انا عشت مع عماني سنتين والحمد لله عمتي عسل طبيعي انه يجي اوقات اتضايق بس اتذكر لو امي ولا ابوي مكانهم .عمتي عاشت عند ابوي ست طعش سنة وبنتها معها وعمتي كانت ملسونة جدا الله يسامحها بس امي صبرت والله كل ماشفنا عمتي وبنتها مايقلون عن امي الا كل خير واكتشفت ان الدنيا دوارة . اما زوجي فلاحظت ان اذا سويت شي زين لامه احسه ينبسط بقوة ويدلع امه وابوه قدامي وبالعكس هذا يفرحني لان بكرة ولدي بيصير زي ابوه وانا اقولكم من واقع تجربة صح احنا مو ملائكة اكيد بيصير بينك وبين عمتك احتكاك ياشيخة وربي تشوفين اجرها عن ربي

س1: كيف تستقبلين زوجك إذا جا من برى البيت؟
الحقه الغرفه واضمه واساعده في تغيير ملابسه واكون مجهزه لك الحمام واليفه وكل شي قبل لايجي بوقت
س2: كيف تلبسين له ملابس بيت؟
البس ملابس مغريه في الغرفه بسسس هذا مايمنع اني البس ملابس كشخه قدام اهله بناطيل وبلايز طويله وبرمودات مع فساتين قصيره وتنانير قصير واستشور شعري ومكياج خفيف واحيانا ثقيل +وفي المساء اغير ملابسي البس بجايم تكون واسعه شوي وبلايزها طويله وبس تكون نعوووومه مره وتهبل
س3: كيف تسوين لكم أجواء رومانسية ومثل مايقولون ليلة حمراء-وردي-أزرق-.....الخ؟
اسويها بالغرفه اصلا حتى لو كنت ببت لوحدي بسويها بالغرفه
س4: كيف تناقشينه في موضوع مهم وضروري لا يحتمل التأخير؟
في الغرفه والا اجلس جنبه واقول له بصوت خفيف ابغاك الغرفه ضروري واقوله اللي ابغى
س5: كيف تتعاملين معاه طول اليوم والليل بحضورها؟
عادي اجلس جنبه لازم طبعا حتى لما اكون انافي الصاله ويدخل هو على طول يجلس جنبي ونسولف كلنا مع بعض وبعض الاحيان نجلس ع النت انا ويكون جنبيونسولف سوى

س6: كيف تطلعين معاه لوحدكم؟
هنا معاناتي نادرا مانطلع وحدنا نفسي نتعشى انا وهو بمطعم ونفسي نطلع نتمشى سوى بدون مايكون احد معانا بس يالا هانت كلها فتره ان شاء الله ونكون لوحدنا ونتهنى زي العالم والناس
س7: كيف تسوين احتفال ذكرى زواجكم؟
انا مالي الا سنه من يوم تزوجت سويته بالصيف لماكنت عند اهلي بس بعدالحفل قالي حرام ومدري ايش<<<قلت يالا بلاهاوفرت علينا
س8: هل ممكن تسافرون لوحدكم في الحياة؟
ممنووووووع
س9: إذا طلبتي زوجك في شي وتعذّر بأمه كيف تتصرفين؟
ياما تصير هذي بس خليها على ربك الله يعوضناالجنه اكيدمابقدراقوله شي هذي امه اهم مني ياما اجل مشاويري علشان مشاويرامه مع اني انا طلبته اول
س10: هل تلاحظين أن رضاء زوجك عنك من رضاء أمه عنك؟
اكيييييييد
س11: صفي مشاعرك في ظل جو البيت وظروفه؟
خليها بالقلب اكيد الوحده ماترتاح الا ببيتها بس الظروف صعبه الله يعوضنا خير

الله يهديهم هالعجايز لو يتركو الغيرة والحسد وتنشغل بزوجها وبيتها يكون ابرك لها انا حاليا كانا عندي والحين انتقلوا الى شقه باب في الباب ولا اقدر اقفل الباب عشان اسوي اي شيء خاص من لبس او حمام سونا او نتف شعر او اي شيء خاص والاخت بعد موجودة و امس جاءت واخذت البرود باند وحطتها بالشقه الي عندها وانا اشتغل عليه وقلت لزوجي وقال كلميها انت وهي لسانها طويل مالي خلقها ولا اقدر عليها فقال خلاص بيكلمها اما كيف استقله ابدا لبس قميص طويل و لا اي حركات رومنسية وه احسه يخاف من وجودهم لا يعرفون يخاف يقولون لعبت عليه المرةكأننا نسوي جريمه فحياتنا ابدا و لاشيء الا ريحه طبخ وقرف و اما المواضيع المهمه ما اناقشه ابدا لانه ما يعترف فيني وقتها خصوصا اذا الموضوع عن اهله وايش سووا وليه تعطيهم وكذا يعني اما بالنسبة للخرجه فأنا من زمان اصلا محبوسة بدونهم او من دونهم مشاعري بنطق احس اني مقيدة وهو بعد ينهرني قدامهم و لا يعطيني احترام كافي اوقات يعني اللهم اغفر لنا جميعا عموما ما يقصر معي عشان لا نظلمهم

الله يعينكم
انا طلعت منهم بس بعد ماحملت بالثاني احس تغيررررت للاسوا
لدرجه اذا وداني لاهلي تقول لولدها رايحين توسعون صدوركم مارحت تجيب لي كسوه

ماشاء الله تبارك الله أمك داعيتلك من قلبها مو مثل أمي الله يجعلني فداها كانت إذا عصبت علي قالت ياجعلك تاخذين واحد تلقيك أمه اللقى تقصد تتدخل فيه وتحكمني:eek: