بالنسبة لغسان فرعون
عند دكتورة نيفين كات
جربت عندهم الإبط والساقين واليدين
والصراحة شغلها ما شاء الله حلو وأسعارها مرة ممتازة
والوجه لسه ما بدأت فيه بصراحة لأن الشعرة فيه ماهي تقيلة
والليزر مفعوله يطول مع الشعرة الخفيفة والسودا
والليزر ما ينفع غير للشعرة السودا فقط
والشعرة اللي ماهي سودا او خفيفة فالأفضل لها الجهاز الضوئي
وطريقة الحجز تتصلي على مستشفى غسان فرعون
وتطلبي منهم موعد ليزر بس طبعا لو فيه وجه تحددي
وللعلم مايعملوا غير ساعة وحدة موعد ليزر أكتر من كدا لا
والضوئي أنا جربته في بطني وضهري الصراحة نتيجته بالنسبة للشعرة أخف
يعني بعد جلستين ضوئي تحسي الشعرة زي بعد جلسة بالليزر
لكن الضوئي ألمه أخف جدا وينفع لدي المناطق اللي فيها وبر
يعني زي الضهر والبطن مافيها شعر كله خفيف مرة أو وبر ولونه مايكون مرة أسود
والضوئي بيعمل تصفية للون ويقفل مسامات بإذن الله وزي ماقلت ألمه جدا أخف
بس انتبهي لو تبغي تعملي ضوئي لازم الدكتورة ما تشغليها
لأنه لازم التبريد يعني الجلد يكون مبرد
لو ماكان مبرد الجهاز الضوئي بيترك أثر
وبالنسبة للضوئي فهو ممتاز للبقع كمان مو بس للشعر وزي ما قلتلك بيوحد لون
بس طبعا الضوئي أغلى بكتير
وأنا أعمل ليزر عند غسان فرعون بجدة
وضوئي عند مستشفى حراء بمكة
وأي حاجة تحتاجيها أنا في الخدمة إن شاء الله
وأتمنى أكون قدرت أفيدك وأخدمك :) :) :)
انتي دخلتي عند طبيب ولا طبيبه ...؟؟؟ وش اسمه او اسمها ....؟؟؟
وش سويتي بالضبط ,, يعني الوجه ولا الاباط ولا السيقان ..... ؟؟؟؟
بكم كانت الجلسه ..؟؟
كم جلسه سويتي ...؟؟ و ليش ....؟؟؟
و كيف طريقة الحجز ..؟؟؟
وش تنصحيننا ....؟؟؟
و جربتي الضوء ولا لاء ...؟؟؟
معليش كثرت عليك ..
الله يجزاك خير .. في انتظارك على احر من الجمر ....
..
..