اللي أنا فيه نعمة لو نقمة

الحمدلله على كل حال لكل موضوع ايجابيات وسلبيات واللي يشوف مصيبة غيره تهون عليه مصيبته
ولكن انا احترت هل انا في ابتلاء او نعيم
بداية نبذة عني انا حيويه واحب النشاط والحركه واحب امارس هواياتي واحب الطبخ والتنظيف وشغل البيت والاهتمام بنفسي وعيالي وزوجي كله بفضل ربي اعطاني الصحه والقوة ولك الحمد يالله


بس وقت الحمل اتعب وممنوعه من الحركه طول اشهر الحمل تنقلب حياتي جحيم
الله رزقني ثلاث اطفال تحملت الكل وصبرت عشانهم اصغرهم عمره سنه ونص


وقدر الله ان يرزقني وأحمل عالمانع بدون تخطيط
حمدت ربي وشكرته لان الله مايعطيني الا الخير
تحملت اول ثلاث شهور الوحم فضيع وقلت من يخلص الوحم ارتاح بعدها جاني نزيف شديد الدكاتره قالو التزم الراحه قلت ماعليه ارتاح لين يوقف النزيف وبعدها اعيش حياتي واقوم في عيالي وبيتي
وبعدها رحت كشفت وقالو عنق الرحم قصير وممنوعه من الحركه الى الولادة يعني بس حدي السرير
هنا اكتأبت وسودت الدنيا بوجهي ومن بيرعاني ويرعى اطفالي
طبعا طول هالفتره محديزورني ولا اطلع ولا ازور احد ولاحد يسأل عني
واللي زاد الطين بله وسبب شقائي في الحياة
انو زوجي مو متحمل الوضع وكل يومين مهاوشني ويتهمني بالتقصير وعدم الاهتمام ويحسسني اني عاله عليهم بلافايدة
مع انه وقت صحتي وقوتي كنت شايله البيت ومهتمه فيه وبعياله
عادي عنده يضرب ويهاوش ويسب ويشتمني واحنا على هالحال كل يومين وانا لازم اسكت واتحمل واصبر
طيب الحمل مو ذنبي وحدي لازم هو يخفف عني شوي
جمعت مبلغ كنت مدخرتنه من سنين قلت ماكو حل الا الشغالة هي اللي بتحل هالمشاكل بس طحنا بمشكله ثانيه
انا عطيته كل هالمبلغ لانه كاتب شيك بدون رصيد وكان بينسجن فساعدته
وهو ماقدر هالشي طول الوقت يهدر ويشتم ويسب ويتهمني بالتقصير


احيانا اقول خلاص بقوم اشتغل وانظف واطبخ واللي بيصيربالجنين يصير .. واحيانا يانبني ضميري واحس بالندم
وفعلا كل ما اجهدت نفسي شوي تعبت يعني لازمني راحة


كل المشكله بسبب زوجي كفاية اني محبوسه بالبيت وهو يهاوشني
وفوق هذا كل طالع مايجلس بالبيت وكل ليله سهران للفجر وانا ساكته
مع انه عطاني كلمة اول ماعرفت اني حامل وقال انو بيساعدني وبيوقف بصفي ومن هالكلام بس كل شي تبخر


انا الان وصلت مرحلة اني ابغى اهرب واخلي له البيت والعيال ابغى اهرب الى اي مكان حتى لو اموت نفسيتي في الحضيض وتعبانه جداً
انا ماترك الدعاء له بالهداية والاستفغار وقراءة القرآن بس خلاص تعبت اصابني يأس من اللي أنا فيه
انا حامل بالشهر الخامس وباقي مشوار عالولادة


ساعدوني وشورو علي ايش اسوي