اللى عندها افكار لزينة رمضان لواحده فى الغربه كل عام وانتم بخير

السلام عليكم ورحمة الله وبركاته ..

أهلا موسوعه .. منورة منتدى الأشغال اليدوية..

بالنسبة للأفكار ..

ممكن تجيبي أسلاك النور المستخدمة في الاحتفالات وتعلقيه في البلكونة .. أنا عملت كده السنة إللي فاتت وكان شكله جميل جدا..

وممكن تجيبي فانوس كبير كمان تعلقيه في البلكونة..

وتجيبي لأطفال فوانيس صغيرة ولو لعبة ... هو طبعا في أوروبا مش حتلاقيهم بسهولة زي في مصر مثلا.. لكن ممكن تلاقي في محلات الإنارة فوانيس للإضاءة عادية ملهاش علاقة برمضان.. لكن إنت هاتيها .. وممكن تلوينها وتكون فوانيس رمضان :)

يا رب أكون أفدتك :27:

كل سنه وانتى طيبه يا عفريته
افكارك جميله بس للاسف انا ماعنديش بلكونه لكن فكره اسلاك النور ديه جميله جدا وممكن اعملها على الشبابيك من بره بس مش هينفع برضه علشان المطره خليها فى الشقه من جوه ومستنيه افكار تانيه ان شاء الله

ممكن تعلقي برة على الشبابيك حبال زينة ملونة .. وبيكون فيها شرايط ألوان نايلون.. مش حتتأثر بالمطر :)

ربنا يكرمك يا عفريته فكره حلوه وان شاء الله هاعملها
:26: :26:

بالتوفيق يا موسوعه.. وإن شاء الله نفتكر أفكار أحلى وتنفذيها .. وتقضوا رمضان سعيد ومبارك :26: