اللي أشوفه في الأعراس يعور الراس

كيفكم يا أحلى حوائيات عساكم بخير موضوعي اليوم بخصوص الأعراس:icon28:واللي يصير فيها:mad:بصراحه كان بخاطري أكتب هالموضوع من زمان ما أدري إذا في وحده سبقتني عليه ما أطول عليكم باختصار اللي أشوفه في الأعراس يعور الراس أولا: التعصب القبلي الأعمي اللي رافع ضغطي خصوصا عند القبيليات مسكينه الطقاقه تلاقين ملتمين عليها جمهور لا متناهي من الحريم وكل وحده تقول لها طقي بإسم عائله فلان اللي ولده فلان وجده فلان الفلاني من فخذ القبيله الفلانيه ويلا قومي يالبنت اطمري وقامزي بين الحريم مثل المجنونه ( مفتخره بإصلها طبعا جدها كان أول مخترع ذره أيام الدوله العثمانيه) طبعا نظرات الغيره من حولها وما يمدي الطقاقه تخلص الا وقمزت عليها الثانيه طقي باسم فلان ولد الشيخ فلان الفلاني( المشيخه صارت حتى بالطق) والله انه العرس من أوله لآخره ما غير أسمع فلان ولد فلان وطربخ طربخ طربخ :09: والله عيب وحرام اللي قاعد يصير تعصب قبلي أحيانا يوصل لخراب بيوت والله وحده أعرفها تخانقت مع أهل زوجها ليه ما طقوا باسم أبوها وصارت مشكله كبيره بسبب هالموضوع التافه
ثانيا: اللي تعرفينها وتسوي نفسها ما تعرفك عشان لا تتعنى وتجي تسلم عليكي ( الأخت عنده كرامه يا تجين تسلمين ولا أسوي نفسي ما أعرفك) الله يرحم زمان لما كنتي تنطين بوجهي في كل عرس وتسلمين عشان أخطبك لأخوي:arb:( البنت من عرس أخوي سوت نفسها ثقيله)
ثالثا: وقت البوفيه ( العشاء) تلاقين الوحده معبيه صحنها فلللللللللللل وتمشي وتروح الصاله اللي فيها طق ( ما تبي يفوتها الشو تايم) وتقعد تاكل والأكل تنثره يمين وشمال كأنها ما كلت من سنين ومنظرها مقزز والمصيبه الأكل يطيح في الأرض والناس تدوس عليه حررررررام هالنعمه تنداس
رابعا: لقافه الحريم وااااااااااااه من لقافه الحريم عاده العروس يكون لها غرفه إلين وقت زفتها ما يقهرني إلا لما أشوف خالات وعمات المعرس وبناتهم لما يروحون الغرفه قال إيش (نبي نسلم على العروس ونبارك لها) والصحيح( خلينا نشوف هالبنت اللي خذاها وما خذا من بناتنا) طيب العروس راح تنزف بعد 10 دقايق أنطروا شوي عندكم العمر كله يمديكم تشوفونها :mad:عيب هالحركات ومفهومه ليش تخلين الناس تضحك عليك وعلى بناتك ويقولون ( من قهرها ما صبرت على وقت الزفه) أمني حبيباتي يكون كلامي خفيف عليكم وما تزعلون مني أتمنى أشوف ردودكم وأتمنى الموضوع ترفعونه عشان الكل يقراه واللي عنهدا زياده وأشياء تشوفها سلبيه تذكرها
وسلالالالالالالالالالالالامتكم
حبيت أعقب على الموضوع ما تلاحظون في الأعراس وحده توقف معاها عصايه ملونه طولها مترين وتقعد تطرد الأطفال والله شكلها راعيه غنم من جد شدعوه حطوا غرفه خلوا فيها عيالكم أو على الأقل خلوهم في البيت والله شكلها يضحك وهي تصارخ عليهم وطاردهم