اللي أسويه صح ولا غلط ؟؟

صباح الخير حلوات .. مشكلة صغيرونة قد أصبعي بس ☝ .. وم يخالف يكون للنقاش بعد ووش الافضل ؟


أنا الحمدلله قبل زواجي م قد حطيت ميكب ثقيل ابد يعني ي دوب مسكره وروج وبالمناسبات الكبيره شي خفيف يعني أحب أكون ع طبيعتي ..
بعد ماتزوجت والله يوميا أحط الميكب لأني أطلع أجمل وأحلى أفضل يعني من بشرتي والحبوب والهالات .. بعدين صار عندي زي الوسواس مستحييييل أطلع لزوجي بدون مكيب تخيلوا ؟ وياليته خفيف لا فونديشن وبودره وبلاشر وايلاينر ورسم حواجب يعني مستوعبين ان هذا يوميا اسويه !! وكل م ادش الحمام *كرمتوا* واغسل وجهي لازم الشنطه تكون معي وأحط ..
حتى عند أهله حريييييصه دايم أطلع عندهم فل ميكب .. والله يابنات مو مقتنعة أبدا بهذا الشي بس غصب علي شكلي بدون الميكب م أتقبله أبد .. وخصوصا أخواته وسلفاتي ماشاء الله كلهم حليون بدون ميكب وحواجبهم مرسومه من ربي وبسرتهم مررررره نظيفه ماشاء الله تبارك الله وهذا الشي اللي كاسرني ومحطمني 💔 .. امي تقول والله انك حلوهه لاتحطي بس أبدا ماعندي ثقه بهذا الشي عندي ثقه بكل شي فيني الا وجهي بدون ميكب .. حتى أحيانا أبكي بسبب هذا الشي 💔.
م أخفيكم الحين عند زوجي صرت عادي أطلع له بدون ايلاينر .. بس لااااازم أكون راسمه حواجبي ومخفيه الهالات .. كثير حاولت اهتم اخفي الهالات بس خلطاتي م جابت نتيجة .. وبس والله شي متعبني وحكيته لكم ياليت تقولون لي شي عادي وأستمر !! ولا تعطوني حلول .. وأنتي مع أو ضد الميكب اليومي ؟؟ 😢 تعبت من عدم الثقة 💔