقم واحد في اعداد المحشي :hahaha:
وسلامتكم