اللى ودها تضحك وتفرفش معى تدخل لانى مليت من كثر الاحزان

مساء الخير يابنات ماتلاحظون هالايام كلنا ضايقات ومال الوحده تطلع ولاتستانس تراه من اللى تقراء وتشاهد الله يرحمنا بالنسبه لى منبدايه هالكوارث احس هالدنيا مالها طعم بس مايصلح حنا علينا الدعاء للمتضررين ونعيش حياتنا حتى نقدر نتعبد ربنا ونربي اولادنا ونبسط ازواجنا والمهم بالموضوع بقولكم عندى راي وهو نفرفش فيه ونرفه عن انفسنا بغير غيبه ولا تعليق يعنى مواقف صارت لك او لزوجك او لامك او اختك وهومضحك وانتى عارفه انه ماهو زعلان عليك لوكتبتيه اسرديه لنا هنا لكى نضحك ونستانس واولكم بقول موقف صار لى كانى غبيه بالعطله اللى فاتت اشترالى الحبيب جوال جلكسي من الرياض ومشينا سارين باليل للقصيم وطوالى شحنته كهرباء عند اخوي قبل نمشي وشحنه افلوس وبمانى لا اعرف له اشغلنى بناتى كل مافتحت لى شي على الاسماء قالن لا يمه غلط ثم قلت عارفه ثم دقيه من غير قصد على هالاسماء والله انى اشغلت وحده الله يحفظها ادق واقطع ثم طفيته ويعلمنى لين تقريبا عرفه المهم نامن من طول الطريق ويوم وصلنا تقريبا المجمعه صار سكون بس زوجى يسوق وانا ابغبز بالجوال المهم دخلت مدري وش وحطيت الوضع طيران وشفت صوره طياره بهالاثناء شفت نورطياره فوقنا تماما انا والله ثم والله ان قلبي طار من قله تفكيري قلت يعنى طيران يمكن بين الطياره وبين الجوال مغناطيس يجذبها واحس مدري من الخرعه صوتها قرب واطفيه بسرعه حتى ابو الشباب لاينتبه ليه واسكت واقوم استغفررررررررر لين تعدتنا هى طبعا بعيد بس انوارها بس الخوف وماادراك مالخوف ويوم وصلنا وعقب يومين علنت اعيالى وماتوا عليه ظحك وعلمونىهههههههههه ولى مواقف بس المايك للى بعدى وياهلا وسهلا