الله يرزقني ويرزق كل محرومة ياحي ياقيوم
ياكريم يارحيم يا رب العرش العظيم نسألك بعزك الذي لايرام وبملكك الذي لا يضام و بنورك الذي ملأ أركان عرشك أن ترزقنا الولد الصالح
انا هذا الشهر راحه من غير علاج والله كريم

فكرة حلوة مثلك يا سما الرياض والحلو مايطلع منة إلا الحلو 00

الله لايحرمنا ويرزقنا جميعآ بالذريه الصالحة0 بالنسبه لي سويت طفل أنابيب

الشهر الماضي وما صار شي وهالشهر متأخره الدورة وما أظن فيه حمل لانها

غير منتظمة ، وومن أسبوعين رحت مكة وأخذت عمرة ودعيت لكل بنات المنتدي

لاني حاسه فيهم ، والحين أنتظر الفرج من الله وأكثر من الاستغفار وعلي الله

المتكل وإليه المشتكى ، والله يرزق الجميع 00 :(

عنادى مشكورة يالغاليه ووالله انى كل مادخلت موضوع وشفت اسمك وتوقيعك انى ابكى وادعى لك ان ربى يرزقك بالذريه الصالحه وياارب ينفع بالخلطه وتبشرينا باحلى خبر انه على كل شىء قدير الكادى مشكورة يالكادى وباذن الله ربى بيرزقنا بس شدى الهمه فى الدعاء والاستغفاروان شاء الله نسمع خبر حملك قريب ويااارب تحطين التوقيع وانتى حامل بجد لحد ما توصلين 40ونفرح فيك قولى ااامين هموم الليالى يارب يصير اسمك افراح الليالى وتفرحينا ولا تشوفين هموم بدنيتك ابد قولى امين وانا الشهر هذا مثلك شربت زنجبيل من خامس يوم الدورة والله لايخيب رجانا

marya313 مشكورة وياليت كل وحدة تدخل وعندها شى يبعث فينا الامل تكتبه لنا لنجتهد اكثر وياارب نفرح فيك قريب honey44 اميين الله يسمع منك ونحمل كلناهالشهران الله قادر على كل شى وتكون الوصفه اللى اخذتيها سبب فى حملك هذا الشهر باذن الله ميمووونه يااارب تحملين قبل ماتجربين وتخبرينا عن الوحام وعمايله متغليه55 الله يجزاك خير ويقومك بالسلامه وتجيبين احلى بيبى ومشكورة على نصيحتك ومرورك على الموضوع لتكتبى لنا تجربتك يااارب يسهل عليك بنت مجرن <ومن يتوكل على الله فهو حسبه> ومادام عندك امل بالله باذن الله مارح يردك وعلاجك مضمون باذن الله واستمرى عليه وزى ما قلتى لازم نستغفر قدر الامكان وفى كل وقت ومكان ويااارب يرزقك عاجلاغير اجل ولا تنسين صلاة الليل استمرى عليها وباذن الله نسمع الخبر الحلو منك قريب lmar ياعمرلى لايضيق صدرك فيه علاج مفعوله مضمون باذن الله وموجود عندك فى البيت القران والدعاء والاستغفاروالصلاة فى الثلث الاخير من الليل استمرى عليها وباذن الله تبشرينا بالحمل قريبا جرح الورد مشكورة على الدعوة ويارب يرزقك بكل اللى تتمنين وانتى المفروض تكونين بلسم الورد وليس جرح الورد لان دعوتك مثل البلسم علينا ويارب يسهل عليك ويقومك بالسلامه شاطره مشكورة وباذن الله نشجع بعض على قراءتها يوميا جيجى والاجر على الله ااامين ويااارب نسمع خبر حملك قريب

أم الغالي .. ندى البحر

مشكورات على ردودكم ووقفتكم ولله ..

