بنت الغالي يوسف والله صدج إنهم حراميه مثل متقولين بس تعرفين أنا عرف وحده من ربيعاتي سوت في دبي وتقريبا بنفس سعرج أحس أصلاً بوظبي واااااايد غاليه وفرق واضح بالأسعار عن باقي الإمارات على كل حال مشكوره يا الغاليه على اهتمامج ...


babygirlSW والله زين إنج خبرتيني بخصوص الشعر اللي ما سووه لأني وااااااااايد الصراحه انقهرت منهم بس أخاف الموضوع هني في بوظبي مايمشي مثلكم في السويد أقصد ما يرضون يسوونلي مجاناً على كل حال بخابرهم وبتشوف بس إنت إختي متأكده إن الشعر 100% بيتساقط لأنهم قالولي لإنه بس 70% والباقي بيكون وبر ما ينشاف وعلى فكره وحده من ربيعاتي سوت ريولها بس جلستين وتخيلوا ماشي شعر في ريولها الحين مرررررررررررره وبعد منطقة الآرم بت يا ريت إختي تقولينلي إنتي متأكده من سالفة الـ retouch يعني يسوونها في كل مكان والا لأ وبعد إختي بنت الغالي يوسف سويت الـ ريتتش وإلا لأ يا ليت لا تتأخرون علي في الرد لأنه باجر بتمم الثلاث أسابيع حتى أسير عندهم ....

أوه صحيح سامحوني على التأخير في الرد بس أنا استعمل النت اللي في الدوام وما شغله في البيت يالله سلالالالالالالالالالالالالالالالالام...

بناااااااااااااااااات منو سوت عند تقدس الدكتور دبي

خواتي 3 سون لمدة سنه وافتكن .....وانا احييييييييييج من 4 سنين سباثيرا وسوفت لايت

كله كوووووم ومنطقة البكيني كووووووووم ياأخت دلع ولع!!!!!!
ياأخوات والله حراااام تنكشف العورات على شئ كمالي ماهو ضروري!!! الموضوع يبغاله تحرز شوي وإستفتاء في الحكم الشرعي لهذا الفعل!! والأخوات إللي يتعللوا بأن هذا الفعل من أجل الزوج اقول لهم لاااطاعة لمخلوق في معصية الخالق! وكشف العورة لسبب كمالي مو ضروري أنا أشوف به حرج شرعي والله أعلم فمن الأفضل السؤال عن الحكم الشرعي!
ياناس الأيادي والأرجل والآباط مايخالف لكن منطقة البكيني! :D

سلام

آنا سويت رجلي ويدي الثنتين بس جلستين وبصراحه من الجلسه الثانيه الى اليوم صار لي 8 شهور والشعر في مناطق ما طلع ليلحين وفي كميات خفيفه جداوناعم

أما بالنسبه للوجه كان عندي شعر اسود وخشن في منطقة اللحيه لأني كنت اشيله بالملقط بعدين رحت شلته لمدة سنتين وعلى عدة جلسات يعني ما بين 3 شهور وافتكيت منه ، اما الحين احف حفاف عادي للوجه بس ان شاء الله هالمره برجع اسوي وجهي.

أما بالنسبة للأبط سويته مره وحده وصار يطلع لي خفيف وطول المدة على ما يطلع شهرين تقريبا.

تحياتي

السلام عليكم أخواتي ..

مع احترامي للأخت اللي كتبت الموضوع .. نحنا آسفين إنا ابتعدنا عن الموضوع الأصلي و كتبنا عن الليزر في دولة الإمارات ..

بس إن شاء الله الفايدة تعم الجميع ..

أخواتي أنا بكتب عن تجربتي كامله ..

أول ما سويت الليزر في لايسبري بيوتي في دبي في جميرا .. مقابل صالون مورا..
ابتديت في شعر ويهي .. و أنا لأني سمرا شوي ما نصحوني إني ما أسويه .. قالولي بيخف الشعر وايد .. و أساسا شعر ويهي كان خفيف ..
بس يا جماعه نصيحتي لكل الأخوات لا تسوون ليزر في صالونات التجميل و بدون استشارة طبيه .. لأنه ما نفعني و اكتشفت هالشي بعد فوات الأوان.. و لأنه كل همهم الفلوس و بس..

ثاني مكان سويت فيه هوه كوزمسيرج في دبي .. و كانت جلساتهم رخيصه يعني الويه كامل كان ب 450 .. و بعد ما استفدت شي ..

المكان الثالث اللي هوه الدكتوره نابغة حمدان في الشارجه .. كنت أتعالج عندها عن الحبوب من سنة 2001 .. و كنت دايما أحاول أقنعها إنها إتييب الليزر في العيادة .. و أخيرا يابت .. و قلت الحمد لله ..

و شرحت إلها مشوار الليزر ... و لأنه الدكتوره ثقه و كلمة بسم الله دايما على إلسانها قالت لي بالحرف الواحد لو كنت أدري إنج بتسوين ليزر في ويهج ما كنت بخليج .. لأنه كان خفيف و زاد..

لهذا نصيحتي للبنات اللي سمارتهم متوسطه لا يسوون في الويه .. لأنه ما فيه فايده و بس ينفع البيض.. و ينفع بعد الشعر الغليظ مب الخفيف ..

طلبت من الدكتورة نابغة حمدان إني أسوي منطقة الباط .. و جربته وكانت النتيجه أكثر من ممتازه و الحمد لله و هذا الشي خلاني أتشجع و أسوي ريلي ..
أنا لأنه لون جسمي وايد أفتح عن لون ويهي ..

عن التصبغ .. و للصراحة التامة .. يوم كنت أسوي حلاوة كانت المنطقة سمرا .. و يوم سويت ليزر ابيضت .. أمانه جدام الله .. هذا اللي صار ويايه ..

عن كلام الدكتوره فيه عوامل وايد تسبب تصبغ هذي المنطقة .. الديودرانت .. الحلاوة و ممكن حتى نوعية الملابس ..
و الوحيد اللي يحدد شو السبب طبعا هو الدكتور أو الدكتوره ..

أخواتي العزيزات الإماراتيات (بنات زايد) .. و أختي دلع وولع

في دولة الإمارات ما فيه شي إسمه retouch طبعا نحنا نختلف عن باقي الدول ..
بس فيه شي إسمه جلسات .. و كل جلسه سعرها مثل الأولى إلا إذا كانوا مسوين عرض أو أي شي من هالكلام.. و هذا من تجربتي الشخصية في ثلاث أماكن .. يعني بين الجلسه و الثانيه من 4 إلى 6 أسابيع ..

و يا بنات أكرر .. سيروا عند دكتوره ثقه .. مب همها الفلوس .. أنا عن نفسي مرتاحه وايد من الدكتوره نابغة حمدان اللي أبدا ما تفكر في المادة .. و أنا أصلا اللي ابتديت و طلبت منها إنها تسويلي باطي و ريلي..

أنا آسفه إني طولت بس حبيت أفيدكم من خلال تجربتي الشخصيه .. و أي شي أنا حاضره