اللى عمل جلسات ليزر أو ضوء لازالة الشعر يدخل ضرورى ...محتاجة مساعدتكم

السلام عليكم أخواتى....

عايزاكم فى مساعدة كدة ضرورى... اللى جربت الليزر أو الضوء لازالة الشعر ياريت تحكى تجربتها... أنا فرحى بعد كام شهر وعايزة ابدأ الجلسات لبعض المناطق قريب ان شاء الله... بس اللى سمعته بقة واتفاجأت منه هو ان أغلب المراكز والعيادات بيكون فيها جهاز ال IPL اللى هو الضوء الامن تقريبا.. وده يختلف عن الليزر جدا.. هو أرخص كتير بس فيه دكتورة قالتلى انه الشعر مابيطلعش لمدة 6 شهور بس :( مش للابد يعنى ولا حتى لمدة طويلة :( :(

أنا الحقيقة اتفاجأت.... ومش عارفة بقة الكلام ده مضبوط ولا بيختلف مثلا من حد للتانى...

فياريت بقه اللى جربت سواء الضوء او الليزر تحكيلنا ايه اللى حصل معاها... الشعر بيختفى تماما ولا بيطلع بعد مدة تانى؟؟ والمدة أد ايه؟؟؟ وبيطلع بنفس الكثافة ولا حتى لو طلع ( بعد 6 شهور مثلا زى مالدكتورة قالتلى) بيكون أخف كتير؟؟

وانا عارفة ان فية فرق بين كل جلسة والتانية حوالى شهر كدة... الشعر بقة بيقل من أول مرة ولا ايه؟؟؟

ياريت تحكولنا بالتفصيل كدة بجد...محتاجة ردكوا ضرورىىىىىىىىىىى