هلا لمعه ,,

انا مثلك احترت وين اسويها
بس لي اللحين سنتين مسويتها ,, في العيادات التخصصيه للحرس الوطني وفيه عندهك اكثر من طبيب وكلهم ممتازين

فيه الدكتور خالد الجبير ويعتبر من اوائل الاستشاريين اللي سوو عمليات التشطيب بالمملكه ,, بس انا لقيت حجزه ملياااااااااااان

ورحت للطبيب الثاني اللي هو استشاري طارق الدباسي وبصراحه طبيب متمكن وفاهم وواعي وتعامله قمه بالذوق ... ترتاحين له

وانا مدحوه لي كثير كثير ,, وانتي عارفه اطباء الحرس دايم يكونون نخبه الاطباء



كلفتني العمليه 10000 الاف شامله كل المواعيد ( سنه كامله مواعيد) والعمليه والادويه


وتخيلي الدكتور طارق كان فاهم شغله ,, سنه كامله قبل العمليه بس يتابع جفاف عيوني ,,و يقول لي انا اقدر اسوي لك العمليه من بكرا لك بعدين انتي االلي بتتعبين ,,, عشان كذا سنه كامله يرجعني لحد ماقال اللحين خلاص عيونك تمام


والله اني دايم دايم ادعي له ان الله ينور بصيرته ويسهل امره

العمليه لحالها عندهم ب 5500 وعمليتي انا ب 7000 (( كان عندي مشكله بعيني عشان كذا سووها لي بجهاز ثاني تكلفته اعلى ))


واولا واخيرا استخيري انتي وربي يهديك للاحسن


اذا تبين استفسار او رقم المركز ارسلي لي عالخاص ,,, للعلم المركز في ام الحمام ,,

رجعت اقولك


وليد الطويرقي يمدحونه مره


وايضا



العمر .... بس مدري وش اسمه

مراحب

مامتي سوتها عند الحبيب زماان عند دكتور جبرتي

اظنه طلع بعيادة مستقلة بس وين ما أدري

,,,,

أختي سوتها في فقيه بجدة

بس الحين محتاجة تعيدها في عين واحدة

,,,

اما انا للأسف

حالتي ما تسمح للليزر ولا ليزك

لأن سماكة القرنية عندي أقل ما يمكن

مع ضعف شديييييد في النظر

عشان كذا دكتور الطويرقي في النخبة هو اللي كشف علي

قالي إنه لازم زراعة عدسات

هو يقول ان الموضوع جدا بسيط

والمضاعفات تكون ماء أزرق او ابيض على المدى البعيد

بس ما قالوا لي شي عن سالفة فتح القزحية زي ما قالوا البنات

,,,,,,

مع العلم إني سبق كشفت عند واحد خربوطة في القصيم اسمه نصر الدين ظافر

قالي اسوي لك الليزك بس ما رح تشوفين ستة على ستة

ابخليك تلبسين نظارة اخف من اللي الحين

ود. الطويرقي قالي إن الليزر عملية فاشلة بالنسبة لي

,,,,,

بس ترى عيادات النخبة زحححححححححححححححححححمة

جربي تختارين وقت ما يكون فيه ناس كثيرة

لأنه يضيع يومك كله للكشف

....




انا الحين ارسلت أوراقي لسلوى الهزاع

قالت لي إن حالتي مو سهلة

بس ما بعد ردت علي بالتفصيل لأنها قالت لي تبي تستشير ناس بعد

بس ناوية أسويها عند د . الجبير

لأنه أفضل دكتور في الرياض

في الاستشاريون ,, او في الحرس ,, هو نفسه بس ابي ايهم أقرب موعد

هو اللي يعالج اختي المتوهقة بعد فقيه

وقالها كلام كثيييييييييير مقنع

,,,,


ادعوا لي

لاني مرة خايفة

,,


الله ييسر لك يا قمر

,,

ممكن يا اعفى قلب ترسلين رقم المركز التخصصي في الحر س الوطني واكون شاكره لك

انا بعد ودي اسويها ومحتاره مره ياليت ترسلون لي رقم المركز التخصصي الي فيه د الجبير