لمياء
انا لمن زعلت عليه كنت فعلاً عايفته من قلـــــــب لان جد مصخت وكثرت خياناته وسفراته
لمتى يعني بصبر واتحمل؟!!
ورفعت عليه قضيه ماقولك ماهددني بالطلاق هدد
لكني قلتله ..باسلوب هادي .. انا وانت مانناسب بعض وياليت تطلقني لان كثير يتمنوني
وانا بعيش حياتي مع واحد يستاهلني وبشترط عليه مافي سفرات ووو

بالبدايه يهدد ويكابر بعدين صار يقول لو تموتين ماطلقتك تموتين وانتي زوجتي ماحد غيري ياخذك عناد بخليك معلقه
لاني قهرته قلت باخذ غيرك
بعدين ..قام يترجاني ويقولي مستعد اتعدل عشانك وقلتله مافي فايده انت ناقصك كذا وكذا وكذا
وكنت مررره مابيه وقفلت جوالي وقالو انه صار يصلي بانتظام ومتغير
وبعده فتره خذ رقمي وقالي انه عيونه دمعت لاول مره عشاني وانه صار يدعي ربه يرجعني
وانه ندم عشان كلام اخوياه واللي خربو بيته

ويقول عرفت اللي يبي مصلحتي ومن اللي يبي خراب بيتي
منهم اللي حدوه الزواج والطلاق والسفر من اهله وربعه
ووقف بوجههم بس وقتها ماكنت ابيه عاايفته ورفعت عليه خلع
ومارضى يحضرها .. واهلي اجبروني اتنازل عن الخلع مقابل انهم يرضون اعيش مهم
وسبحان الله فجأه كذا لان قلبي ورجعت له بشروطي والحمدلله كثير احسن من قبل
وماندمت ابد ولو كان طلقني لحظتها ماكنت ندمت
لاني انا نظيفه وطاهره واصغر منه ب10 سنين ومن حقي اني اخذ واحد طاهر مثلي
او اني اجلس مطلقه ولا اعيش معاه ومع امراضه

والله يا حبايبي انا وحده من الناس مااقدر امنع زوجي لو بغا يسافروالمراه الي تحكم الرجال بتطيح علي راسها لو كان يعشقها عشق قيس ليلى

مافي طريقه معينه تمنعه من السفر لكن الهدايه من رب العالمين

صدقوني مااااااافيه شئ مثل صلاة الليل والدعـــــــــــــــــــــــــــــــــــــــــاء والصدقه بنية ان الله يصرفه عن السفر والحرام.....والاستغفااااار
سهام اليل لاتخطئ ولكن لها امد وللامد انقضاء
دااااااااااااااااااوموا على الصلاة والدعاء وبإذن المولى سبحانه بيصرفهم ربي

استغرب من الي تمنع زوجها وتروح لأهلها وهوشه وصراخ والبعض تطلب الطلاق

اذا كان زوجك يحبك ومو مقصر معك ومدلعك وقايم بواجباته ليش اذا بيسافر أسبوع امنعه

انا بعد أغير جو وانبسط مع أولادي

اذا سافر خلاص تتوقف الدنيا !!

اذا ما خاف من الله بيخاف مني طبعا أتكلم عن الي زوجها ما يخونها ويروح عشان الحرام

الحمد لله زوجي إنسان يخاف الله وانا اثق فيه وأصحابه أهل خير