مو مؤيدة موضوعك ابد

يسلمو حبيبتي على الرد واهم شي والغرض من الموضوع انه الوحده تهتم بنفسها وقت النفاس مو شرط تجلس في بيتها اذا كانت بكر واذا كان زوجها يقدر يدخل ويطلع على راحته في بيت اهلها يعني يمون عليهم :) لكن الاهم انك ماتقابلينه الا وانتى نظيفه وريحتك حلوه


كلامك عين العقل والله يخليك زوجك ويسخره لك ولعيالك ومو شرط انه الوحده اذا تركت زوجها انه راح يخونها لا ،، لكن انو راح يتعود على فراقها ويتعود على جو البيت بدونها وماننكر انه هذا الشي ينبسطون عليه اغلب الرجال


صدقتي والله وهذا اللى ابي اوصل له


ههههههههههههههههههههههههه حبيبتي ليه طيب معصبه والله لا امتهان ولا شي كل المطلوب منك انك تقابلين زوجك والناس بشكل حلو سوا كنتى جالسه في بيتك ولا بيت اهلك ،، وبالنسبه للتزين والتعطر مااعتقد انه راح يكون عمل مشق لانك ممكن تحطين كحل جوا العين وقلوس وتتعطرين وانتى منسدحه في سريرك وبالنسبه لشيل شعرك اذا كملتى اسبوعين او ثلاثه من التاسع شيلى شعرك بحيث اذا جاء النفاس مايكون يروع كأنه مزرعه من ثلاث شهور مالمستيه والمناكير كل النفاسيات اللى ازورهم لازم يحطون مناكير مااعتقد انه شي مكلف تحطينه وانتى في سريرك
واللبس اعتقد ضروروي بتغيرين ملابس يومياً يعني مارح تخيسين في قميصك خمس ايام يعني عادي مافيها شي لو لبستى قميص او بجامه ناعمه
وبالنسبه للخيانه انا اتفق معك اللى في راسه شي بيسويه حتى لو انك تبوسين رجلينه ،، لكن الاشياء هذي تسوينها انتي حتى زوجك مايمل منك مو شرط يخونك لكن ممكن يكون مال منك وريحتك الخايسه وقميصك اللى كنه قميص شغاله وشعرك الطاير وماراح تكون له نفس يزوك او يطول عندك ومايلام صراحه ،، احنا اذا زرنا نفاسيه وشكلها كذا استغفرالله بس نقول متى بنروح
يعني الغرض من التصلح والتعطر واللبس عشان ترضين نفسك اولاً وتنفتحت نفسيتك ومايجيك اكتئاب


صادقه حبيبتي وكلامك كله صحيح وكل وحده تختلف ظروفها عن الثانيه والشغاله انه مستحيل احد ولدي عندها لانى مااظمنها لكن ممكن احطه عند امي ولا اختى ،، بس نرجع ونقول انه الوحده لازم تهتم في نفسها ونظافتها وقت الحمل والنفاس سوا هي في بيتها او في بيت اهلها


وانتى صادقه انا مره زرت وحده لها 15 يوم مشاء الله لبسها جلابيه مرتبه ومتصلحه ومتعطره والله
مشاء الله تفتح النفس ،، في المقابل زرت وحده لها 12 مسكينه يارب لك الحمدالله شعرها طاير وريحة حلبه ووجها يروع ماحطت كحل ولا روج بصراحه حسيت بالفرق بين الثنين مع انهم كلهم والدين


ياحبي لك قلتى اللى ابي اقوله انه الوحده تتصلح لنفسها اولاً عشان تتحسن نفسيتها وتقابل زوجها والناس بنفسيه حلوه

