شوفي انا سويت والوضع تمام بس انا مو كل الوجه ليزر لانه الشعر الداكن(الشنب)مثلاليزر والوبر شالته بالضوء وكل ماكان الشعر ثقيل كل ماكانت النتيجه اوكي بس اهم شي لون البشره لانه مايفيد في السمر مرة اي استفسار لنا جاهزة

و الله في مجموعة بنات يمدحونه
بس حاسبي تسووين بالمنطقة الحساسة وايد طر في وحدة سوت و صار فيها انشطار بالرحم

خليك على الوجه وباقي الجسم بس

هلا حبيبتي ..

انا سويت ليزر لجسمي الذراعين والساقين ..

والنتيجه نص نص .. يعني خف الشعر بس مو ذاك الزود للعلم انا مسويه 4 او 5 جلسات

اما بخصوص الوجه ..

ا خواتي مسويين وجيهم والله ثم والله ثم والله

انهم مايمدحونه كلش ..

ويقولون توهقنا فيه

يقولون ان الشعر قام يزيد ويطلع في اماكن ماكان اصلا موجود فيها من قبل الليزر

والحين هم مضطرين انهم كل كم شهر يسون ليزر علشان يشيلون الشعر اللي طالع

الظاهر ياعزيزتي ..

ان الليزر ينفع حق المناطق اللي فيها شعر سميك وكثيف والنتيجه تكون مرضيه وحلوه

اما الاماكن اللي مافيها شعر او الشعر فيها خفيف ..

المفروض انج ماتسوينها ليزر علشان الشعر مايصير كثيف فيها

(( اختي ماكان فيها لحيه والحين يطلع لها شعر طويل متفرق ))

هذا اللي قالته لي حرفيها ..والله اعلم

شوفي نصيحة لوجه الله اذا شعر وجهك وبري وخفيف ومهوب غامس لا تلمسينه بالليزر ولا بتزيدين الطين بلة.. بس اذا كان غامق والشعرة تصير قاسية هذا بيكون الليزر فعال جدا جدا معك..