بصراحة انت في موضوعك اختصرتي حالتي ... انا كلشي عندي يهون إلاَ نظافة البيت ...

أحس بيتي دايما وسخ و مو مرتب .. و اتعب كثييييير لأني ما أنام بالليل ...و هاملة نفسي و حياتي و مكتئبة و متحطمة و فوق كل هذا غربة و هم و وحيدة دايم .. لكن الحمدلله على كل حال ..

طبعا جربت كل الطرق اللي تخطر على بالك عشان انظم نفسي و حياتي لكن ما قدرت لأني ما انام و بالتالي ما فيني قوة أشتغل و ارتب و بيتي ما شاء الله كبير جدا و الشغل فيه يكسر الظهر و انا أشتغل في جهة و عيالي في جهة ثانية يخربون ...

أول شي قلت لازم احله هو مسألة النوووووووووم ..

طبعا معاناة و لازلت اعاني منها لكن الحمدلله بفضل الله تعالى قدرت أزيد من ساعات نومي و أقلل من عدد مرات استيقاظ عيالي بالليل ..

شو سويت ؟؟

أجبرت ولدي الي عمره سنة و 8 شهور على النوم في سريره بعد ما كان ينام على كتفي طول الليل مع البكاء والعويل..

أفادني كتاب (المربية المثالية) للكاتبة جو فروست اللي كانوا يعرضون لها برنامج سوبر ناني .. و قريت عدة طرق تخلي الياهل ينام طول الليل في سريره .. و أفادتني طريقة ( الاصرار على لابقاء في السرير )
و هي إنك تجهزين ابنك و تهيئينه قبل النوم بفترة و تغلقين كل المصابيح في البيت و توضعينه في سريره .. طبعا راح يعااااانيو يبكي و قلبك بينحرق و أبو الشباب رح يلومك بقسوة القلب .. لكن انت جمدي قلبك و كل ما نزل من السرير رجعيه ...

بالنسبة لي كانت اول ليلة كابببببببببووووس
نزل من السرير و رجعته أكثر من 70 مرة ..
و استمر هالحال كم يوم .. و كل يوم تنقص عدد المرات إلى أن يستسلم و يشوفك مصرة على رايك و ينام بروحه في السرير طوووول الليل ان شاء الله .. و إذا بيقعد مرة و مرتين بالكثير و لا تشيلينه أبد من السرير ,, هدئيه بصوت خفيف و بدون ما تناظرينه في عيونه و بيرجع ينام بنفسه ..

تحتاج صبر كبير لكن نتائجها رح تبهرك و تريحك ان شاء الله ,,
وكذلك مع بنتي الي عمرها 3 سنوات استخدمت هالطريقة لكنها للأسف ما فادت ,, فاضطريت استخدم معاها اسلوب العقاب للأسف :( عشان تنام طول الليل .. و الثواب طبعاً إذا نامت على السرير طول الليل و ما تقعد الا للحمام .. أحط لها لاصق كرتوني و تستانس خخخخ

و بهالطريقة قدرت أنام ساعات أكثر من أول و لله الحمد و صارت فيني شوية طاقة و المزاج صار افضل لأن النوم صار مستمر و غير متقطع ..

و بالنسبة للصباح كانوا عيالي يتعاركون دايم و يبكوووا و يتعاونوا على الاثم و العدوان ههههههههههه يعني من خراب البيت و تعفيسه و أنا أحوووس شو أسوي و شو ما اسوي ,, اوكل منو أول .. و أسبح منو اول .. ؟؟ و هذا يبي شي و ذيك تبي شي و أبي أطبخ و أبي اغسل و انشر الثياب و وووووووو

فقلت اختصر على روحي السالفة و اودي بنتي الحضانة ,, منها هي تتعلم و تلعب مع الاطفال الي في عمرها و في نفس الوقت أنا أرتاح شوية من نص التعب ..

و بالتالي يكون الصباح مخصص للراحة و طبخ الغداء و الرياضة .. و لما ترجع البنت من الحضانة أغديهم و أنومهم معاي قيلولة خفيفة عشان ما ينكدوا علي .. و بالعصر اقعد و العب معاهم و اجهز العشاء و من عقب صلاة العشاء أعشيهم و أخليهم يلعبون شوية و أنا أقوم أشتغل بالبيت من تنظيف و ترتيب و أخلي الكنس للصباح (لأن الكنس بالليل يجلب الفقر) و بعد كذا أنومهم بكير عشان يقعدوا بكير و يصير عندي مجال أنام بكير ..
و على ما هم نايمين أنا أشتغل ففي البيت عشان اجلس الصباح ما احاتي التنظيف ... فقط أكنس و أصلح الغدا .. و أسترخي شوية ..

و بهالطريقة احس قدرت أسيطر على الوضع ... لأني عانييييييييييييت ل5 سنوات من عدم النوم و الحمل و التربية و الرضاعة و الحمدلله كله في الخير .. لكن هالمسؤليات تستنزف من المرأة الشيء الكثير..



يارب أكون أفدتك .

و أنا توني قارية إن عمر بناتك شهر ياربي يحفظهم و يتربون في عزكم ..

بصراحة هذي المرحلة حرجة شوية .. لكن أبشرك إن هذي هو العمر المناسب إنك تعودينهم على النظام الي تبينه عشان لما يكبروا ما تتغلبي ...

انصحك تجيبي أحد يساعدك في شغل البيت لأن طفلتين في هالعمر عذااااب ههه الله يعينك والله ..

على الأقل زوجك يساعدك شوية .. في اغراضه على الأقل .. يعني ياخذ ثيابه للغسيل والكوي برة ..
و الأكل لا تطبخي جيبي من برى على الأقل هالفترة ..

إنت لا زلتي في النفاس و لازم تهتمي بصحتك و قوتك عشان بناتك,, لا تضغطي نفسك و حاولي تاخذي نفسك بالراحة ...

انت معذورة و مب لازم البيت يكون نظيف مئة بالمئة ولا تتوقعين ان حياتك الخخاصة مع زوجك في هالفترة رح تكون مثل قبل !! أكيد لازم بيكون شوية تغيير و المفروض هو يتوقع هالشي ..

إنتِ بصراحة محتاجة مساعدة هالفترة على الأقل .. ولا تحتاتين كلها جم شهر و كلشي راح يتضبط .. العيال رح ينامون إذا علمتيهم ينامون بعيد عنك .. أبدا لا تعلمينهم ينامون معك في السرير .. رضعيهم و اتركيهم في سريرهم ... عشان يتعلموا ان سريرهم هو مكان نومهم .. مش على كتفك .. والله هالكتف شو رح يتحمل والله ؟؟؟ الله بس يكون في عوووونك ...

و نصيحة مني .. لا تتأزمي ... إنتِ وضعك طبيعي مليون بالمية .. ربي يخليهم ليكي و يكبروا و تفرحي فيهم ...

انا كمان عندي بسم الله عليهم اربع اطفال وحامل
وكمان معلمه وشغالتي مسافره هالاسبوع ومافكر اجيب كرهتهم
والله مادري وش بيصير ان شالله اقوولكم تجربتي بعد روحة الشغاله

قريت الردود ولى عوده والله الحمد لله استفدت كثير يارب لك الحمد






لى عوده لرد

**** يعين اناعندي ثلا ث اطفال احيانا احس حالي قادرة انظم وقتي واحيانا تعالي وشوفي هيصه بس لا بد:04: نتحمل