فلسطين الجريحة :

السلام عليكم ورحمة الله وبركاته ممكن اشارك معكن ؟؟؟؟ بدي استفسر بالهشغلة هي محتارة كتير وخايفة انا عندي بنت وحدة كمان شهرين بتصير 4 سنين ان شاء الله.... وكنت مركبة لولب وشلته من 9شهور... وزمان كنت اعاني من لخبطة الدورة والتكيس وهرمون الحليب جربت كل العلاجات وعملت تخريم للمبيض وانتظمت الدورة من يومها بس جربت كل المنشطات والعلاجات وعملت حقن مجهري عالفاضي كله فشل وبالاخير قررت اتملس واتعالج بالاعشاب انا وزوجي والحمد لله بعد العلاج اجت الدورة مرة وحدة بس وضليت حامل وجبت بنتي هي وبعد الاربعين حملت دغري طبيعي وجبت ولد بس كان مريض وتوفى وهو صغير لهيك تعبت نفسيتي كتير وقررت اريح شوي وخصوصا لانه ولدت قيصريتين ورا بعض والدكتور نصحني اباعد بالحمل سنتين عالاقل وفعلا حطيت لولب والدورة كانت منتظمو ومن يوم ما شلته الصيف الماضي يعني من 9 شهور والدورة بتاخر 4 ايام ورحت للدكتور اطمن وقلي دورتك تعتبر منتظمة يعني بتيجيكي كل 34 يوم واعطاني اوفاكلومين 10 حبات من 5 يوم للدورة وفوليك اسيد و3 تحاميل مهبيلة لحتى تنظف الرحم ويساعد على الحمل والكلوكوفاج انا سالته عنه وقلتله وزني زايد قلي اشربي حبتين باليوم لانه بيساعد على تنشيط المبايض.........واخدت العلاج واخر دورة كانت ب 9/3 وبتاريخ 12/4 لازم تنزل الدورة ما نزلت حللت بالبيت طلع خط غامق وطلع فاتح وطبعا انبسطتت انا وزجي كتير قلت ان شاء الله في حمل وقلت لازم اتاكد مبارح 14/4 رحت عالمخبر وحللت دم بس انصدمت يلي حللي بالمخبر قلي احتمال حمل مو مبين ؟؟؟؟؟؟؟؟؟؟؟ ومكتوب عالورقة نيغاتف 24 وبسسسسس هيك مكتوب...هلأ بدي اسالكن اعتبر حامل او لا؟؟؟؟؟؟؟؟؟؟؟؟ بس انا حاسة حالي حامل لانه مجربة الحمل مرتين وبعرف بس اوقات يمكن انا عم اتوهم وصار حمل كيميائي وخصوصا كنت عم استنى الدورة لاحسبلا لحتى اروح عالعمرة وما تيجيني هنيك وان شاء الله يكون الي نصيب اعمل عمرة ....ياااااااااااااارب خايفة اروح للدكتور وانصدم كمان مرة وما يبين شي ؟؟؟؟؟؟؟ شو رايكن اخد الدفاستون يعني اما بتنزل الدورة او بثبت الحمل الله اعلم اذا كان فيه اولا؟؟؟؟؟؟؟ اسفة طولت عليكن كتير بس ما الي غير الله و غيركن اساله وانا محتارة كتيييييييير وراضية بيلي الله كاتبه اذا حمل او لا بقول الحمد لله على كل حال .لا اطنشوني بنات من مبارح ما فارقت عالم حواء ليل نهار فاتحة على ركن تاخر الحمل وركن الحمل والولادةواصلا يوميا متابعة بالمنتدى هاد والله يرزقنا واياكن الذرية الصالحة السليمة المعافاة ويفرح قلوبكم جميعااااااا يارب

السلام عليكم ورحمة الله وبركاته ممكن اشارك معكن ؟؟؟؟ بدي استفسر بالهشغلة هي محتارة كتير وخايفة ...

انا حزن الشمس :

سبحان الله احس انك حامل يابنت فلسطين لانه بين حمل بالتحليل المنزلي ولو خط خفيف بالرغم انك مومستخدمه منشط اسال الله العظيم ان يفرح قلبك وقلب الحميع يارب

سبحان الله احس انك حامل يابنت فلسطين لانه بين حمل بالتحليل المنزلي ولو خط خفيف بالرغم انك...

الجديد الرائع :

تنا الدوره كانت 9 -3 - 2009 بس للحين ماجت واخذت كلويد هذا الشهر والى فات ويارب مااشوفها

تنا الدوره كانت 9 -3 - 2009 بس للحين ماجت واخذت كلويد هذا الشهر والى فات ويارب مااشوفها