كيف مافي أمل والله هو اللي يقسم الأرزاق ؟؟

الله ما كتب في قرآنه سن للزواج حتى نقول فاتها القطار ...

على فكرة .. بعد اسبوعين أو ثلاث راح أحضر ملكة وحدة عمرها 33 سنة .. واللي خاطبها مدير .. و أعزب ...

ويااااااااما شفنا قصص مثل هذه .. و بالعكس والله ... اللي اشوفه ان الله يعوض صبرهم خيييييييييير

و أولا و أخيرا .. الخيرة فيما كتبه الله ...ولا يكلف الله نفسا الا وسعها .. ما تدرين يمكن يجيها من ورى الزواج هم كبير .. فالله ما يبغى يكلفها مالا طاقة لها به .

اختي
الله يعينها وانا ما اقول كذا على انها تأخرت في الزواج على حد قولك وصارت عانس
لا لانها مسوية في عمرها كذا ومضيقة صدرها
اولاً مثل ما قالوا الاخوات كله قسمة ونصيب
والاخت ياسمينه ذكرت هاللي تعرفها وبتتزوج وعمرها 33
انا انصحك تقولين لها تدعي ربها يكتب اللي فيه الخيرة لها لان فيه بنات تزوجوا وتطلقوا وقالوا ليتنا ما توزجنا
ومو كل متزوجة سعيدة وخاصة هالوقت شوفي الجيل اللي بيطلع الحين شوفي احنا وش مسوين باهلنا الله يجزاهم عنا الجنة كيف هالجيل اللي شايفينه متغير 180 درجة
انا عارفة اني طلعت عن الموضوع
لكن ملاحظة اخيرة اذا السبب في تاخر زواج هالبنت من نفسها يعني شروط ومدري ايش وتبي عازب و و خليها تفكر بعقل
واذا من اهلها انصحيهم يتقون الله في بنتهم وحاولي تذكرينه عند اي احد يبي يتزوج او يدور عن عروس او يعرفون احد يبي عروس
تحياتي لك والله يجزاك خير على مساعدتك ووقفتك معها

يا ما عندنا نساء تجوزن بعد الثلاثين والاربعين

مديرتي في العمل عمرها38 سنه والله ما شاء الله كنت استغرب متفائله ومستانسه ومرحه وتلبس وتكشخ ولا يهمها الزواج بالعكس دايما كانت اتقول يوم بتزوج بسوي عرسي هناك وبلبس اللون كذا من 8 شهور تزوجت ريال ما شاء الله الكل استانسلها ريال متعلم مثقف ومنصب والحين حامل
تعلمت منها وانا عمري 26 ان النصيب من الله واهم شىء التفاؤل والرضا باللي الله قسملج وما تشكين في يوم من الايام انج ما بتتزوجين اصبري والله بيرزقج ابن الحلال اللي يناسبج والدعاء دايما اكيد
وحده من ربيعات خالتي تزوجت من شهرين تدرون كم عمرها؟ 45 سنه تخيلو عقب نص العمر ويا فرحتها واتقول احس اني بنت 25 سنه من الفرحه

اختي كبتشينو مو دايما الاهل يمنعون احيانا البنت نفسها والله اني اعرف وحده عمرها 27 سنه ويحنون عليها اهلها امشي العروس معانا زوري معانا وما تبي وتصير نجره وامها تقولها امشي يمكن تنخطبين وتعفس الدنيا جنها راويه الي بمسلسل الحريم ما ابي اتزوج ابي استانس الرياييل مو زينين الزواج مشاكل ...الخ لا وما تبي تحط اسمها عند خطابه اما بالنسبه لاختي سنابل الزمن فاقولك نصحي هالبنت في انه تصلي قيام الليل وتدعي لان بهالوقت الدعاء مستجاب وكل شي بيد الله والله بنت عمتي عمرها35 او36 امها حطتها عندخطابه وتوها قبل ثلاث شهور تزوجت خذت واحد ما شاء الله اخلاق ومال وسولها ثلاث حفلات ملكه وعرس واستقبال وكل حفله احل من الثانيه شوفي صبرت ونالت الله كريم وبعدين قوليلها تحط اسمها عند خطابه ياكثرهم الخطابات والله بنات ال18و19 يحطون اساميهم عند خطابات هذا هو الحل وانشالله بساعدونها انشالله ربي يرزقها بالزوج الصالح الي يسعدها والذريه الصالحه امين يارب