كويس بما انك ترجعين لشقتك وتكونين عند زوجك ماتهتمين بنفسك شوي من ناحيه النظافه والريحه والحلوه واللبس ؟؟؟؟
يعني ماتبين اذا قرب من عندك زوجك مايشم الا شي حلو مو خياس حلبه يحوم كبده
وصدقيني اغلب الريايل يقدرون ويعذرون الحرمه والدليل انهم مايطالبونها باي شي في هالفتره وكثير تجلس الاربعين كلها عند اهلها واحياناً يكونون اهلها في ديره ثانيه ومع ذالك عاذرها ومقدر وضعها
لكن التصلح والتعدل المفروض انه الوحده تسويه بدون مايطلب منها زوجها ،، لانه بصراحه مو شي خيالي انها تكون نظيف ومرتبه عشان نفسها ،، وانا بالنسبه لى استحي انه زوجي يشوفني في شكل مو حلو شعري طاير ووجهي مشهب وريحتي خايسه ،، ومو زوجي لحالها حتى مااحب اكون عند اهلى كذا
عشان نفسي مو عشان احد ثاني ،، وانا اتفق معك انه مستحيل ارمي ولدي على الخدامه


غريبه صراحه مااعتقد انه في الكلام اللى مكتوب اعجاز او اعمال بطوليه كلها اشياء بسيطه واى وحده تقدر تسويها مو شرط او اسبوع من الولاده ،، نقول انك مررررررررررره تعبانه ومو قادره تتحركين لكن بعد اسبوع احسها عادي
وينك عن سيندي كروفرد بعد خامس يوم من الولاده طالعه تمشى ( رياضه ) في الشانزليزيه


وانا اتفق معك وكلامك صحيح وكثير ازواج لعبو من ورا حريمهم وحريمه مقطعين نفسهم بالتعدل والتصلح والاهتمام به لكن مانفع ،، لكن نرجع ونقول انه الوحده تهتم في نفسها عشان ترضى نفسها اولاً


الله يسلمك يارب


مااعتقد انها حلوه بحق زوجك تقولين عنه كذا ،،،،،،،،،،،،،،،،
الكلمات اللى حددتها بالاحمر مهما كان هذا زوجك وبالنسبه للتعطر والتلبس وشيل الشعر كلهم رديت عليك قبل هذا الرد وقلت انها مااعتقد انه راح تسوي الوحده اعمال خارقه اذا سوتها
وبالنسبه انك تتفاعلين معه او تعطينه شي مو شرط زوجك طبيعي بيراعيك ويراعي نفسيتك وصحتك لكن الاهتمام بنفسك اذا جلس جنبك مايشم الا ريحه حلوه اذا مسك يدك يلاقى نعومه مو كأنه ماسك يد واحد من اخوياه ولا بعد ماتبينه يجلس جنبك ولا يمسك يدك ولا شي طول فترة النفاس ؟؟؟؟؟؟؟؟؟؟؟؟
عموماً حبيبتي اللى من طبعها تهتم في نفسها وشكلها وماتحب زوجها يشوفها الا بشكل راح تهتم لو فيها الموت واللى مهمله ومطنشه زوجها مهمله ماراح تفرق معاها نفاس ولا غيره
بس اللهم اهم ماعليها اذا طلعت من النفاس تقص شعرها وتصبغه وتشيل شعرها اللى له 3 شهور بحلاوه وخلاص كثر الله خيره سوت انجاز


يسلمو على الرد وانتى صادق اكيد يختلف من زوج لغيره ولاهو شرط كل وحده تنفذ المكتوب كله تأخذ اللى يناسبها وتترك اللى مايناسبها ولا يناسب وضعها



اتفق معك في كلامك 100% واكيد حتى لو اثق في الشغاله مستحيل اترك البيبي عندها مراعاة لشعورها خصوصاً انه الخدامات يروعون كل شي يفهونه ،، لكن ممكن اترك البيبي عند اختى ولا امي
بس ليلة اللى اخلص من الاربعين من باب التغيير اذا كنت جالسه النفاس ببيتي وزوجي طول فترة النفاس معي ومع البيبي


الله يسلمك يارب ولك مثل هالدعوه

ام الشيخه
هاهوهي
يارب تسامحنى
ام يارا وفيصل
مشكورين على الرد وكلامكم صحيح


حبيبتي يعني لازم تهتملين نفسك مررررررررررررررره عشان زوجك اذا طلعتي من النفاس يلاحظ الفرق ؟؟؟؟؟؟ براصحه منطق غريب

totah_frotah
الله يسهلك يارب وتكون حملاتك الجايه اهون من حملك اللى قبل ،، بس ترا 40 يوم طويله مره اللى بيشتاق راح يشتاق بعد يومين انا من وجهت نظري 15 يوم كويسه مره


