كيفكم صبايا جميع.. حبايبي قبل أتكلم بموضوعي لي بخاطري أقول لكم شي.. تكفوووووووون ولوجه الله ماعاد تقولوا فلانه وفلانه زي كلامكم عن منال الشريف إحنا أيش علينا فيها ساقت ماساقت بكيفها واللي تقول أحسن تستاهل وووووووو كلام كثير مانبي نأخذ ذنبها ولا نبي نقول فيهم شي وأيش علينا من مشاكل غيرنا.. هي أو غيرها تكفوووون ريحونا من هالمواضيع اللي مامنها فايده نبي تجمعاتنا تكون على خير تكون شاهده لنا مو علينا أمام رب العباد في ذلك الموقف اسأل الله الثبات..
موضوعي اللي أبي أتكلم عنه.. أنا وأعوذ بالله من قول أنا توني دخلت البيت قبل شوي وكنت عند ناس من أقاربنا وكانت معانا وحده ماشاء الله تبارك الله أيش أقول والله ثم والله ماأوفيها حقها.. البنت هذي مثلي توها ملكتها قبل شهر بس أنا ثلاث شهور المهم قاعدين نتكلم عن الزواج وتجهيزاته فقاعده تقولنا إن زوجها طلبها تشتري عباية كتف فطلبته طلب إن العباية والفساتين أتمنى ماتحرجني فيها لأني ماأقدر أنزل عبايتي فلو نزلت نزل قدري وكلما رفعت عبايتي ع راسي ارتفع قدري عند ربي والناس والفساتين مستحيل ألبسها عريان لازم أستره وفعلا حتى يوم ملكتها كانت مستره اليدين وربي ماتتخيلوا كيف طلعت ملكة ماشاء الله.. وتقول قالت له أنت بألبس لك اللي تبي بس العباية للناس ومافي داعي أتكشخ للناس وكمان وهي تسولف ذكرت مكالماتها لزوجها فقالت إني ف الليل أسهر على القرآن والصلاة يعني مافيه عندها شي اسمه مكالمات آخر ليل وتضيع وقتها ماشاء الله.. والله الليلة أول مره أشوف يدينها لأنها دايم تلبس طويل وساتر والليلة كمان طويل بس شبكة ماشاء الله تبارك الله واليدين وقلت لها والله.. يابنات ماتتخيلوا هالإنسانه كيف ملتزمة وربي زوجها اللي أخذها من أقاربها بس كان زيه زي بعض الشباب الله يهديهم مكالمات وبنات استغفر الله ولما فكر قالوا له عن الزواج قال أبي فلانه ماأبي غيرها أعرف إنها أكبر مني بالعمر بس مو مره سنة ماأدري سنتين أدري إنها ملتزمة وتخاف ربها وعشان كذا أنا أبيها.. الكل إنصدم شلون هو شاب متفتح ويحب الدلع ويختارها وهو عارف إنها محافظة.. الحمد لله كلنا محافظات وملتزمات بس مو مثلها ماشاء الله تبارك الله عسى الله يثبتها ويقوينا ع الثبات ويصلح شأننا وشأن بنات المسلمين.. وربي من حبي لهالإنسانه قلت لازم أكتب عنها.. تكفووووووون لاتحرموني دعواتكم إن الله يشفي خطيبي من الحسد والعين ويرده لي ربي ردا جميلا وأفرح باليوم اللي أنتظره إن الله يجمع بيننا ع خير ومحبة.. البنت هذي أخذت مني شريط إستقبال الضيوف وبالصدفه كانت مسجلتها بالجوال وذكرتني وربي يالله مسكت نفسي عشان ماأبكي قدامهم احسها فتحت لي جرح آآآآآه ياااااارب ارحم حالنا وضعفنا وقلة حيلتنا وحسبنا الله ونعم الوكيل..
أم ريفانا @am_ryfana_1
محررة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️