بالنسبة لي طريقتنا غير

نشتري اللومي بكمية ونبدأ نكسرها وننقي البذور زين مازين

بعدها نطحن اللومي بمطحنة الهيل
ويصير ناعم
يعطيكي اللون ممتاز
والطعم حلو لأن مافيه بذور
وأيضاً اقتصادي جداً
يعني ماتحتاجين غير رشة منه ان كانت الكمية قليلة للرز
قد أربع أشخاص
أما ان كان كثير - لعشر أشخاص تقريباً - ملعقة تكفي
وترى المطحون هو اللي يجيبلك اللون عدل
ان حبيتي يصير اللون غامق كثري
وان حبيتي يصير فاتح قللي







أنا أترك اللومية بكاملها بالطبخ لصرت بسوي مندي

عشان بس ريحتها حلوة وتعطي نكهة بسيطة

اول كنت اشتري اليمون الاسود الي حجمه كبير وكان الحمد لله لاطعم ولا ريحه بس منفوخ على الفاضي
ومره رحت السوق وعند العطار لقيت ليمون اسود حجمه صغير وكان فيه شوي طعجات يعني معفط شوي
ومدحه لي قالي هذا احسن نوعيه ليمون وشتريت منه والله ما اكذب عليك ريحته مع الطبخ روعه
وطعمه مررررررررررررررررررره حلو بدون مرار
ويسمونه اليمون العماني

بنات انا اقول لكم ليش بعض اللومي حلو وبعضه مر

الطريقه الصحيحه لتجفيف اللومي
هي وضعه في الشمس الحاره حتى ينشف ويصير اسود وهذا ياخذ وقت



الطريقه اللى صار اكثر التجار يعتمدوها عشان الكمية والسرعه
هي حرق الليومي في افران

وهذا اللى يخليه طعم محروق ومر



هذا كلام الوالد الله يحفظه

انا اعاني من نفس المشكله ماني عارفة من فين اجيبه كويس ومافيه مرار

حبيبتـــــى نوعيتـه مو زينــــــه

يابنات اي افضل نوع ومن وين اشتريه انا بالرياض