عارفه حبيبتي انى غلطت لما نقلت الموضوع كوبي الواجب عدلت فيه من وجهت نظري اللى اشوفها لانه انا بعد سالفة احط ولدي عند الشغاله مستحيل اسويها ،، لكن وش اسوي حاولت ارجع للموضوع اعدله بس خلاص معد اقدر على العموم ماادري ليه متحمسه بقوه مع الموضوع وكل شوي راده مع انه مااعبجك ولا كلمه فيه ،، الا اذا كان عاجبك ومقتنعه فيه بس المحروس اللى عندك مايساعد ولا يشجعك انك تطبقينه ؟؟؟؟؟؟؟؟؟؟؟؟ عاد هذا كلام ثاني

هدي اعصابك حبيبتي هذا وهو زوجك رجل طيب قلتى عنه كذا اجل لو انه العكس وش بتسوين فيه الظاهر بتقتلينه :42:


هدي اعصابك حبيبتي وكلامك صحيح اللى بينحرف بينحرف مو منتظر النفاس ،، لكن الاشياء اللى بيتسويها تكبرك في عينك زوجك مع انها اشياء بسيطه وسهله بس ماادري ليش انتو مصعبين الموضوع وحاطينه معجزه انه الوحده تتعطر وتتنظف


استغرب من الفاظ بعضكم على ازواجهم ،، معليش حبيبتي المحروس اللى تتكلمين عنه ماوراه دوام الصباح ليش تكونين انانيه وتسهرينه معك وطول الليل وهو وراه داوم صحيح انتي لك التعب والتربيه
وهو له الكرف برا البيت والصرف عليك الحياة شراكه وانتى لك دورك في اشياء وهو له دوره في اشياء ،، من جد استغرب من بعض الحريم اللى تفكيرهم اناني بشكل الحين انتى طول التسعه شهور وفترة النفاس منتى فاضيه تتصلحين له ولا تتنظفين ولا تعطينه حقوقه وتبينها يتحملك ويتحملك خياسك فترة النفاس ويصبر عليك وعلى البيت اللى مهملته 40 يوم ماتدرين عن ملابسه ولا طبخه ولا اى شي
وبعدها اذا رجعتي تبينه يسهر معك يسكت البيبي بدون ماتحنينه وتقولين وراه داوم المفروض انتى من نفسك تطلعين عشان ماتزعجينه ،، من شي غريب
نهر العسل
سمهوره
Jo0Jo0
لاجوا
بنت القيسي
الغزال 2006
BATOUL2
غـ؛؛؛؛ـريـ؛؛؛؛ـبة
ام لين ولانا
rotan
مشكورين على الرد والله يعطيكم الف عافيه


اكيد حبيبتي الزم ماعليك نفسك والبكريه صعب تجلس في بيتها والافضل انها تروح عند امها لكن مو شرط روح الاربعين كلها يعني الى 25 وكفايه خصوصاً اذا حست انه زوجها فاقدها
وتوفر لها انه احد بيجي يجلس معها اذا زوجها طلع ،، يعني البكريه كل وحده وعلى حسب ظروفها
لكن حتى لو كنتى في بيت اهلك وجاء زوجك بيزورك الواجب انه مايشوفك الا بشكل حلو وريحه حلوه وتستقبلينه استقبال حلو مو حالتك حاله وشعرك طاير ونفسيتك شينه
وبالنسبه للى عندها اكثر من ولدين احسن انه الافضل انها تجلس في بيتها احسن لها ولعيالها ولزوجها

انا الاسم
ردي عليك نفس ردي على متكحله :)

