اللى والدة قيصرى تخدير نصفى تدخل.........

مرحبا
انا توني والده بتخدير نصفي :lookaroun
والله ياوخيتي ماطرى على بالي قبل كذا اني اذا ولدت بعمليه يكون التخدير نصفي
من كثر ماسبو فيها بس لمن قرروا لي عمليه اقنعتني الدكتوره اني اسوي تخدير نصفي على قولها انه في التخذير الكامل الدكاتره يكون عندهم ثمان واو سبع دقايق يطلعون فيها البيبي قبل لايوصل التخدير له
بينما في التخذدير النصفي يكون عندهم وقت اطول
المهم وافقت
اول ماجو يحطون لي الابره كان الطلق شغال عندي قلت لهم ماراح اقدر اتخمل اذا جاتني الطلقه قالو راح نستنى لين ماتعدي الطلقه ونحطها لك
صاحبتي قالت لي انك ماراح تحسي فيها اذا حطوها لانه بيكون المكان مخدر بس اول ماحطها الدكتور خسيت فيها فشهقت وتحركت بس الحمدلله ماقد دخلت لسا وربك سلم ورجع حطها مره ثانيه بصراخه كنت خايفه مره
بعدها حسيت رجولي مرررره مخدره ما احس فيها
المهم في وقت العمليه ماراح تحسين ببطنك الا بس كأن احد قاعد يلمس بطنك بس راح تحسين بصعوبه شوي بالتنفس
انا ما اخفيك سرا اني في وقت العمليه قاعده اقول لزوجي الله ياخذهم ضحكوا علي وخلوني اخذها
المهم بس كنت اتمنى الوقت يعدي بسرعه وقت العمليه والحمدلله طلعو البيبي وانا كنت احسب لسا مافتحو بطني لاني ماكنت احس فيه<<<على بالي مو مخدره
وبعدين قعدت شوي ليمن سكرو بطني
معليش عالسريع اكتب لك لان بنتي تبكي <<تعرفين صار عندنا مسؤليات مو مثل قبل على كيفنا

اذا عندك اي سؤال اسئلي
ودي اشرح اكثر لي رجعه ان شاء الله

ماتثبت بس غزه الابرة وتنشال بعدها عادي تتخدرين
حلوه وماتتعب كثر الكلي

انا اخذتهخا في الحبيب عند دكتور ناصر
يخلونك تقعدين وتحطين ذقنك على صدرك يدخل ابرة تخدير موضعي هي بس اللي تعور
بعدين بسرعه يدخل ابرة التخدير النصفي ما تحسين فيها ابدا يقولك بتحسين بحرارة في رجولك اذا حسيتي قوليلي اول ما تحسين فيها يطلع الابرة ويشيلون رجولك ويسدحونك وبسم الله يبدون يسوون العملية انا كنت ارتجف شوي خايفه قالي دكتور التخدير تبغين شي يريحك وعطاني مهديء في الوريد وارتحت وسمعت البيبي وشفته وبعدين سكروا وطلعوني كل العملية اخذت 40 دقيقه بسرعه مرت يمكن عشاني تحمست لما سمعت ابيبي وشفته او يمكن من المهديء
بعدين يططلعونك لغرفة الملاحظه لين ما يروح التخدير وتقدرين تحركين رجولك
الشي الوحيد السيء فيها انه 20% من الناس يجيهم صداع شديد من بعد الابرة للاسف انا كننت منهم الله لا يوريك صداع شديد جدا ما يخف الا اذا انسدحتي او اذا اعطوكي 3 لتر سوائل باليوم والحل النهائي له انهم يسحبون شوي دم منك بعدين يرجعون يدخلونه محل الابرة عشان يسدون فتحة الابرة انا سووا لياها خامس يوم واختفى الصداع تماما

اي سؤال على الخاص

طبعا النصفي افضل من الكلي

لا تنسين انه الكامل يدخلون فيك انبوبة تنفس صناعي


ولو مادخلوها خلال 3 دقائق احتمال يكون فيه وفاة لا سمح الله

واحتمال ماتقدرين تستغنين عن الانبوب الا بعد فترة

يعني مخاطرة اكثر

واااااي ياشرحكم مررررررعب

اضن طريقة التخدير الي بالظهر هذي تشبه ابرة التخدير في الولادة الطبيعيه انا اخذتها في بكري ولدي الله يحفظه وكانت بالظهر وماحسيت لافي بطني ولارجولي لاكن الباقي شغال هههههه وماني متصوره كيف احس بشق بطني يييييييييييياي والله رعب حتى لو بدون الم

لاكن الولادات بعد كذا صارة مؤبده قيصريه وولدة قيصريتين كلهم تخدير كامل وكلها ساعه او ساعتين وانا صاحيه

لالالالالالا كن الولاده القادمه مدري ؟؟؟؟؟؟؟؟؟؟؟؟عندي وقت افكر اخذ تخدير كلي او نصفي حمسوني والله احترة يابنات ؟؟؟؟؟

الله يقومك بالسلامه ياراجيه اذا جربتيها قوليلي كيف ووين عملتيها اذا في الرياض