اللي أبوها مطلق أمها فديتها تدخل ...

هلا حبيبتي الله يعوضك وأولادك خير يارب في الدنيا والآخره

أنا عشت مع والدتي وكانت مطلقه وعشت احسن عيشه الحمدلله

تعرفين ليش لأنه امي خلاص اللي كان مكدر خاطرها راح وانتهى

وصارت نفسيتها احسن وصارت تهتم فينا صبح وليل ماخلتنا نحتاج لحد عسى يطول عمرها

ويبارك فيها

بس اوصيك لا تنسين تحفظين عيالك القرآن وانتبهي على اولادك من النت

وخليه في الصاله والتلفون بعد والتلفزيون ولا تخلين فرصه لهم يستفردون بهالأجهزه في غرفهم

وعوديهم على انكم تاكلو وتشربو وتخرجو وتتفرجو التلفزيون مع بعض لأنه صعب تتحكمين فيهم

وهم كبار عشان كذا عوديهم من صغرهم على هالشي

أنا ماحسيت بفقد الأب ابدا بالعكس صرت اشوفه مثل اي رجل غريب وكبرنا ونفس الاحساس

الحين هو فخور فينا وفي تربية والدتنا ودايم يقول لي ليت الزمن يرجع لورا وارد امكم

لأنه طلقها بالثلاث وهو وهي كانو صغار وطايشين وماتزوجت بعده

لكن هذا قدرنا والحمدلله على كل حال

واتوقعي في سن المراهقه شوية تمرد من اولادك لأنهم بيقارنون نفسهم بالباقيين مثل ماصار معي

لكن قوي قلبك وقوليهم انا رضيت بهالعيشه عشانكم والا كان شفت حالي مثل ابوكم

وفهميهم كل شي بوضوح عشان يتفهمو الوضع

والله يفرجها يارب ويسهل الأمور ..

وبعد لو تزوجتي وارتحتي نفسيا بعد بتعطين مثل ماأنتي الآن تعطي وانتي لوحدك

اهم شي شوفي اللي يريحك زواج او من غيره

ونفسيتك هي اللي بتنعكس على اولادك

واللي يريحك هو اللي بيريح اولادك فاستخيري على كل امر ومابتشوفين الا كل خير بإذن الله ..

مسك الله يجعل حياتك كلها مسك ويختمها بالمسك ...

أسعدتيني الله يسعدك عندي إحساس إني باخوض غمار حياه صعبه ..

لكن كانت بتكون مع والدهم أصعب الله يسعدك حبيبتي أسعدتيني بمرورك ...

وعليكم السلام

حاقول لك النصايح الي عندي لان امي وابوي مطلقين وانا صغيره في الابتدائيه

محتاره من فين ابدا لكن حقول الي في خاطري وحده وحده

اول حاجه المشكله ماتتعلق في طلاق الابوين قد ماهي في المشاكل الي بانت من هذا الطلاق
انا مااتأثرت بالطلاق قد مااتأثرت بالمشاكل
وهذا كمان يعتمد على الابوين هم كانو قبل منسجمين وحصلت المشاكل او فجاة انتهت العلاقه للطلاق
يعني يختلف الحال لو كانو الابوين دايم متخاصمين ويتضاربون بعدين تطلقو او ان كانو
عايشين حياه حلوه بعدين صار مشاكل وتطلقو
الي في الوضع الاول هدولا اولادهم انتقلوا من وضع سئ لثاني سئ واكثر حاجه يبحثون عنها
الامان والسلام حتى ولو كان الثمن ان ابويهم يبعدوعن بعضهم
والتانين هما الوضع تغير عليهم ويحتاجو يفهمو الوضع الجديد

