اللى عندها سواق تدخل الله يعافيكم بشاوركم بسالفه

حنا نحتاج سواق مدارس ومشاوير وماعندنا احد يودي ويجيب فمضطره اجيب سواق

عشان كذا كلمت مكتب وعطاني واحد اجربه موجود عندهم بالمكتب ما قدمت لان الوقت سرقني وجت المدارس

المهم انه جا وجربته

فودي اشاوركم امشيه ولا اخليه لانه بصراحه ما جازلي مره ..والناس يقولون لي دامه يعرف يسوق ويدل لا تفرطين فيه

بس لاحظت عليه اشياء ماعجبتني ابدا خصوصا اني دايم اقارنه بسواقين اللى حولي

ماشالله سواقين سنعين الله يهنيهم فيهم ..

اللي عندي ذا كسلان درجه اولى واكثر من مره تاخروا عيالي عن مدارسهم يقول معليش انا فيه تاخير نوم

وباللعنه ينظف ..اقوله لازم تنظف الحوش البيبان يقول لا صعب ما ابي ..وبالطقاق صار ينظف يوم واحد بالاسبوع

اللى رفع ضغطي امس عطيته كيس انا مغلفتها مضبوط فيها اغراض خاصه لي ابيه ينزلها بمحل قام نزلها وشالها بيد وحده وسحبها تسحيب بالشارع <<< مدري تخيلتوا الوضع

وانا بالسياره اطالعه قسم بالله ارتفع ضغطي منه ويوم جاء سفلت فيه تسفيل ...قلت خير ان شالله اغراضي تسحبهم بالشارع حتى لو من ورى كيسه بس ولو شيل بايدينك كلهم مو تشيل بيد وحده وسحبت كل الوصخ اللى بالشارع

وقلت له كانك ما تبي تشتغل زي الناس ولا خلاص ماعاد نبيك ..واليوم احس اني كارهته مره مالى خلقه ..بالله حركته هذي ما تقهر ولا كل السواقين لهم حركات وانا مكبره الموضوع ؟؟؟؟؟؟؟؟مدري

اخاف اقول لزوجي ويكرشه ونتوهق بوقت هالمدارس ..وبعد اخاف ما نلقى بديل احسن منه اخاف انه اللى موجودين زيه او اردى
ن
يعني مدري هو مالي يده منا وعارف انه مانقدر نستغني ولا وش السالفه

خصوصا انه من جاني وانا اعطيه راتبه بوقته عمرنا ما طولنا عليه بس هو كذا زووول يذبح ببروده ..حتى حركته بطيئه رغم انه صغير بالعمر
والله اشوف السواقين عند المدارس يركضون ركض حركين ويهبلون

تكفون شورا علي اخاف انقل كفالته وابلش فيه ودي ادور بديل ولو لقيت اكرش هذا ..مدري شورا على يا حبيلكم