والله يابنات حياتي انقلبت .. دوم تفكير ودوم دموع

ماشاء الله تبارك الرحمن اغلب اللي تزوجوا معاي عيلوا واللي بعدي بعد ..
في البدايه كنت اقول فتره وبتعدي .. بس للان مالله كتب شي :(
الحين اخذ مانع غصب عني لانه تبع الكورس حق العلاج ..
والله قلت للدكتور مابيه بس قال لازم مافي مجال نكنسله ..
دورتي مش منتظمه وحالتي حاله ..
زود على هذا مره أكبر جرح قتلني مره كنت عند ناس اعرفهم .. واعزهم
وكان عندهم بنت اول ماتزوجت انجبت ماشاءالله .. هذي البنت بعد تصير لنا
قالت عمتها تقدرين تجيبين زي هذي ؟ وهي تضم بنت بنتهم .. كان المجلس مليان
وناس والله العظيم كانت هذيك المره اول واخر مره اشوفهم
حسيت بجرح حسيت بدموعي نزلت غصب عني طيب ليش وانا ساكته ماقلت شي كل اللي سويته ان عطيت الصغيره بوسه ؟؟ :(
وكمان وحده من صديقاتي كلما كلمتني سألتني حملت او لاه
تزوجنا ان وهي مابينا الا فرق شهر
وماشاءالله انجبت على طول .. اللي قاهرني انا قلت لها مره اذا ربي كتبه انتي اول من بيعرف ان شاءالله .. مع هذا الى الان تسأل طيب ليش ؟ مو انا قلت لها باقول لك ؟ ضروري يعني كلما كلمتني تنكد علي .. والله ماقمت ارد عليها دوم اذا كلمت ..
والله العظيم انكم اول ناس احكي لهم عن هالسالفه ومابي احكيها لغيركم ..
المهم ارجع لسالفة الحبوب والله كل ليله اكلهم وانا دموعي بعيوني .. طيب على الاقل نفسي هالمستشفى يراعون نفسيتي مو يغصبوني عليها :(
ولما افكر اتركها اخاف اتندم واكون عايشه صراع نفسي مايعلم فيه الا ربي ..
من ناحيه شوقي لاني اسمع كلمه ماما ..
مادري وش اقول .. نفسي اسمعها والله قلبي بيطلع بس اضم البيبي حقي
وصلت لمرحله لما اروح للاسواق اصير بس اطالع بهالصغار واذكر ربي ..
نقيت السرير حق البيبي حقي وهو لسى ماحملت فيه ..
نقيت العابه وملابسه والله .. :(
نقيت اسمه .. وقصه شعره
احاول اسلي نفسي دوم بس فيه ناحيه ثانيه هي اللي مدمره نفسيتي بزود
تخرجت لي سنتين .. وكل مره اقدم وماحصلت وظيفه هالمشكله اكيد عامه بس الفراغ قاتل بعد
ععشان كذا اجتمع علي فراغ من كل جهه .. :icon33:
ولو ماستاهلا لوظيفه ماهمني بس والله نسبتي ماشاءالله حلووة بس الواسطه ماخلت للي ماعندهم واسطه شي .. لكن انا واسطتي رب العالمين ..
والحمد لله على كل حال ..
صحيح لما اقرا مشاكل بعض البنات تهون علي مشكلتي .. وكلنا ننتظر الفرج من رب العالمين
والفرج قريب ان شاءالله ..
والله يابنات اتمنى يجي يوم نبشر فيه بعض اننا حملنا وان شاءالله بيجي هذاك اليوم قريب ..
وبنرجع نقرا كلامنا هنا ويكون ماضي .. ان شاءالله يارب
احاول اتفائل وادري ربي ماراح يخيبني ابد ان شاءالله ..
والله ماكتبت يابنات كلامي من باب الاعتراض على القضاء والقدر ..
بس دوم الانسان يحب يفضفض واحس وربي الان قبل ارسل الرد ان نفسيتي احسن شوي ..
جزا الله خير كل من سمعت لي وكل من راح تدعي لي بالشفا والذرية الصالحه والرزق الحلال ..


اللهم ياحي ياقيوم .. اسألك بكل اسم هو لك سميت به نفسك أو انزلته في كتابك أو علمته أحد من خلقك أو استأثرت به في علم الغيب عندك ان ترزقني أنا وكل بنات عالم حواء .. وأختي وبنت خالتي .. وكل من تتمنى تسمع كلمه ماما بالذرية الصالحه اللي تنصر دينك وتعلي كلمتك ..
اللهم اني اسألك بانك أنتلله الواحد الاحد الفرد الصمد الذي لم يلد ولم يولد افرج همي وهم اخواتي بعالم حواء وارزقنا الذريه الصالحه المعافاه .. ذكورا واناث .. ولك المشتكى وعليك الاتكال ..

اللهم امين