المتغليه
انا اتفق معاك 100% انى مستحيل اترك ولدي عند الشغاله
وبالنسبه للنظافه والاهتمام بالنفس وهذا المهم واحنا قلنا البس قمصان مع اروابها حلوه وتعطري
ماقلنا البسي قمصان نوم :42:
وبعدين اذا على قولتك اغريتيه وتهور وهي شايفه نفسها خافت الحمدالله ماكلف الا نفس الا وسعها
بمقدورها تسوي معها مثل ماتسوي ايام الدوره وبكذا يكون فرغ اللى في نفسه :)
وماطلع مثالك صحيح (( كنك يابو زيد ماغزيت ))
يعني الحرمه تقدر تصرف نفسها واللى في راسه شي وبيتهور والله ماراح يرده خياسها ولا شوشتها
ولا جلستها في بيت اهلها ،،،بعضهم استغفرالله ناموا مع الشغالات وهم يحومون الكبد

أنا توني ماجربت النفاس الله يرزقني ويبلغني ان شاء الله لكني شفت اختي 3مرات وزوجة أخوي وبنات خالاتي وجاراتي صراحه في بيت الأم الوحده ترتاح نفسيا وجسميا ,وأحلى لمن يجيها شوي ويروح وتكون طبعا نظيفه ومرتبه لكن أحسها صعععععععععععبه مره ان الوحده بنفاسها تكون بالطريقه اللي وصفتها الأخت ناقلة الموضوع صععبه والوحده تكون حتى لو ولدة طبيعي متألمه من خيوطها ويالله تقدر تمشي وتقعد والنونو اللي يبي يرضع كل ساعه أو ساعتين أو مايبي ينام الا على صدر ماماته بالله كيف تجمع احسه مره خيااااااااااااااااال وصحيح الوحده ادا عنده اكثر من طفلين انها تتنفس في بيتها بس حتكون المسؤليه منقسمه بينها وبين زوجها أما هي تحمل وتولد وتنشق وتتخيط وترضع وتتألم من الرضاعه عشان الرحم جالس يرجع للوضعه والخيوط مدري اش يصير فيها وبطنها مدري شفيه والأطفال الثانين طبعا يبيلهم مسؤليه وادا ماعندهم قدره للشغاله الزوجه اللي شافت الموت بكلام الرسول صلى الله عليهوسلم بما معنى الحديث عندما سئل عن الموت قال:اسئلوا المخاضات ,وبعد دا كله تقوم تسوي فيها هيفاء وهبي وش دا الظلم وربي حرام وهو ادا لها الدرجه اناني يبي الحرمه على سنقة 10وهي بصحتها مانقول شي موب وهي توها نازعة الموت وخرجت روح من روحها وهو بياخد اللي يبيه وبيحط راسه وادا قال النونو وااا يا بيطلع من الغرفه يابيقولها شيليه وروحي خليني أنام لأن هدا الشخص الوحيد هو اللي يبيها تكون هيفاء وهبي وهي نفاس لكن اللي بيخاف عليها وعلى صحتها وحاسس فيها يبيها بس تقوم بالسلامه ولا هو شايف شعرها منتوف ولا لا ولا اظافيرها فيها مناكير ولا بويه هدا هو اللي ادا كل شوي قام النونو بيقولها هاتيه وانت نامي شوي ,,,
عن نفسي حكون مجبوره أولد بعيد عند أهلي لأني بغربه لكن لانيب حاطه مناكير ولا ناتفه شعري زوجي وأنا بالدوره ودورتي بس 5ايام أحاول اني بس اكون نظيفه وريحتي طيبه لكن والله لو يدخل علي بالغلط وأنا لابسه قميص نوم دانتيل على قولتك صار مثل المجنون وجنني معاه تبيني البس له هالقميص وانا نفاس و40يوم عنده زوجي مستحيل يغلط لأنه ملتزم ولله الحمد بس ممكن وانا اقولها وبدون مزح ممكن ينجلط فيهالأنه بيضغط على نفسه وبيتحمل فوق طاقته ,ليه خليني نظيفه ومرتبه وخليني أم وهو أب مو أنا أم وزوجه وهو بس معرس سلامات والله ,,,
على العموم مشكوره أختي على النقل وكل واحد ورايه وقدرته بس ربنا لايكلف نفسا الا وسعها وكل وحده وطاقتها وطاقة زوجها ..