السلام عليكم ورحمة الله وبركاته
أخواتي الحوائيات
الله يسعدكم إستفدت كثيير من هذا القسم من يوم كنت حامل ببنوتي
مواضيع راائعه ومفيده
واليوم حابه أستشيركم وآخذ رايكم بنظامي مع بنتي
لأنه موعااجبني
بنتي عمرها سنه وتسعه شهور
وزنها 10 كيلو و600 غرام
طولها 86 سم
محيط الراس 48 سم
ترضع طبيعي لأني حابه افطمها على السنتين إن شاء الله بعد 3 شهور
لكن تشرب حليب بالكوب مع الوجبات بس مو كميه كبيره
نظامها
تصحى الساعه 10
الفطور 11 لأنها ماتحب تاكل اول ماتصحى
بيض مقلي + كوب حليب 120 مل وشريحة توست
أو كورن فليكس وحليب
او كاسترد بالبيض
او عصيدة تمر 5 حبات تمر مع كوب مويه حاره وملعقتين دقيق بر على النار حتى تستوي وعليها شوي عسل
او ساندويتش فول سوداني وكوب حليب لكن نادرآ لانها ماتبه كثير
هذا غالبآ فطورها لأنها ماتحب الأجبان ولا النوتيلا لو عندكم كمان إقتراحات للفطور ياليت تفيدوني
الساعه 1 اعطيها فاكهه تفاحه او عنب او موزه صغيره او خيار
الساعه 2 قيلوله مع الرضاعه الطبيعيه طبعآ
الساعه 4 تصحى الغداء
مكرونه او رز وإيدام أو بطاطس ونقت او شربه
الكميه غالبآ أحط خمس ملاعق اكل او 6 ملاعق تكفيها ممكن مع عصير
الساعه 6 كوب حليب 100 مل بالعافيه تشربه مع بسكوت
الساعه 8 العشاء من عشانا
لأن زوجي يفطر ويتغدى برى ومايجي غير الساعه خمسه
ونظامنا وجبه باليوم دسمه عشى غداء
الساعه عشره زبادي بالفراوله
الساعه 11 بالغصب احيانآ ترضى تاخذ كوب حليب 100 مل
تنام على 11 ونص مع الرضاعه الطبيعيه
وهذا نظامي معاها طبعآ شوي ملخبط لأن إحنا حاليآ ببريطانيا زوجي عنده دوره
فنظام يومي متغير مع وضع دراسته
واحس إني لخبطت الصغيره معايه مشكلتي إني مره قريت إنه لازم الحليب في هذا العمر باليوم 600 مل
وانا ارضع طبيعي واحس حليبي قليل فماأعرف قد إيش تشرب
وأحاول اعطيها الصناعي بالكوب لاكن يادوب باليوم 250 الى 300 مل
اخاف مو قاعده تاخذ كفايتها بالأكل وخاااصه الحليب وهذا الشيء ياثر على نموها وخاصه الطوول
احيانآ أحس إني موسوسه خاصه إنها ماشاء الله حركييييييه ماتجلس وتلعب ومزاجها حلو يعني مافي علامات جوع فياليت تعطوني رايكم في نظامي معاها
وفي طولها ووزنها لآن الدكتورره تقووول مرره كويس بس أنا أحسها نحيفه
ارجوكم اعطوووني رايكم ونظامكم مع أطفالكم :26:
orkid1424 @orkid1424
محررة
يلزم عليك تسجيل الدخول أولًا لكتابة تعليق.
orkid1424
•
رفع :44:
انا اشوف ان نظامك حلو وبما انك ترضعيها طبيعي لازم تاخذي كالسيوم وفيتامينات اقراص علشان يساعدك على الرضاعة
الله يسعدك حبيبتي على الرد
وفعلآ ذكرتيني بالحبوب كنت آخذها ووقفت من فترره
جزاك الله خير
إن شاء الله ارجع لها
ومشكوووره على الرد
وبإنتظار اخواتي العزيزات
وعشمي فيهم كبير بالتعليق والرد
وفعلآ ذكرتيني بالحبوب كنت آخذها ووقفت من فترره
جزاك الله خير
إن شاء الله ارجع لها
ومشكوووره على الرد
وبإنتظار اخواتي العزيزات
وعشمي فيهم كبير بالتعليق والرد
الصفحة الأخيرة