مشكورة اختي JOJOOO على الافادة , حلو اني شفت وحده مجربة لان عندي كم سؤال
هل سويت الذراعين والسيقان عندهم,كم كلفك,وهل النتيجة تغنيك عن استعمال الحلاوة(نحط مركز الزلال في الخيارات)
شكرا لك اختي famous girlعلى هالمعلومات بس على اي اساس رحتي للشبلان ؟هل شفتي احد جربه ومدحه ؟

شوفي.. انا كنت مسوية ليزر للرجلين واليدين والابطين بمركز مايز بس انه مرة غالي غالي غالي..

الجلسة الثانية مدحولي الزلال.. رحت ولما شافتني الدكتورة حددت الاسعار

يعني يحددون السعر على حسب كثافة الشعر عندك

سويت اليدين إلى الاكواع بس بـ 500 ريال

الابطين بـ 300 ريال

الرجلين كاملة بـ 1500ريال

وطبعا ممنوع ممنوع ممنوع تستخدمين حلاوة أو شمع أو نتف بعد الليزر ، لأن هالأشياء تنشط الشعر وتخليه يرجع ينمو بغزارة.. يعني بتعتمدين على الموس أو ماكينة الحلاقة

لكن طبعا بيفرق الشعر معاك كثيرررررررر.. الشعرة بتخف والمسام بتصغر

وبعد الجلسة الثالثة..( اذا جسمك من النوع اللي يستجيب لليزر ) بيصير الشعر مرة خفيف


بس عيب الزلال: انهم مايقولون لك تعالي بعد اسبوع رتوش
رتوش= جلسة اعادة مجانية للـتأكيد..

بس انتي ماعليك.. اشرطي على الدكتورة ( دكتورة مصرية ماشية بالبركة )

وأهمية الرتوش= اذا فيه شعرات ماضربها الليزر.. يمديهم يضربونها بجلسة الرتوش




وأي استفسار انا حاضرة

شكرا حبيبتيJOJOOO.....
وش اسم الدكتورة في الزلال,اسعارهم مغرية.انتي ما سويت الا جلسة وحدة عندهم ,هل شفت شغلهم على احد واعجبك؟وكم حددت لك الدكتورة من جلسة؟

انا سويت عند الشبلان وكان شغلهم حلوو الشعر طلع خفيف والدكتوره ايمان رجعت الحين واسعارهم الجديده الحين السيقان 900 واليدين 1400 والوجه 800
وسويت قبل عند عبدالعظيم البسام الوجه مره ممتاز لانه هو الي سوا لي والجلسه الاولى 1500 والثانيه 1200 وتراه طماع ومزاجي كل يوم له سعر وسويت عنده بس مع الممرضه طبعا السيقان واليدين فاشله مرررررررررررررررررررررررره حتى الشعر ماشالته قبل بالموس وكانت اول تجربه لي ومادري انه ماينشال وكان اليدين مع الساقين تقريبا 3600

مشكورة اختي طخومة.....يعني الحين كذا وحدة يمدحون الدكتورة اللي في الشبلان.واسعارهم معقولة.......والعكس عند البسام ,الاسعار غالية وايضا وهو الاهم انه رجل ومستحيل اسوي ليزر عند رجل <<الله لا يحدنا.
بس انتي قلتي طلع شعر خفيف.هل هو خفيف لدجة انك ما تحتاجين تشيلينه؟
مشكورة سلفا اخت طخومة