الليزك لتصحيح النظر اضمن وارخص وارررررتحت تعالو ادخلو

صبااااح الخير اخواتي
هذا ثاني موضوع ليا هنا الموضوع الاول كان عن تقريري المفصل لعملية تصغير الصدر ورفعه، في مصر بعد ترهل شديييييد.
نظري كان ناقص درجتين ونص في عين والثانية درجتين ، ماكان فيه اي انحراف .
سويتها عند دكتور 4 من العيلة سووا عنده ، ومارحت سويت دغري بعد ماسووا لااااااا
باللي طوييييل الحمدلله ، انتظرت اشوف نتايج العملية بعد سنتين . وماكان فيه جفاف عندهم الحمدلله ولا مضاعفات.
و بصراحة معظم الي انا اعرفهم سووا ف جدة صار لهم جفاف وماشيين بالقطارة او انه جلسوا حق 4 ل 5 شهور بالقطارة فترة طويلة برضو .
ممكن انتو تعرفو ناس سوو كويس وصار معاهم تمام، لكن انا احكي الي شفته بعييييني وعشته لحظة بلحظة.
و استخرت ورحت لدكتور العيون _الي سوو 4 من العيلة عنده_الي بمصر وهو استاذ جامعة ماشاء الله .
رحت وكشف وقالي بكرة ،
ثاني يوم رحت المستشفى، دخلوني غرفة معقمة، ولبسوني gown زي روب العمليات الازرق، و قطروا لي ف عيني قطرة مخدر ، ماتحسي الا بثقل ف عيني كانك نعسانة مو اكثر وبعدها بعشرة دقايق او ربع ساعة نيموني على السرير والجهاز يجي فوق العين .

ترا نهائيا مافيها الم، بس انه لازم تركزي ف كلام الدكتور يقولي طالعي ف النقطة البرتقالي، وكدا عشرة دقايق وخلصتي.
تخرجي من عنده يكتب لك قطرتين وحدة مرطبة والثانية معقمة ، المرطبة قالي استمري عليها شهرين، والمعقمة قالي شهر.والبسي نظارة شمسية ولو ف الليل لانه شوارعهم ف مصر فيها تراب شوية. و النظارة اسبوعين الى 3 بس مو طول الوقت لا بس ف الخروج ف النهار وف الليل وقت التراب.
و راجعته 3 مرات خلال 3 اسابيع. بس اهم اهم شي او مراجعتين. ونسقوا معاه بطريقتهم ومدة اقامتكم المراجعة عنده.
جدا جدا محترم جدا جدا امين وعينه ملياااااااانة ماشاء الله
لعملية سويتها ب 5 الاف جنيه مصري يعني ب 2622 ريال تقريبا.
طبعا قارنوها بالاسعار المبالغ فيها هنا.
الدكتور اسمه طارق مأمون في منطقة اسمها روكسي بتلقوا ارقامه وكله عالنت.

عد العملية
اول يوم تحسي بمضايقة بسييييطة مرة مرة كانك ف اول لحظاتك للبس العدسات اللاصقة، شي جدا بسيط وثاني يوم يروح ويختفي.
النظر احسن بكثير وصراحة ارتحت من كرمشة عيوني كل شوية .
وارتحت من الالتزام بنظارة الي كل شوية تنكسر او اجلس عليها هههههه او تضيع
واهم شي حسيته ف البحث عن العناوين ف الشوارع اول ايش كنت لازم اوصل بالسيارة لتحت اللوحة ههههه عشان اقدر اقراها تكون اللفة مشيت وصارت ورانا وهكذا طول الليل نلفلف دحين الحمدلله من بدايتها تشوفي وتلقطي وتحددي اتجاهاتك.
و شكرا لكم
تمنياتي لكن بعيون صحية وجميلة ومرتاحة ،