انا اقدر افيدك اكتر حاجه في الوضع الاول
مهما كان سبب طلاقك من ابو اولادك لازم تتبعو هذي النصايح
تكون علاقتك مع ابو اولادك مضبوطه و مصلحتهم تضعونها في الاول وفوق كل حاجه
مهما تطلب من امر لازم هذا الشي انت تضعينه في حسبانك وابوهم
اجلسي مع اولادك وخليهم يفهمو الي حصل بشكل بسيط وسهل قولي لهم يعني زي تقولي لهم
انك وابوهم اختلفتم وماتقدروتعيشو مع بعضكم لكن حبنا ليكم يضل زي ماهو واكتر وانت وابوهم
حتتعاونو لتقديم الافضل لهم
اكتر حاجه تاثرت فيها انو الطلاق بين ابوي وامي صار مفاجئ مع انو اصلا ماشفتهم يجلسومع بعض
طوال عمري بس وقت تطلقو ورحنا مع امي بيت تاني كان اصعب حاجه انو امي ماتفاهمت معاي

وانت وابوهم لازم تتفقو على كل حاجه وحاولو مايكون في مشاكل بينكم حتى لو كل واحد فيكم
يضطر يتنازل خلاص ابتعدوعن بعض بسلام هدا له تاثير عليكم واولادكم

سألتي مافكرتي تسألين مين السبب
انا مافكرت لان عارفه السبب واشوف خناقاتهم وعارفه مين الغلطان وليه

انا مالمت امي ولا ابوي
مالمتهم على الطلاق
اذا امي اعطتني حنانها وابوي الحياه تمشي وهذا القضاء والقدر
ابوين مطلقين لكن محبين ومهتمين في اولادهم احسن من اثنين مع بعض في خناقات
..................................

شوفي حبيبتي الحين كبرت لكن سؤالك صعب الجواب عليه
عندي كلام كتييير لكن سؤالك اول مره اواجهه وانا اكتب الكلام الي فوق اضطريت
ارجع لذكريات قديمه وكل الكلام انحشر في صدري

لكن الخص لك اهم الحاجات
اولا علاقتك مع ابو اولادك لازم مضبوطه
اولادك تتفاهمي معاهم وتعطيهم حنانك ولايتحرمون منك ولا ابوهم وضعهم متفقين عليه انت وابوهم
اعطيهم الحب والحنان والامان والحوار
الم الطلاق يتنسى ادا كانو مرتاحين في حياتهم الجايه خلاص يتنسى
في مشكلتي ماتاثرت بالطلاق قد ما اتاثرت في سلوك امي وابوي والمشاكل بعد الطلاق
الله يعوضني الزوج الحنون

واذا اولادك حياتهم مستقره يتعودو ويعيشو عادي

حبيبتي تفانين الله يرزقك الزوج اللي يسعدك يا عمري ...

للأسف كانت حياتي مع أبو عيالي عشر سنوات تفاهم وحب حتى عيالي يغارون منه ومني إذا صرنا مع بعض يحاولوا يصرفوا نظرة عني ونظري عنه ياعمري عليهم <<< صراحه كنت مهتمه فيه أكثر من نفسي ومن عيالي <<< كان هو كل حياتي ..
لكن الثالث السنين الأخيرة صار في حياتنا إعصار كاترينا وريتنا ... يالله كان من أكبر الخساير الطلاق ..
أنا بالنسبه لي الوضع أنتهى المهم سيل المشاكل راح .. المصيبه فيه يبغى يكسرني بأي وسيله حتى لو على حساب عياله أنا حاسه إنه ندمان وحااااااااااااط اللوم علي بس مو ذنبي ويييييييييين عقله هذا شي وشي ثاني خلاااااااااااااااااااااااااااص إنتهى كل شي جا دور التفكير باللي إنظلموا ومالهم ذنب ...
المشكله إنهم متعلقين فيه ويبونه وهو الله يهديه يتملص منهم يعني صايرين عادي عنده ...
شقيقي اللي شافه بعد الطلاق يقول عنده تبلد عجيييييييييييييب ...
الله يجزاك خير حبيبتي على مرورك أسعدتيني الله يسعدك ..