السلام عليكم
يا جماعة انا عندي ماكينة تريكو اسمها باساب 6000
تعمل بالكمبيوتر واشتريتها منذ وقت واشتغلت عليها ووزعت انتاجي علي بعض المحلات لكن لم يسدد لي قيمة انتاجي الا شخص واحد وبعد حوالي شهرين من توصيل الانتاج
الماكينة تخرج لك قطعة مستطيلة من التريكو ثم تذهبين بها الي مصنع صغير لعمل الرقبة او السبعة وتقفيل الاجناب والتطريز اذا كان حريمي
كانت شريكتي هي عليها التسويق والذهاب الي المصنع لتقفيل البلوفر وانا علي العمل علي الماكينة في المنزل وشراء الخيوط من محلات الجملة الخاصة بخيوط التريكو
انا من الاسكندرية ولا زلت اتمني اعمل اي مشروع خاص بالتريكو او الكروشية اللذين اعشقهما
وقد كنت طرحت فكرة ان يكون لدي احدي الاخوات محل في مكان مناسب لعرض انتاجنا لتجنب النصب من بعض اصحاب المحلات
:26: :26: :26:

ام خشوع منورة ربنا يعوض عليكى فى ثمن البضاعة بس عايزة اقول لك انها يمكن تكون غلطتك انتى
لان المفروض كما نصحتنى احدى الاخوات انى لازم اخذ عربون قبل ما اسلم الشغل ضمان لحقى... بس بصراحة
كلامك دا مفاجأة بالنسبة لى يعنى انتى تقصدى ان مكن التريكو بالكمبيوتر لا ينتج غير القطع المستطيلة معقول ؟؟!!
ولا دا يخص المكنة اللى عندك فقط؟؟؟
طيب ممكن تقولى لى ثمن المكنة ؟ و من اين اشتريتيها؟
هل قمتى باخذ دورة للشغل عليها؟؟
و ليها كتالوج ؟طيب مميزاتها الموجودة بالكتالوج ايه؟؟
معلش فى الاسألة دى كلها لا تفتكريها تطفل لكن الموضوع هنا لتجميع اكبر معلومات و خبرات عن مشاريع التريكو و اجابتك هتكون مساعدة لينا كلنا
كمان عايزة اقول لك فكرة ممكن تجربيها للتسويق لو فى عندك فى الاسكندرية معارض للسلع تقام كل فترة زى اللى عندنا بالقاهرة
اللى بتكون فى خيمة كبيرة و يباع بها اغراض مختلفة كل بائع بياخد مكان صغير بيأجره و يتم تقفيله له لعرض منتجاته
لو فى اسألى تأجير المكان بكام لو رخيص توكلى على الله و ابدئى خسارتك مش راح تكون كبيرة زى لو أجرتى محل و تحملتى تكاليف ديكوراته و ...الخ

انا معاك فرولاية بس انا كمان عايزة ابدا مشروع
التريكو ولاكن خايفة
مع انى اعرف التريكو اليدوى جيدا

بسم الله الرحمن الرحيم
بجد المشروع حلو جدا وتحليلك له يبين انك مقتنعه بيه جدا
بصى المشروع ده عيلتى اشتغلت فيه
فاعشان كده اعرف شويه حاجات عنه
بصى انا قريت الكلام اللى انتى كاتباه والردود عليها واسمحيلى اتكلم عنها
اولا المكنه
المكن الجديد اللى بالكومبيوتر غالى جدا وشغله صعب ده اللى بسمعه
لان مكنتنا كانت من غير كومبيوتر بس بموتور
وغير كده فى انواع من المكن فى مكن بيدى شغل ناعم وفى مكن بيدى شغل خشن
الشغل الناعم اللى تلاقى الغرزة صغيره جدا
وللاسف ده بيبقى عليه اقبال اكتر برضه مكنتنا كانت شغل خشن
ثانيا الخيوط بيبقى لها خيوط معينه رفيعه تقريبا تلت الملليمتر
وانتى تجوزيها زى مانتى عاوزة
افتكر كنا بنجيب الخيط من تريدكو الصياد اللى جنب ميدان الجامع
طبعا زمان الكيلو كان ب11و 13 جنيه
والصوف الحلو كان ب20 لما يغلى قوى بس ده كاااااااااااااااان زمااااااااان

ثالثا الشغل اللى بيخرج
انا بتكلم على المكنه اللى من غير كومبيوتر
بينزل الشغل مستطيل ده طبيعى
لو بتعملى مثلا بلوفر لازم تعمليله كوت طبعا ده بيبقى شغل تغيير ابر وعيارات
ولو بنطلون وعاوزة تحرديه لازم تزودى وتنقصى بايدك
احنا كنا بنعمل البلوفرات الكوت ووبعد كده قطعه مستطيله
لازقين فى بعض وبعد كده ندخله على المرحله التانيه
رابعا المكملات
وهى مكنه خياطه وحد يكون بيعرف يخيط عشان تحردى
البلوفر والكم بالمقص زى القماش
لانه فعلا اسهل كتير من التنقيص والتزويد
وعمل الرقبه زى الكوت وتركيبها على البلوفر
ومكنه الاوفر عشان تقفلى الشغلويبقى نضيف من جوة
لانى قريت فى الردود ان اخت من الاخوات كانت بتاخد شغلها مصنع صغير يعملها الحاجات دى
بصراحه كده تضييع للوقت وكمان لجزء كبير من الربح
خامسا التسويق
افكارك دى حلوه بس فعلا رومانسيه زى ما الاخت قالت
ولو عاوزة التجربه كامله احكيهالك
اكيد فى حاجات كتير ناسياها وحاجات كتير اتغيرت
بس فى النهايه تتطلعى المنتج بتاعك وتلاقى ان تكلفته اغلى من مثيله فى المحلات:23:
امال انا بعيط بدل دموع دم ليه:06::06:
عندى مكنه التريكو ومكنه الخياطه ووالدى مش راضى انى اعمل المشروع:04::icon36:
ولو احتجتى حاجه تانيه واعرفها انتى اتمنى بس:27::33:
يارب اكون افدتك

انا عندى حبيبتى ماكينة تريكو برازر واخدت دورة تريكو رغم انى خريجة صناعى تريكو
بس تعليم المدرسة شىء والحياة العملية شىء تانى بس انا شغلى للمعارف يعنى محدود مش للمحلات
لان الخيط غالى وانا بقفل شغلى برة يعنى فيه اجرة تقفيل يعنى بعد كدة تخدى انتى كام فلازم الصبر فى الاول هو مشروع ممتاز لو عندك ماكينة تقفيل خاصةوفيه سوق للتوزيع ادرسى المشروع الاول ربنا ان شاء يوفقك
هو فعلا مشروع ناجح ربنا معاك