الليزر للمناطق الحساسة * للفائدة

السلام عليكم ورحمة الله وبركاته


ابي المشرفات ب كلمة راس :kissa: >> تكفون لااا تحذفونه " منشان الله " ع قولة اخواننا السوريين :a_smil08:
ولاتقولون مو مكانه تكفون >> علشاااني علشااني هههههههههههههههههه:icon30:



الليزر :أحد أهم الأساسيات عندنآا اليوم
اللي تنخطب أول ماتفكر فيه ؛ المنطقه الحساسه وش الحل وش الدبره معاها
المتزوجة اللي تعبت منها أول حل هو الليزر !!
صرناآ نشوف الموضوع هييين وبسيط وهو الحل والمنقذ لنا عشان تكتمل أنوثتنا
ونحس ب النظافة بلا شعر بلا قرف


بدون مانفكر ف العمل اللي نسويه وش حكمه؟!
ماآ جيت ألومكم والله ولا انصحكم يمكن انا اشد للنصح منكم ،بس جيت اذكر
وذكر فإن الذكرى تنفع المؤمنين >> اسأل الله ان نكون منهم

وادري ان فيه منكم الحريصه اللي تسويه ذااتي ولاتسمح لاحد بالكشف عليهاا
وفيه اللي ماتعرف الحكم وإن شاءالله هالموضوع يفيدهاا
كلناا ودنا نسويه ونرتاااح ،لكن الغاية ماتبرر الوسيلة
لأن الحكم فيه واضح كوضوح الشمس

ب تقولين كللل البنات صاروا يسوونه وكل العيادات صار عندهم وبعضهم يمنع الذاتي
ب حجة ان البعض ممكن تأذي نفسها
بس انا اقولك مو من كلامي كلام ربي " فاستقم كما امرت ومن تاب معك ولا تطغوا انه بما تعملون بصير "
ماقال لنا نستقيم اذا استقام اللي حولنا ولا قالنا نستقيم كما رغبنا

لاا هو امرر بالاستقااامه لكل شخص واقرأو بعدها ولا تطغوا
عارفين وش هو الطغيان .. بنات كل اللي حنا فيه نعمه لاتطغين فيها وتعصين ربك بها
وشوفوا بعدد ختام الآية انه بماتعملون بصير !!

تأملوهاا

من باب الغيرة على ديني ودينك من باااب الامر بالمعروف والتنااصح فيما بيننا اللي كلنا نعرف انه
واجب على كل فرد منا لكن للأسف اهملناه !! من أجل التخلق ب خلق الإسلام وهو الحيااااء
كفاية تساهل اكشف عورة مغلظه عشان اشيل الشعر !!
خلي شعارك "وعجلت إليك ربي لترضى "

النظافة حث عليها ديننا ومن سنن الفطره الخمس "حلق شعر العانه"
بس ماأباح لنا الكشف ولو ب تقولين جزء بسيط ووو

وديننا يسر ،، ماقفل علينا باب الا وفتح ابواب اخرى كثثثر
عندك بدائل كثير ادري ب تقولون صعبه
بس تذكروا قوله تعالى " ومن يتق الله يجعل له مخرجا* ويرزقه من حيث لايحتسب "
مابالك بأمر بسيطط اتقي ربنا والتمس رضاه فيه م بييسره لي ؟.
سبحانه

اش يسوى علينا نرتكب اثم بس عشان شي كذا
وان كان ولابد منه لااااتسمحين لا لممرضه ولادكتوره تكشف عليك
يشهد الله اني احس بالغيره إذا قرأت عن هالموضوع والبعض الله يهدينا جميع تجلس تشرح الطريقة وكأن امرا لم يكن


همسه اخيره ::
اذا تسوينه بس عشان ترضين زوجك فرضا الله اولى وكلكن عارفات :kissa:

والله والله والله لن يرضى عليك احد من الخلق مهما فعلت إن التمست رضاه على رضا الخالق
إذا رضي الله عنك ارضى عنك جميع خلقه ويسر لك الخير والتوفيق اينما ذهبت



& كل مره اقرأ عنه ارجع ابحث عن الحكم مالقيت احد اجازه وانتن بعد ابحثوا ف قوقق
وخذوا الفتوى من شيخ ثقة وب تعرفون الحكم

الله يجزانا واياكم الجنه ويرضى عناا ويرزقنا شكر نعمه واستعمالها بطاعته


واللي تخالفني الرأي عااادي تكتب :02:
بس تكفون جبهتي ابيهاا رفقا بها :07:هههههههههههه